သပိတ်ကျင်းတွင် NLD လွှတ်တော်ကိုယ်စားလှယ်လောင်း ဒုတိယအကြိမ် မဲဆွယ်စည်းရုံး

.

စက်တင်ဘာ ၁၄၊ သပိတ်ကျင်း ။                               ။ မန္တလေးတိုင်းဒေသကြီး ၊ သပိတ်ကျင်းမြို့နယ်တွင် ကြားဖြတ်ရွေးကောက်ပွဲအတွက် NLD ဘက်မှ မဲဆန္ဒနယ် အမှတ်(၁) သပိတ်ကျင်းမြို့နယ် လွှတ်တော်ကိုယ်စားလှယ်လောင်း ဦးစိုးလွင်က စက်တင်ဘာလ ၁၄ ရက်က ဒုတိယအကြိမ်မဲဆွယ်စည်းရုံးရေး လုပ်ခဲ့သည်။

လာမည့် နိုဝင်ဘာလ ၃ ရက်အတွက် ၂၀၁၈ ခုနှစ် ကြားဖြတ်ရွေးကောက်ပွဲအတွက် သပိတ်ကျင်းမြို့နယ်အတွင်းမှာ ယှဉ်ပြိုင်မည့် ပါတီပေါင်း ၃ ခုရှိနေပြီး လွှတ်တော်ကိုယ်စားလှယ်လောင်းအဖြစ် ဦးစိုးလွင်က ၀င်ရောက် အရွေးချယ်ခံခြင်း ဖြစ်သည်။

“ ယခင်က လုပ်ဆောင်နိုင်ခဲ့တဲ့ ပြည်သူလူထုရဲ့ အခက်အခဲတွေကို ကြိုးစားနိုင်တာထက် အခွင့်အလမ်းနည်းလို့ ယခုအခွင့်အလမ်းကများတဲ့အတွက်  ယခုပြည်သူလူထုအတွက်  ပိုမိုကောင်းမွန်အောင် လုပ်ဆောင်နိုင်ဖို့ ၀င်ရောက်အရွေးခံခြင်းဖြစ်ပါတယ်” ဟု ကိုယ်စားလှယ်လောင်းအဖြစ် ရွေးချယ်ခံမည့် ဦးစိုးလွင်က ပြောသည်။ 

သပိတ်ကျင်းမြို့နယ် အမျိုးသားဒီမိုကရေစီအဖွဲ့ချုပ် အောင်နိုင်ရေးခရီးစဉ်တွင် ကိုယ်စားလှယ်လောင်းနှင်အတူ တိုင်းဒေသကြီးလွှတ်တော် မဲဆန္ဒနယ် အမှတ်(၁) သပိတ်ကျင်းမြို့နယ်  လွှတ်တော်ကိုယ်စားလှယ်လောင်း ဦးစိုးလွင် ၊ ခရိုင်ဥက္ကဋ္ဌ ဦးစန်းဝင်း ၊ မြို့နယ်ဥက္ကဋ္ဌ ဦးတိုးချစ်တို့ပါဝင်ခဲ့ပြီး ပြင်ဦးလွင်ခရိုင် ၊ စဥ့်ကူးမြို့နယ် ၊ မတ္တရာမြို့နယ် ၊သပိတ်ကျင်းမြို့နယ် အစရှိသည့် မြို့နယ်များမှ စုပေါင်းအင်အားဖြည့်ကာ NLD ပါတီဝင် ၁၅၀၀ ခန့် ပါဝင်ခဲ့သည်။

ပါတီဝင်တစ်ယောက်ဖြစ်သော ဒေါ်နန်းအိစံကလည်း “ ၂၀၁၅ တုန်းကထက် သာအောင် အားလုံးကို ၀ိုင်းဝန်း ကြိုးစားပြီး ပြည်သူလူထုအတွက်လည်း အကောင်းဆုံးဖြစ်အောင်လုပ်ဆောင်ခဲ့ပါတယ်” ဟု ပြောသည်။

မဲဆွယ်အောင်နိုင်ရေးအတွက် ဇရပ်ကွင်း ၊ လိပ်ကျ၊ ကွင်း(၃၀) ၊ ၀က်သေ ၊ ဖက်ရှည် ၊ ကျောက်ဖြူ ၊ ချောင်းကြီး အစရှိသည့် ကျေးရွာများသို့ လှည့်လည်ကာ မဲဆွယ်စည်းရုံးမှုများကို ပြုလုပ်ခဲ့ခြင်း ဖြစ်သည်။

ဖက်ရှည်ရွာမှ ဒေသခံတစ်ဦးကလည်း ယခုလို NLD ပါတီဝင်များ အင်းအားအလုံးအရင်းနှင့် မိမိတို့်ရွာသို့ မဲဆွယ်စည်းရုံးခြင်းများ ပြုလုပ်သည့်အပေါ်မှာလည်း များစွာဝမ်းသာမိ ကြောင်း ၊ လွတ်တော်ကိုယ်စားလှယ်တစ်ယောက် အနေနဲ့လည်း မိမိတို့ရဲ့ သပိတ်ကျင်းမြို့နယ် ကို ဖွဲ့ဖြိုးတိုးတက်အောင် လုပ်ဆောင်နိုင်မည်ကိုလည်း ယုံကြည်ကြောင်း ပြောဆိုခဲ့သည်။