တန်ဇန်းနီးယားရှိ ၀ိတိုရိယအိုင်တွင် ရေယာဉ်တိမ်းမှောက်မှုကြောင့် သေဆုံးသူ ၁၃၁ ဦးရှိလာ

.

စက်တင်ဘာ ၂၂ ။           ။ ပြီးခဲ့တဲ့ စက်တင်ဘာလ၊ ၂၀ ရက်က တန်ဇန်းနီးယားနိုင်ငံ၊ ၀ိတိုရိယအိုင်မှာ ရေယာဉ်တစ်စီး တိမ်းမှောက်ခဲ့ရာ သေဆုံးသူ ၁၃၁ ဦးရှိခဲ့ပြီဖြစ်ကြောင်း အာဏာပိုင်တွေက ထုတ်ပြန်ကြေညာလိုက်ပါတယ်။

ဘူဂိုရိုရာကျွန်းကနေ ခရီးသည် ၂၀၀ ကျော်နဲ့အတူ ကုန်ပစ္စည်းတွေ တင်ဆောင်လာတဲ့ အဆိုပါရေယာဉ်ဟာ ပြီးခဲ့တဲ့ ကြာသာပတေးနေ့က တိမ်းမှောက်ခဲ့တာဖြစ်ပါတယ်။

MV Nyerere ရေယာဉ်ဟာ ပုံမှန်တင်ဆောင်နိုင်တဲ့ ခရီးသည်ပမာဏကို ကျော်ပြီး ခရီးသည် ၂၀၀ ကျော်တင်ခဲ့တဲ့အတွက် ယခုလို တိမ်းမှောက်ခဲ့ရကြောင်း သိရှိရပါတယ်။

ရေယာဉ်တိမ်းမှောက်တဲ့ စက်တင်ဘာလ၊ ၂၀ ရက် ညတွင်းချင်းမှာပဲ အာဏာပိုင်တွေက လိုက်လံရှာဖွေ ကယ်ဆယ်လျက်ရှိရာ ၁၃၁ ယောက်သေဆုံးပြီး အသက်ရှင်ကျန်ရစ်သူအယောက် ၄၀ ရှိတယ်လို့ သိရပါတယ်။

ရေယာဉ်စီးနင်းလိုက်ပါလာတဲ့ ခရီးသည်ဘယ်နှဦးရှိခဲ့လဲဆိုတာ မသိရတဲ့အတွက် ဘယ်နှဦးပျောက်ဆုံးနေလဲဆိုတာကို အတည်မပြုနိုင်သေးကြောင်း အာဏာပိုင်တွေက ပြောပါတယ်။

ပျောက်ဆုံးနေတဲ့ ခရီးသည်တွေကိုလည်း အာဏာပိုင်တွေက ဆက်လက်ရှာဖွေလျက်ရှိတယ်လို့ သိရပါတယ်။

ဒေသခံ ၁၃၁ ယောက်သေဆုံးခဲ့ရတဲ့အတွက် ၄ ရက်တာ ၀မ်းနည်းကြေကွဲခြင်း အထိမ်းအမှတ် ကျင်းပသွားမယ်လို့ တန်ဇန်းနီးယားသမ္မတက ပြောပါတယ်။