ထိန်ပင်အမှိုက်ပုံ မီးလောင်မှုမျိုး ထပ်မဖြစ်ရေး ODA ချေးငွေရယူဆောင်ရွက်မည်

.

ဓာတ်ပုံ - သူရ/ မဇ္ဈိမ

ရန်ကုန်၊ စက်တင်ဘာ ၁၉ ။         ။ ယခုနှစ် ဧပြီလအတွင်း ဖြစ်ပွားခဲ့သော ထိန်ပင်အမှိုက်ပုံ မီးလောင်မှုမျိုး ထပ်မံမဖြစ်ပွားစေရန် Government to Government အစီအစဉ်ဖြင့် အတိုးနှုန်းအနည်းဆုံးဖြင့် ODA ချေးငွေရယူဆောင်ရွက်နိုင်မည့် အစီအစဉ်များ အား ဆွေးနွေးဆောင်ရွက်လျှက်ရှိကြောင်း ရန်ကုန်တိုင်းဒေသကြီး စည်ပင်သာယာရေးဝန်ကြီး ဦးမောင်မောင်စိုး က ပြောသည်။

ဒုတိယအကြိမ် ရန်ကုန်တိုင်းဒေသကြီးလွှတ်တော် သတ္တမပုံမှန်အစည်းအဝေး ပဉ္စမနေ့တွင် မရမ်းကုန်းမြို့နယ် မဲဆန္ဒနယ် အမှတ်(၁) မှ ရန်ကုန်တိုင်းဒေသကြီးလွှတ်တော်ကိုယ်စားလှယ် ဦးရန်ရှင်း မေးမြန်းသော ထိန်ပင် အမှိုက်ပုံတွင် ဖြစ်ပွားခဲ့သည့် မီးလောင်ကျွမ်းမှုမျိုး အဆိုပါနေရာအပါအဝင် ကျန်အမှိုက် စုပုံသည့် နေရာ များတွင် ထပ်မံမဖြစ်ပွားရေးအတွက် မည်သို့စီစဉ်ဆောင်ရွက်ထားသည်ကို သိရှိလိုပါကြောင်း မေးခွန်းကို ပြန်လည်ဖြေကြားခဲ့ခြင်း ဖြစ်သည်။

“လက်ရှိ ရန်ကုန်မြို့တော်၏ စွန့်ပစ်အမှိုက်အနေအထားအရ စွန့်ပစ်အမှိုက်များအား မီးရှို့ဖျက်ဆီးခြင်း နည်းစဉ် တစ်ခုတည်း မဟုတ်ဘဲ စီမံခန့်ခွဲမှုများဆောင်ရွက်ရာတွင် အမှိုက်ခွဲခြားခြင်း၊ သဘာဝမြေဆွေးပြုလုပ်ခြင်း၊ Recycle အမှိုက်များ ပြန်လည်ပြုပြင်သန့်စင်ခြင်း၊ အမှိုက်မှ အပူနှင့် စွမ်းအင်ထုတ်လုပ်ခြင်း၊ စွမ်းအားဖြည့် Refuse Derived Fuel (RDF) လောင်စာထုတ်လုပ်ခြင်းလုပ်ငန်း၊ အမှိုက်မှ Anaerobic Digestion နည်းစဉ် အသုံးပြု၍ CNG, Co ထုတ်လုပ်ခြင်း လုပ်ငန်းစဉ်တို့ဖြင့် အကောင်အထည်ဖော် ဆောင်ရွက်ခြင်းတို့အား City to City အစီအစဉ်ဖြင့် ဆောင်ရွက်ခြင်း၊ Joint Venture ဖြင့် အကျိုးတူပူးပေါင်း ဆောင်ရွက်ခြင်း၊ Government to Government အစီအစဉ်ဖြင့် ဆောင်ရွက်ခြင်း၊ ODA ချေးငွေရယူ၍ ဆောင်ရွက်ခြင်း၊ Joint Crediting Mechanism (JICM) Scheme နည်းစဉ်တို့ဖြင့် ဆောင်ရွက်ခြင်းတို့မှ မိမိနိုင်ငံ၊ မိမိမြို့တော်နှင့် သင့်လျော် သော နည်းလမ်းနှင့် အချိန်တိုအတွင်း အမြန်ဆုံး အကောင်ထည်ဖော်နိုင်သည့် နည်းလမ်းတို့အား ရွေးချယ် အကောင်အထည်ဖော်နိုင်ရေးအတွက် စီစဉ်ဆောင်ရွက်လျှက်ရှိရာ လက်ရှိ၌ Government to Government အစီအစဉ်ဖြင့် အတိုးနှုန်းအနည်းဆုံးဖြင့် ODA ချေးငွေရယူဆောင်ရွက်နိုင်မည့် အစီအစဉ်များအား ဆွေးနွေး ဆောင်ရွက်လျှက်ရှိပါတယ်”ဟု ဦးမောင်မောင်စိုးက ပြောသည်။

