ရခိုင်ပြည်နယ်အတွက် လယ်ထွန်စက်များနှင့် သီးနှံအမြန်ရိတ်သိမ်းယာဉ်များ အိန္ဒိယသံရုံးမှ ပံ့ပိုးမည်

.

ရန်ကုန် ၊ စက်တင်ဘာ ၁၂ ။       ။ ရခိုင်ပြည်နယ်ရှိ တောင်သူလယ်သမားသမဂ္ဂ၏ လိုအပ်ချက်ဖြစ်သော  လယ်ထွန်စက်များနှင့် သီးနှံအမြန် ရိတ်သိမ်းယာဉ်များ ပေးအပ်ပံ့ပိုးရန် ရခိုင်ပြည်နယ်အစိုးရ လယ်ယာစိုက်ပျိုးရေး၊ မွေးမြူရေး၊ သစ်တောနှင့် သတ္တုတွင်းဝန်ကြီးဌာနနှင့် အိန္ဒိယနိုင်ငံသံရုံးတို့ နားလည်မှုစာချွန်လွှာအား လက်မှတ်ရေးထိုးခဲ့သည်။

အိန္ဒိယသံရုံးအနေဖြင့် ထိုကဲ့သို့ အကူအညီများပေးအပ်ခြင်း၏ ရည်ရွယ်ချက်မှာ ရခိုင်ပြည်နယ်တွင် စက်မှု လယ်ယာကဏ္ဍ ဖွံ့ဖြိုးတိုးတက်စေရန်နှင့် ဆော့ဖ်ဝဲကဏ္ဍတွင်အလုပ်အကိုင်အခွင့်အလမ်းများရရှိနိုင်စေရန် ရခိုင်ပြည် နယ်ရှိလူငယ်များအားကွန်ပြူတာနည်းပညာတတ်မြောက်မှုမြှင့်တင်ပေးရန်ဖြစ်ကြောင်း သံရုံးက ထုတ်ပြန်ခဲ့သည်။

အိန္ဒိယသံရုံး၏ သတင်းထုတ်ပြန်ချက်အရ ရခိုင်ပြည်နယ်ရှိ တောင်သူလယ်သမားများသမဂ္ဂ၏ အဓိက လိုအပ်ချက် အဖြစ်ဖော်ပြသော လယ်ထွန်စက် ၁၅ စီးနှင့် သီးနှံအမြန်ရိတ်သိမ်းယာဉ် ၁၅ စီးတို့အား ပံ့ပိုးပေးရန် စီစဉ်ခဲ့ခြင်းလည်း ဖြစ်သည်။

ထို့အပြင် ရခိုင်ပြည်နယ်၊လူမူရေးဝန်ကြီးဌာနသည် အိန္ဒိယနိုင်ငံသံရုံးနှင့်သီးခြားနားလည်မှုစာချွန်လွှာတစ်ခု အား လက်မှတ်ရေးထိုးခဲ့ပြီး အဆိုပါ စာချွန်လွှာအရ အိန္ဒိယနိုင်ငံသံရုံးမှ စစ်တွေကွန်ပြူတာတက္ကသိုလ်သို့ ကွန်ပြူတာ အလုံး ၄၀ နှင့်ဆက်စပ်ပစ္စည်းများပေးအပ်မည်ဟု သိရသည်။

အိန္ဒိယအစိုးရသည်ရခိုင်ပြည်နယ်ဖွံ့ဖြိုးတိုးတက်ရေးအစီအစဉ်အရ ၅နှစ်အတွင်းအမေရိကန်ဒေါ်လာ (၂၅)သန်းအားကူညီထောက်ပံ့ပေးရန် အိန္ဒိယနိုင်ငံနှင့် မြန်မာနိုင်ငံတို့ သီးခြားသဘောတူညီခဲ့ကြပြီး အဆိုပါ ဖွံ့ဖြိုးရေးအကူအညီအရ ရှေ့ပြေးစီမံကိန်းအဖြစ် အသင့်နေထိုင်နိုင်သောအိမ်အလုံး (၂၅၀)ကို ရခိုင်ပြည်နယ် မြောက်ပိုင်းတွင် ဘာသာအသီးသီးမှ နေရပ်စွန့်ခွာခဲ့ကြရသောသူများအတွက် ပထမဆုံးတည်ဆောက် ပေးခဲ့ကြောင်း သိရသည်။

အဆိုပါ နားလည်မှုစာချွန်လွှာများလက်မှတ်ရေးထိုးပွဲတွင် ရခိုင်ပြည်နယ်ဝန်ကြီးချုပ် ဦးညီပု၊ ရခိုင်ပြည်နယ် အစိုးရ လယ်ယာစိုက်ပျိုးရေး၊မွေးမြူရေး၊ သစ်တောနှင့်သတ္တုတွင်းဝန်ကြီးဌာန ၀န်ကြီး ဦးကျော်လွင်နှင့် လူမှုရေး ၀န်ကြီး ဌာန၀န်ကြီး ဒေါက်တာ ချမ်းသာတို့မှသက်ဆိုင်ရာ ၀န်ကြီးဌာနများ၏ ကိုယ်စားလက်မှတ်ရေးထိုးခဲ့ပြီး မြန်မာနိုင်ငံဆိုင်ရာအိန္ဒိယနိုင်ငံသံအမတ်ကြီး H.E. Shri Vikram Misri မှ အိန္ဒိယနိုင်ငံသံရုံး၊ ရန်ကုန်မြို့၏ကိုယ်စားလက်မှတ်ရေးထိုးခဲ့သည်။