NEWS FLASH:  မင်းဘူးမြို့အနီး တပ်မတော်တိုက်လေယာဉ် ပျက်ကျ

YOPE ရုပ်/သံ Mizzima English

Eleven ကို အရေးယူမှုနှင့် NLDမှ ထင်ရှားသူတချို့၏ အသံ

.

Eleven ဂျာနယ်မှ သတင်းသမားသုံးဦးကိုနာမည်ကျော်  နိုင်ငံတော်အကြည်ညိုပျက်စေမှုရာဇသတ်ကြီးပုဒ်မ ၅ဝ၅ (ခ) ဖြင့် ရန်ကုန်တိုင်းဒေသကြီးအစိုးရကတရားစွဲမှုနှင့် ပတ်သက်ပြီး အာဏာရပါတီ အမျိုးသားဒီမိုကရေစီအဖွဲ့ချုပ် (NLD) မှ ထိပ်ပိုင်းခေါင်းဆောင်တချို့၊ အထင်ကရ အမတ်တချို့၏ ပြောဆိုချက်များကို ကောက်နုတ်ဖော်ပြလိုက်ပါသည်။ 

Eleven ဂျာနယ်တွင် ဖော်ပြခဲ့သော တိုင်းလွှတ်တော်အတွင်း ဆွေးနွေးချက်ဆိုင်ရာ ဆောင်းပါးတစ်ပုဒ်ကြောင့် အယ်ဒီတာချုပ် ကျော်ဇောလင်း၊ တာဝန်ခံအယ်ဒီတာနရီမင်း၊ သတင်းထောက်ချုပ် ဖြိုးဝေတို့ အထိန်းသိမ်းခံနေရသည်။

ဦးအောင်ရှင် (ကဗျာဆရာမုံရွာအောင်ရှင်)
ပါတီဗဟိုကော်မတီဝင်

“ပါတီပြောရေးဆိုခွင့်ရှိသူ မဟုတ်တဲ့အတွက် ဒီကိစ္စကို ပါတီအနေနဲ့ မပြောချင်ဘူး၊ တစ်ဦးချင်းအနေနဲ့ပဲ ပြောချင်တယ်။ ဒီကိစ္စကို သေသေချာချာပြန်ပြီး စဉ်းစားစေချင်တယ်၊ ပြန်သုံးသပ်စေချင်တယ်၊ ဒီကိစ္စကမီဒီယာနဲ့ NLD အစိုးရအကြားမှာ မကောင်းတဲ့အလားအလာပဲလို့ ကျွန်တော်က မြင်တယ်။ ၅ဝ၅(ခ)ဆိုတာက လိုရင်လိုသလို အဓိပ္ပာယ်ဖွင့်လို့ရတာတွေ ပါနေတယ်။ ဒါကြောင့် ငြိအောင်လုပ်မယ်ဆိုရင် လုပ်လို့ရတယ်လို့ပဲ ကျွန်တော်ပြောချင်တယ်။ အယ်ဒီတာတွေနဲ့ သတင်းထောက်တွေကတော့ သူတို့အမြင်သူတို့ ရေးမှာပဲလေ။ သူတို့အချက်အလက်နဲ့ သူတို့ရေးတာပဲ”

ဒေါက်တာမျိုးညွန့်
ပါတီပြောခွင့်ရပုဂ္ဂိုလ်

“ဂျာနယ်မှာ မမှန်မကန်ရေးသားတယ်လို့ စွပ်စွဲတဲ့အကြောင်းကျွန်တော် အင်တာနက်တွေပေါ် သိရတယ်။ မမှန်မကန် ရေးသားရင်တော့ ဒါက တာဝန်ယူရမှာပေါ့။ မမှန်မကန်ရေးသားတာ ကုမ္ပဏီတစ်ခု၊ အဖွဲ့တစ်ခုကို ထိခိုက်တယ်ဆိုရင်တော့ ဂျာနယ်အနေနဲ့ ဖြေရှင်းရမှာပေါ့။ ကျွန်တော်တို့ကတော့ မီဒီယာတွေနဲ့ ငြိမ်းချမ်းတဲ့ဟာတွေ လိုလားပါတယ်။ ဥပဒေအရ ငြိစွန်းတာကတော့ တစ်ပိုင်းပေါ့”