၂၀၁၈ ခုနှစ်၊ ဧပြီလတွင် open Dumping စနစ်ဖြင့် (၁၇)နှစ်ကြာ အမှိုက်စွန့်ပစ်နေသော လှိုင်သာယာမြို့နယ်ရှိ ထိန်ပင်စွန့်ပစ် အမှိုက်ပုံတွင် မီသိန်းဓါတ်ငွေ့မှတစ်ဆင့် မီးလောင်မှု ဖြစ်ပေါ်ခဲ့ရာ  အဖွဲ့အစည်းများစုပေါင်း၍ မီးငြိမ်းသတ်မှုများ ဆောင်ရွက်ခဲ့ရပြီး (၁၅)ရက်ခန့် မီးငြိမ်းသတ်ခဲ့ရကြောင်း ဦးမောင်မောင်စိုးက ထည့်သွင်း ပြောကြားခဲ့သည်။

ထို့အပြင် နောက်ဆုံးစွန့်ပစ်အမှိုက်ပုံများ၌ အမှိုက်ပုံ စုပုံသည့်စနစ်နှင့် အမှိုက်များအား ချေဖျက်သည့် စနစ်များ ဆောင်ရွက်ရန် စီစဉ်နေချိန်တွင် အမှိုက်ပုံကြီးများ မီးဘေးအန္တရာယ် မဖြစ်စေရန် လက်ရှိအမှိုက် စုပုံသည့် အမှိုက်ပုံကြီးများ၏ အမှိုက်စုပုံသည့် နေရာတွင် အမှိုက်ထုအား ပိုင်းခြား၍ အမှိုက်များ အကန့်အလိုက်ဖြစ်စေ ပေ (၃၀၀) ကြား၌ ပေ (၂၀)အကျယ် ဖြတ်လမ်းပုံစံအဖြစ် ပိုင်းခြားမှုများကို ဆောင်ရွက်ခြင်း၊ အမှိုက်စုပုံ ပြီးပါက လည်း ယာဉ်ယန္တရားများဖြင့် အမှိုက်များဖြန့်ခြင်းနှင့် ရန်ကုန်မြို့တော် စည်ပင်သာယာရေးကော်မတီပိုင် မီးသတ်ယာဉ် (၁)စီးအားလည်းအဆင်သင့် ထားရှိကာကြိုတင်ပြင်ဆင်ဆောင်ရွက်ထားရှိကြောင်း ရန်ကုန်တိုင်း ဒေသကြီး စည်ပင်သာယာရေးဝန်ကြီး ဦးမောင်မောင်စိုးက ပြောသည်။

ရန်ကုန်မြို့တော် စည်ပင်သာယာ နယ်နိမိတ်အတွင်းရှိ အနောက်ပိုင်းခရိုင်နှင့် မြောက်ပိုင်းခရိုင်တို့မှ ထွက်ရှိ သည့် စွန့်ပစ်အမှိုက်များကို လှိုင်သာယာ မြို့နယ်၊ ထိန်ပင်စွန့်ပစ် အမှိုက်ပုံ၌ လည်းကောင်း၊ အရှေ့ပိုင်းခရိုင်နှင့် တောင်ပိုင်းခရိုင်တို့မှထွက်ရှိသည့် စွန့်ပစ်အမှိုက်များကို ဒဂုံမြို့သစ်(မြောက်ပိုင်း)မြို့နယ်ရှိ ထားဝယ်ချောင်း နောက်ဆုံး စွန့်ပစ်အမှိုက်ပုံ၌ လည်းကောင်း၊ ရန်ကုန်မြို့တစ်ဖက်ကမ်းရှိ ဒလမြို့နယ်မှ ထွက်ရှိသည့် စွန့်ပစ် အမှိုက်များကို ဒလအမှိုက်ပုံ(အသေး)နှင့် ဆိပ်ကြီးခနောင်တိုမြို့နယ်မှ ထွက်ရှိသည့် စွန့်ပစ်အမှိုက်များကို ဆိပ်ကြီးခနောင်တို အမှိုက်ပုံ (အသေး)တို့ထံသို့ နေ့စဉ်သွားရောက် စုပုံလျှက်ရှိကြောင်း သိရသည်။

ရန်ကုန်မြို့တော်တွင် တစ်နေ့လျှင် အမှိုက်တန်ချိန် ၂၅၀၀ ခန့် ပုံမှန်ထွက်ရှိလျှက်ရှိသည်။