စက်တင်ဘာ ၉၊ လန်ဒန် ။ ။ အာဆင်နယ်နောက်ခံလူ မာတီဆက်ကာသည် လေ့ကျင့်ခန်းအပြည့်အဝပြန်လည်ပြုလုပ်နိုင်ပြီဖြစ်ပြီး စတုခ်စီးတီးနှင့်ပွဲတွင် ပါဝင်ကစားရန် အာရုံစိုက်နေသည်။
အဖျားရောဂါကြောင့် နောက်ဆုံးပွဲစဉ်နှစ်ပွဲကိုလွဲခဲ့သည့် မာတီဆက်ကာမှာ စနေနေ့တွင်ကစားမည့်ပွဲ၌ ပြန်လည်ပါဝင်လာမည်ဟု မျှော်လင့်ရ သည်။
မာတီဆက်ကာ မပါဝင်နိုင်စဉ်အတွင်း အာဆင်နယ်အသင်းဂိုးမပေးထားရသော်လည်း နည်းပြအာစင်ဝင်းဂါးအနေဖြင့် ဗဟိုနောက်ခံနေရာတွင် မာတီဆက်ကာကို ထည့်သွင်းဖွယ်ရှိနေခြင်းဖြစ်သည်။ ကိုစီရယ်နီသည်လည်း ပြင်သစ်အသင်းနှင့်နိုင်ငံတကာပွဲမှ အထိခိုက်မရှိဘဲပြန်လာနိုင်ခဲ့ သည်။
အာဆင်နယ်သည် ဒုတိယအသင်းခေါင်းဆောင် မာတီဆက်ကာမပါနိုင်စဉ်အတွင်း လီဗာပူးလ်နှင့်ဂိုးမရှိသရေကျခဲ့ပြီး နယူးကာဆယ်ကို ၁-၀ ဂိုးဖြင့်အနိုင်ရခဲ့သည်။
အာစင်ဝင်းဂါး၏ အာဆင်နယ်အသင်းမှာ လာမည့်တစ်ပတ်တွင် ဒိုင်နမိုဇာဂရက်နှင့် အဝေးကွင်း၌ ချန်ပီယံလိဂ်ပွဲ စတင်ကစားရမည်ဖြစ်သည်။
Ref; Daily Mail