ဦးဖြိုးဇေယျာသော် (အဆိုတော် ဇေယျာသော်)
ပြည်သူ့လွှတ်တော်

“တရားစွဲမယ်ဆိုတာ နောက်ဆုံးအဆင့်အနေနဲ့မှ လုပ်သင့်တယ်လို့ ယူဆတယ်။ မီဒီယာကိုစွဲမယ်ဆိုရင် သတင်းမီဒီယာကောင်စီရှိတယ်၊ ဒါတွေနဲ့အရင် ဆက်သွယ်ညှိုနှိုင်းမှုတွေလုပ်၊ အဆင်မပြေဘူးဆိုတော့မှ  နောက်ဆုံးအနေနဲ့ ကျတော့မှ တရားစွဲတာက လုပ်သင့်တဲ့ အလုပ်လို့မြင်တယ်။ ဘယ်ကိစ္စမဆို ပထမဆုံးညှိနှိုင်းပြီးတော့မှ မရတော့တဲ့ အခြေအနေဖြစ်တော့မှ တရားတဘောင် ဖြစ်တဲ့ကိစ္စကို ဆက်လုပ်စေချင်တယ်”

ဦးခင်မောင်မြင့်
အမျိုးသားလွှတ်တော်

“သူတို့လုပ်ရပ်ကပါတီ image (ပုံရိပ်) တော့ကျတာပေါ့။ ရေးချင်တာရေးလေ၊ ကိုယ်ကမှန်နေရင် ပြီးတာပဲ။ မှားတာလည်းရေးမှာပဲ၊ မှန်တာလည်းရေးမှာပဲ၊ အဲ့ဒီမှာခံနိုင်ရည်ရှိဖို့လိုတယ်။ မီဒီယာတွေအနေနဲ့က ဒီမိုကရေစီကိုတော့ သွားမထိနဲ့ပေါ့။  လူမကောင်းရင်လူကိုရေးပေါ့။ ဒီမိုကရေစီကိုတိုက်ခိုက်ချင်တဲ့ပုံစံမျိုးတော့ မရေးသားသင့်ဘူး။ လူနဲ့ဒီမိုကရေစီကိုတော့ကွဲပြားအောင် ရေးသင့်တာပေါ့။ လူမကောင်းရင်လူကိုရေး၊ လွှတ်တော်အမတ်အသုံးမကျရင် လွှတ်တော်အမတ်ပြော။ ဝန်ကြီးချုပ်အသုံးမကျရင် ဝန်ကြီးချုပ်ပြောပေါ့”

ဒေါ်စန္ဒာမင်း
ရန်ကုန်တိုင်းဒေသကြီးလွှတ်တော်

“တိုင်းအစိုးရကပေးတဲ့ အချက်အလက်တွေပေါ်မှာ မူတည်ပြီးတော့ စာရင်းစစ်ချုပ်က အစီအရင်ခံစာတင်တယ်၊ ဒီအစီအရင်ခံစာမှာပါဝင်တဲ့ အချက်အလက်အမှန်တွေကို လွှတ်တော်ကိုယ်စားလှယ်တွေက ဆွေးနွေးတယ်၊ ဒီဆွေးနွေးချက်အပေါ်မှာ မူတည်ပြီးတော့ ပြင်ပမီဒီယာတွေက ဆွေးနွေးခြင်း၊ ထောက်ပြခြင်းတွေလုပ်ကြတာပါ။ ထောက်ပြတယ်၊ ဝေဖန်တယ်ဆိုတဲ့နေရာမှာလည်း ပြင်းထန်တဲ့ စကားလုံးအသုံးအနှုန်းတွေ၊ ဂုဏ်သိက္ခာအလွန်အမင်း ကျဆင်းသွားစေတဲ့ ကိစ္စမျိုးတွေဘာမှ မရှိပါဘူး။ လွှတ်တော် ကိုယ်စားလှယ်တွေဆွေးနွေးတဲ့ အချက်တွေ မှားနေတယ်ဆိုရင် ကျွန်မတို့ စာရင်းစစ်ချုပ်ရဲ့ အစီအရင်ခံစာ နောက်ဆုံး ဆွေးနွေးတဲ့နေ့တုန်းက ပြန်ရှင်းလို့ရပါတယ်။ ဒါပေမဲ့ တိုင်းဒေသကြီးအစိုးရက ပြန်မရှင်းခဲ့ဘူးလေ။ ပြန်မရှင်းခဲ့တဲ့အတွက် ကျွန်မတို့က မှန်တယ်လို့ပဲ ယူဆပါတယ်”

