NEWS FLASH:  မင်းဘူးမြို့အနီး တပ်မတော်တိုက်လေယာဉ် ပျက်ကျ

YOPE ရုပ်/သံ Mizzima English

နောင်တ မရချင်လို့ ရုပ်ရှင်မရိုက်သေးတာပါ ဆိုတဲ့ ပိုင်တံခွန်

.

ရန်ကုန်၊ အောက်တိုဘာ ၁ ။        ။ ရုပ်ရှင်တွေရိုက်ဖို့ ထုတ်လုပ်ရေးတချို့ကလာပြီး ကမ်းလှမ်းတာတွေရှိပေမယ့် နောင်တမရချင်လို့ ရုပ်ရှင် မရိုက်ဖြစ်သေးဘူးလို့ သရုပ်ဆောင်၊ မော်ဒယ် ပိုင်တံခွန်က ဆိုပါတယ်။

သရုပ်ဆောင်အသစ်တစ်ယောက်အနေနဲ့ ရွေးချယ်ခွင့်တွေ သိပ်မရှိပေမယ့်လည်း ကိုယ်ကြိုက်တဲ့ ဇာတ်ညွှန်းတွေ မဟုတ်တဲ့အတွက် မရိုက်ဖြစ်သေးတာလို့လည်း သူကဆိုပါတယ်။

“ ဒီဟာတွေအကုန်လုံးက ရိုက်နေတုန်းအချိန်မှာ ဘာမှမဖြစ်ပေမယ့် ဘယ်လိုအချိန်မှာနောင်တရလဲဆိုတော့ အဲ့ဒါ ထွက်လာတဲ့အချိန်မှာ ကြော်ငြာတွေပဲဖြစ်ဖြစ် အမ်တီဗွီပဲဖြစ်ဖြစ် ဗွီဒီယိုပဲဖြစ်ဖြစ် ဘာဖြစ်ဖြစ် ရိုက်နေတဲ့ အချိန်မှာ ကောင်းကောင်းမလုပ်ခဲ့ရင် ထွက်လာတဲ့အချိန် တအားမျက်နှာပူတာ။ ကိုယ့်ကားတောင် ကိုယ် မကြည့် ရဲဘူး။ အဲ့အပိုင်းတွေရှိတယ်။ အဲ့တော့ စရိုက်တဲ့ အချိန်ထဲက အစကောင်းမှ အနှောင်းသေချာတဲ့ တကယ်ကို အစမှာကောင်းထားမှ နောက်ပိုင်းထွက်လာတဲ့အခါ ကောင်းမှာအဲ့လိုပေါ့”  လို့ သရုပ်ဆောင်နဲ့ မော်ဒယ်ဖြစ်တဲ့ ပိုင်တံခွန်က ပြောပါတယ်။

အောက်တိုဘာလ ၁ ရက်နေ့က နပ်စ်ကော်ဖီရဲ့ နှစ် ၈၀ ပြည့်အခမ်းအနားကို ရန်ကုန်မြို့၊ မြို့တော်ခန်းမ အရှေ့က မဟာဗန္ဓုလပန်းခြံမှာ ကျင်းပခဲ့ပြီး  အဆိုပါပွဲကို တက်ရောက်လာတဲ့ ပိုင်တံခွန်က သူရုပ်ရှင် မရိုက် ဖြစ်တာနဲ့ ပက်သက်ပြီး မီဒီယာတွေရဲ့မေးမြန်းမှုကို ဖြေဆိုခဲ့တာဖြစ်ပါတယ်။

ဒါ့အပြင် ပိုင်တံခွန်က သူ့အနေနဲ့ အက်ရှင်အမျိုးအစား၊ ဒရမ်မာ အမျိုးအစားရုပ်ရှင်တွေကိုရိုက်ချင်ပြီး သူ့အနေနဲ့ ပိုကြိုးစားရိုက်ရမယ့် ဇာတ်ညွှန်းအမျိုးအစားတွေကို ပိုရိုက်ချင်တယ်လို့ဆိုပါတယ်။

“ ငွေရလို့လုပ်ခဲ့တာတွေ ကျွန်တော့်ဘ၀မှာအများကြီးရှိခဲ့ပြီးသွားပြီ။ ဒါအပွင့်လင်းဆုံးပြောတာ။ ဒါပေမယ့် နောက်ပိုင်းရိုက်ထားတဲ့ဟာက ဟာ ပိုင်တံခွန်က ဘယ်လိုကားကြီးရိုက်ထားတယ်။ ကျွန်တော်မဖြစ်စေချင်ဘူး။ ကျွန်တော့်ပရိသတ်တွေလည်း ပိုင်တံခွန်ရိုက်ထားတဲ့ဟာက ဟာ အကိုပိုင်တံခွန် ဒီကားလေး ကောင်းလိုက်တာ။ အဲ့လိုလေးပဲကျွန်တော်ဖြစ်စေချင်တယ်ပေါ့နော်။ ဖြစ်စေချင်တဲ့အတွက် အဲ့တာကြောင့်ပဲ ရွေးချယ်တာ များတယ်။ ထုတ်လုပ်ရေး တချို့ တချို့ထုတ်လုပ်ရေးနဲ့လည်း ကျွန်တော်စကားပြောဖြစ်တယ်။ ပြောဖြစ်လည်း ကျွန်တော် အဲ့လိုပဲပြောတယ်။ အဲ့လိုလေးတွေ ရိုက်ချင်တယ်။ အဆင်ပြေမှ ဒီလိုမျိုးမဟုတ်ဘဲ ပိုင်တံခွန် မင်းသား ခေါ်တင်တယ်။ ထိုက်ထိုက်တန်တန်ပေးတယ်။ ဒါပေမယ့် ဇာတ်တွေက သိပ်အဆင်မပြေဘူး။ အဲ့လိုဆို ရင်တော့သိပ်မရိုက်ဖြစ်ဘူး” လို့ ပိုင်တံခွန်ကပြောပါတယ်။

ရုပ်ရုပ်မရိုက်ဖြစ်သေးပေမယ့်လည်း လက်ရှိမှာတော့ ကြော်ငြာနဲ့ MTV တွေကို အသားပေး ရိုက်ကူးဖြစ်နေ ကြောင်းလည်း သူကပြောပါတယ်။

ပိုင်တံခွန်ဟာ ၂၀၁၈ ခုနှစ်အတွင်းမှာပဲ ဝတ္ထု၊ ဇာတ်ညွှန်း၊ ဒါရိုက်တာအဖြစ် ဒဿကျော်စွာက ရိုက်ကူးခဲ့တဲ့ သမန်းကျားဝိညာဉ် ဗီဒီယိုဇာတ်ကားမှာ ခေါင်းဆောင်မင်းသားအဖြစ် ပါဝင်သရုပ်ဆောင်ခဲ့သူ ဖြစ်ပါတယ်။