ကျောက်မီးသွေးတွင်းပေါက်ကွဲမှုမှ သေဆုံးသူများကို တစ်ဦးလျှင် ကျပ် သိန်း ၆၀ လျော်ကြေးပေးသွားမည်

.

ဆော၊ စက်တင်ဘာ ၁၀ ။         ။ ယမန်နေ့ စက်တင်ဘာလ ၉ ရက်က ရှာဖွေမှု ပိတ်သိမ်းလိုက်သော ကျောက်မီးသွေးတွင်းပေါက်ကွဲမှုအတွက် ကုမ္ပဏီဘက်မှ  သေဆုံးသူ ၈ ဦးအတွက် တစ်ဦးလျှင် ကျပ် သိန်း ၆၀ လျော်ကြေးပေးသွားမည်ဟု ကုမ္ပဏီဘက်မှ သိရသည်။

ယမန်နေ့က ပိတ်သိမ်းမှုနှင့်ပတ်သက်ပြီး ကျန်ရှိပိတ်မိနေသူလေးဦးအား သယ်ထုတ်နိုင်ရေးအတွက် စက်တင်ဘာလ ၉ ရက် နံနက် ၁၀ နာရီ ၄၅ မိနစ်အချိန်တွင် နေပြည်တော်သတ္ထုတွင်းဦးစီးဌာန၊ ညွှန်မှူး ဦးကိုကိုလှိုင်အပါ ကျွမ်းကျင်ပညာရှင် ၃ ဦးနှင့် ကျွမ်းကျင်လုပ်သား ၈ ဦးတို့က ရှာဖွေရာ ပေ ၆၀၀ ကျော်တွင် အပုတ်နံ့များရ၍ ရှေ့သို့ဆက်လက်ရှာဖွေရာ ပေ ၆၇၀ အရောက်တွင် ကျောက်မီးသွေးတွင်းမှာ မြေများ၊ ကျောက်တုံးများ ပြိုကျပိတ်ဆို့ပြီး မြေများ၊ ကျောက်များဆက်လက်ပြိုကျနေသည်ကိုတွေ့ရသဖြင့် တွင်းပေါ်သို့ ပြန်လည်တက်ရောက်ခဲ့ခြင်း ဖြစ်သည်ဟု သိရသည်။

ယူဆောင်သွားသည့် တိုင်းတာရေးစက်များမှ အန္တရာယ်အမှတ်အသား အဆက်မပြတ် အချက်ပြနေ၍ ပိတ်မိနေသူ လေးဦးအား မသယ်ထုတ်နိုင်ဘဲ တွင်းအပြင်သို့ ၁၂ နာရီ ၁၀ မိနစ် အချိန် ပြန်လည် ရောက်ရှိလာကြောင်း သိရသည်။ ထို့ကြောင့်ရှာဖွေရေးပိတ်သိမ်းရန် ဆုံးဖြတ်ခဲ့ပြီးနောက် နေပြည်တော် သတ္ထုတွင်းဦးစီးဌာန ညွှန်မှူး ဦးကိုကိုလှိုင်က  အဆင့်ဆင့်တင်ပြပြီးနောက် ရှာဖွေမှုရပ်ဆိုင်းခဲ့သည်။

ဖြစ်စဉ်မှာ မကွေးတိုင်းဒေသကြီး၊ ဂန့်ဂေါခရိုင်၊ ဆောမြို့နယ်၊ ကျောက်မြောင်းကျေးရွာနှင့် ၂ မိုင်ခန့်အကွာ ထွန်းရာဇသတ္ထုတွင်းတူးဖော်ရေး ကုမ္ပဏီလီမိတက်ပိုင် ကျောက်မီးသွေးတွင်းတွင် စက်တင်ဘာလ ၆ ရက်နေ့ နံနက်က ပေါက်ကွဲမှုဖြစ်ပွားရာ လူ ၃ ဦးသေဆုံးပြီး ၅ ဦး ပိတ်မိနေခဲ့ခြင်း ဖြစ်သည်။

အဆိုပါ ကျောက်မီးသွေးတွင်းပေါက်ကွဲမှုတွင် အလောင်းရသူ ၄ ဦး၊ ပိတ်မိနေသူ ၄ ဦး(သေဆုံး)၊ ဒဏ်ရာရသူ ၁ ဦး ဖြစ်ပြီး သေဆုံးသူတစ်ဦးလျှင် ကျပ် သိန်း ၆၀ လျော်ကြေးပေးသွားမည်ဟု ကုမ္ပဏီမန်နေဂျာဦးမင်းမင်းဦးထံမှ သိရသည်။

လတ်တလောတွင် ဒဏ်ရာရသူကို မန္တလေးသို့ ပို့ဆောင်ကုသထားပြီး စက်တင်ဘာလ ၉ ရက်က ခရိုင်ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာန ဂန့်ဂေါနှင့် ပခုက္ကူမှ သေဆုံးသူ တစ်ဦးလျှင် ကျပ် သုံးသိန်း၊ ဒဏ်ရာရသူတစ်ဦးလျှင် ကျပ် ငါးသောင်း ပေးအပ်ခဲ့သည်။ ကုမ္ပဏီဘက်မှ သေဆုံးသူများအတွက် ကနဦး ကျပ် သိန်း ၂၀ စီပေးထားကြောင်း ထပ်မံ သိရသည်။

စက်တင်ဘာလ ၇ ရက်နေ့က တရုတ်နိုင်ငံသား Li Chang Wang ဦးစီး၍ကျွမ်းကျင်လုပ်သား ငါးဦးနှင့်အဖွဲ့သည် ပိတ်မိနေသူ ငါးဦးအနက်မှ မျိုးခိုင်( အသက် ၃၀နှစ်(ဘ)ဦးစံထူး) ဝင်းကြီး ကျေးရွာ၊ ဝန်းသိုမြို့နယ်၊ စစ်ကိုင်းတိုင်းနေထိုင်သူအား နေ့လည် ၁ နာရီ၄၅ မိနစ်အချိန်တွင် ကျင်းဝမှပေ ၄၀၀ ခန့်အကွာတွင် သေဆုံးလျှက်တွေ့ရှိရသဖြင့် တွင်းအပြင်သို့ မွန်းလွဲ ၂ နာရီအချိန်တွင် သယ်ထုတ်နိုင်ခဲ့သည်။

ထို့ပြင် စက်တင်ဘာလ ၈ ရက်နေ့ကလည်း နေပြည်တော်သတ္ထုတွင်းဦးစီးဌာနမှညွှန်မှူး ဦးကိုကိုလှိုင် အမှတ်(၁) သတ္ထု တွင်းလုပ်ငန်းမန်နေဂျာ ဦးသိန်းဝင်းပါ နှစ်ဦးတို့သည် အဆိုပါအခင်းဖြစ်ရာနေရာသို့ နည်းပညာ အထောက်အကူပြုကရိယာဖြင့် ကျောက်မီးသွေးတွင်းအတွင်းလေသန့်စင်မှုရှိ/မရှိ စစ်ဆေးခြင်းများ ဆောင်ရွက်ခဲ့ရာ လူကိုအန္တရာယ်ဖြစ်စေနိုင်သည့်ဓာတ်ငွေ့များရှိနေသေးသဖြင့် ကယ်ဆယ်ရေးသမားများ လုံခြုံမှု စိတ်မချရသည့်အတွက် ကယ်ဆယ်ရေးလုပ်ငန်းများဆိုင်းငံ့ထားပြီး လေမှုတ်သွင်းခြင်းလုပ်ငန်းများ ဆောင်ရွက် ထားရှိခဲ့သည်။