ဦးအောင်မျိုး
အမျိုးသားလွှတ်တော်

“ဖြစ်စဉ်အသေးစိတ်ကို သေချာမသိသေးတော့ မှတ်ချက်မပေးလိုပါဘူး။ ဒါပေမဲ့ ပုဒ်မ ၅ဝ၅(ခ) လိုပုဒ်မမျိုးကတော့ မရှိသင့်တော့တာ အမှန်ပါ။ ကျွန်တော်တို့ရဲ့လုပ်ဆောင်ချက်ထဲမှာလည်း ပြည်သူလူထုကို မျက်နှာမူပြီးတော့ အစိုးရကိုထိန်းကျောင်းရမယ့် ကိစ္စရှိပါတယ်။ ဒါကြောင့် ဒီကိစ္စကိုလည်းလုပ်သင့်တဲ့ကိစ္စ၊ မလုပ်သင့်တဲ့ ကိစ္စဆိုတာကို အားလုံးဆွေးနွေးတိုင်ပင်ပြီးတော့ တစ်ချိန်ချိန်မှာတော့ ကျွန်တော်တို့ရဲ့ သဘောထားမှတ်ချက်ပေးဖို့ရှိပါတယ်။ နီးစပ်ရာလွှတ်တော်ကိုယ်စားလှယ်တွေနဲ့ ပါတီတွင်းမှာ ဆွေးနွေးတိုင်ပင်ဖို့ ရှိပါတယ်”

ဦးရည်မွန် (ကဗျာဆရာမောင်တင်သစ်)
ပြည်သူ့လွှတ်တော်

“မီဒီယာအပေါ်ကိုတော့ ၅ဝ၅(ခ)နဲ့ မစွဲစေချင်ပါဘူး။ မီဒီယာကို တန်ဖိုးထားရကောင်းမှန်း မသိဘဲနဲ့တော့ ဒီမိုကရေစီကိုသွားလို့ရမှာမဟုတ်ဘူး။ အခု ကျွန်တော်တို့ လူ့အဖွဲ့အစည်းက ဒီမိုကရေစီကို ခက်ခက်ခဲခဲထူထောင်နေရတဲ့ အချိန်။ အာဏာနဲ့ မီဒီယာကအပြန်အလှန်လေးစားမှု၊ အသိအမှတ်ပြုမှုနဲ့ လက်ချင်းချိတ်ပြီးသွားဖို့ လိုအပ်တဲ့အချိန်လို့ ကျွန်တော်နားလည်တယ်။ မီဒီယာနဲ့ ပတ်သက်လို့ ဥပဒေကြောင်းအရ ဖြေရှင်းရမယ်ဆိုရင်တောင် တခြားပုဒ်မကို ရွေးချယ်သင့်တယ်။

ဦးအောင်သိန်း
အမျိုးသားလွှတ်တော်

“ဘာလို့ သတင်းသမားတွေနဲ့ ပတ်သက်ရင် တရားစွဲဖို့ပဲစဉ်းစားနေရလဲ၊ ဘာဖြစ်လို့အဲ့ဒီလောက်အထိဖြစ်နေလဲ”

ဦးမြင့်ဦး
ပြည်သူ့လွှတ်တော်

“လွတ်လပ်စွာရေးသားဖော်ထုတ်ခွင့်ဆိုတာ အခြေခံဥပဒေမှာလည်း ပါပြီးသားပဲလေ။ သတင်းမီဒီယာဆိုတာ စတုတ္တမဏ္ဍိုင်ပါ။ ကျွန်တော်တို့ တကယ်ဖိနှိပ်ခံရတဲ့ကာလတွေမှာလည်း ရေဒီယိုအသံလွှင့်ချက်တွေကို တချိန်လုံးစောင့်နားထောင်ခဲ့ရတာ၊ ဒါကပြည်သူ့အသံလို့ ကျွန်တော်ကတော့ နားလည်တယ်။ ဒီမိုကရေစီကိုသွားတဲ့ အခါမှာဒီမိုကရေစီအရ အာမခံချက်ပေးထားတဲ့ အခွင့်အရေးတွေကိုတော့ သတင်းဌာနတွေနဲ့ မီဒီယာလောကဟာလည်း ရသင့်တယ်လို့ မြင်ပါတယ်”