NEWS FLASH:  မင်းဘူးမြို့အနီး တပ်မတော်တိုက်လေယာဉ် ပျက်ကျ

YOPE ရုပ်/သံ Mizzima English

ပဋိပက္ခဒေသလူငယ်တို့ ဆေးကျောင်းတက်ခွင့် ဘူးသီးတောင်အမတ် တောင်းဆို

.

ရခိုင်ပြည်နယ်အထက်တန်းကျောင်းတစ်ခုမှကျောင်းသူကျောင်းသားတချို့ (ဓာတ်ပုံ - ဇာနည်ဝင်း/Myanmar Now)

မငြိမ်မသက်ဖြစ်နေသည့်ကြားမှ ၁ဝ တန်းထူးချွန်စွာအောင်မြင်သူတို့ ဆေးတက္ကသိုလ် တက်ခွင့်ရရန် ဘူးသီးတောင်အမတ်ကမျှော်လင့်နေသည်

အထူးဒေသရှိ လူငယ်များဆေးတက္ကသိုလ်ဝင်နိုင်ရေးအတွက် ၎င်းတို့၏ ၁ဝ တန်းစာမေးပွဲ ရမှတ် ကန့်သတ်ချက်ကိုလျှော့ပေါ့စဉ်းစားပေးသည့် အစီအစဉ်တွင် ရခိုင်ပြည်နယ်ရှိ ပဋိပက္ခဒေသလူငယ်များလည်းပါဝင်ခွင့် ရသင့်သည်ဟု ဘူးသီးတောင်မြို့နယ်မှ လွှတ်တော်ကိုယ်စားလှယ်တစ်ဦးက ယနေ့ (စက်တင်ဘာ၁၇) တွင် ပြောလိုက်သည်။

နာဂ၊ ဓနု၊ ပအိုဝ်း၊ ပလောင်၊ ကိုးကန့်၊ ဝကိုယ်ပိုင်အုပ်ချုပ်ခွင့်ရဒေသများမှ  ကျောင်းသားများအားအထူးအခွင့်အရေးအဖြစ် စာမေးပွဲအမှတ်အကန့်အသတ်မရှိဘဲ ဆေးတက္ကသိုလ်လျှောက်ထားခွင့်ပေးမည့် အစီအစဉ်ကို အစိုးရကစက်တင်ဘာလဆန်းတွင် ထုတ်ပြန်ကြေညာပြီးဖြစ်သည်ဟု ဘူးသီးတောင်မြို့  ပြည်သူ့လွှတ်တော် အမတ် ဦးအောင်သောင်းရွှေကထောက်ပြသည်။

“ကျွန်တော်တို့ဘူးသီးတောင်ကပဋိပက္ခဧရိယာလေ။ ပဋိပက္ခဧရိယာဆိုတော့စာသင်ရတာကောင်းကောင်းမသင်ရဘူး၊ နယ်စပ်ဒေသဖြစ်တော့။ အဲ့ဒီထဲကမှ ထူးထူးချွန်ချွန်အောင်လာတဲ့ ကလေး၆ယောက်ကိုဆေးကျောင်းတက်ခွင့်ရရေးတောင်းဆိုတာပါ” ဟု ၎င်းကပြောသည်။

ဒေသတွင်းမတည်မငြိမ်မှုများကြောင့် စာသင်ကြားခွင့် အခက်အခဲရှိခဲ့သော်လည်းရမှတ် ၄၃၇ နှင့် ၄၉၇ ကြားရရှိသည့် ဘူးသီးတောင်မြို့နယ် အ.ထ.က (၅) မှ ကျောင်းသား၊ကျောင်းသူ ၆ ဦးဆေးတက္ကသိုလ် တက်ခွင့်ရရန် အတွက် ကျန်းမာရေးနှင့် အားကစားဝန်ကြီးဌာနသို့ ယနေ့ စာတင်ခဲ့ကြောင်းလွှတ်တော်အမတ်ကပြောသည်။