အိန္ဒိယနိုင်ငံ၊ပို့ဘလဲယားတွင် ဖမ်းဆီးခံထားရသော မြန်မာရေလုပ်သား ၁၁ ဦး ပြန်ရောက်လာ

.

ဓာတ်ပုံ-နိုင်ငံခြားရေးဝန်ကြီးဌာန

စက်တင်ဘာ ၁၀ ။                 ။ အိန္ဒိယနိုင်ငံ၊ ပို့ဘလဲယားရှိ ယာယီထိန်းသိမ်းရေးစခန်းများတွင် ထိန်းသိမ်းခံထားရသော မြန်မာရေလုပ်သား ၁၁ ဦး စက်တင်ဘာလ ၉ ရက်နေ့ညက ပြန်လည်ရောက်ရှိလာသည်။

အကျဉ်းထောင်များတွင် ပြစ်ဒဏ်ကာလပြီးဆုံးပြီးနောက် ယာယီထိန်းသိမ်းရေး စခန်းများ(Open Distress Camp)တွင် ရောက်ရှိနေသူ ရေလုပ်သားများအနက်  မြန်မာနိုင်ငံသားဖြစ်ကြောင်း အတည်ပြုစိစစ်ပြီးဖြစ်သည့် မောင်ဝင်းပါ(၁၁)ဦးတို့သည် မြန်မာနိုင်ငံမှ စေတနာရှင်များ၏ လေယာဉ်စရိတ်ကျခံပေးမှုဖြင့် စက်တင်ဘာလ ၈ ရက်နေ့ ည ၉ နာရီ ၂၀ မိနစ်တွင် မြန်မာ့လေကြောင်းလိုင်းပျံသန်းအမှတ် 8M608 ဖြင့် ရန်ကုန်အပြည်ပြည်ဆိုင် ရာ လေဆိပ်သို့ပြန်လည်ရောက်ရှိခဲ့ခြင်း ဖြစ်သည်။

အဆိုပါ အိန္ဒိယနိုင်ငံ၊ ပို့ဘလဲယားအကျဉ်းထောင်များတွင် ပြစ်ဒဏ်ကျခံနေရသူများနှင့် ပတ်သက်၍ မြန်မာသံရုံး ၊ နယူးဒေလီမြို့မှ အိန္ဒိယနိုင်ငံရှိ သက်ဆိုင်ရာ အာဏာပိုင်များနှင့် ညှိနှိုင်းပြီး ကောင်စစ်ဆိုင်ရာ တွေ့ဆုံမေးမြန်း မှုများ ပြုလုပ်ခြင်းနှင့် နိုင်ငံသားစိစစ်ရန်အတွက် အချက်အလက်များ ကောက်ခံခြင်းတို့အား ဆောင်ရွက်ခဲ့သည် ဟု နိုင်ငံခြားရေးဝန်ကြီးဌာနမှ ထုတ်ပြန်ထားသည်။

နိုင်ငံသားမှန်ကန်ကြောင်း အတည်ပြုချက်ရရှိသူများအား နိုင်ငံခြားရေးဝန်ကြီးဌာန၊ ပြည်ထဲရေးဝန်ကြီးဌာန၊ လူမှုဝန်ထမ်း၊ ကယ်ဆယ်ရေး နှင့် ပြန်လည် နေရာချထားရေးဝန်ကြီးဌာနတို့နှင့် ကူညီလိုသည့် စေတနာရှင်များနှင့်ပူးပေါင်း၍ ဆောင်ရွက်ခဲ့ခြင်း ဖြစ်သည်ဟု သိရသည်။

ကောင်စစ်ရေးရာနှင့် ဥပဒေရေးရာဦးစီးဌာန၊ နိုင်ငံခြားရေးဝန်ကြီးဌာနမှ အိန္ဒိယနိုင်ငံ၊ ပို့ဘလဲယားရှိ Open Distress Camp တွင် ထိန်းသိမ်းခံရသူ ရေလုပ်သားများအား မြန်မာနိုင်ငံသို့ ပြန်လည် ရောက်ရှိနိုင်ရန်အတွက် ကူညီဆောင်ရွက်ပေးခဲ့ရာ ၂၀၁၆ ခုနှစ်တွင် ၂၇၂ ဦး၊၂၀၁၇ ခုနှစ်တွင် ၁၃၃ ဦးနှင့် ၂၀၁၈ ခုနှစ်၊ ဇန်နဝါရီလမှ စက်တင်ဘာလအထိ ၄၄ ဦးတို့အား ကူညီဆောင်ရွက်ပေးနိုင် ခဲ့ကြောင်း သိရှိရပါသည်။

ပြီးခဲ့သည့်နှစ် ဒီဇင်ဘာအတွင်းက ဧရာဝတီတိုင်းဒေသကြီး  ဖျာပုံခရိုင်မှ ရေလုပ်ငန်း လုပ်ကိုင်နေသော ကျားဖောင်လုပ်သားများမှာ မုန်တိုင်းကြောင့် မျောပါပျောက်ဆုံးခြင်းများ ဖြစ်ပေါ်ခဲ့ပြီး အိန္ဒိယသို့ မျောပါခြင်းများ ရှိခဲ့သည်။