နဝတဝန်ကြီးဟောင်းဦးထွန်းကြည်ဘက်က ဗိုလ်ကြီးဟောင်းတစ်ဦးကို ဆက်သွယ်ရေးပုဒ်မဖြင့် စွဲထားသည့်အမှုကို ဆက်စစ်ရန်အမိန့်ချ

.

 ပြည်သူ့လွှတ်တော်ဥက္ကဌဟောင်းဦးရွှေမန်းနှင့် ၂၀၁၆ အလှူငွေပေးပွဲတစ်ခုတွင်တွေ့ရသည့် ဦးထွန်းကြည် (ဓာတ်ပုံ - အထူးကော်မရှင် FB)

 

ရန်ကုန်၊ စက်တင်ဘာ ၆ —ကုန်သွယ်ရေးဝန်ကြီးဟောင်းဒုတိယဗိုလ်ချုပ်ကြီး(ငြိမ်း) ထွန်းကြည်၏ မိသားစုကဗိုလ်ကြီးဟောင်းတစ်ဦးကိုဆက်သွယ်ရေးဥပဒေပုဒ်မ ၆၆(ဃ) ဖြင့် တရားစွဲထားသည့်အမှုကိုဗဟန်းမြို့နယ် တရားရုံးတွင် ယနေ့ (စက်တင်ဘာ ၉) ဒုတိယရုံးချိန်းအဖြစ် ကြားနာခဲ့ပြီးဆက်လက်စစ်ဆေးရန် ကြားဖြတ်အမိန့်ချခဲ့သည်။

နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ (နဝတ) အစိုးရအုပ်ချုပ်သည့် စစ်အစိုးရကာလကတန်ခိုးထွားခဲ့သည့် ဝန်ကြီးဟောင်းဦးထွန်းကြည်ကိုဂုဏ်သိက္ခာကျအောင် အင်တာနက်လူမှုကွန်ရက်တွင် ရေးသည့် HlaingZawHtunအကောင့်ပိုင်ရှင် မရမ်းကုန်းမြို့နယ်နေဗိုလ်ကြီးဟောင်းလှိုင်ဇော်ထွန်းကိုအရေးယူပေးရန် ကာယကံရှင်၏သမီးက ၂၀၁၇ ခုနှစ် မေလကတည်းကတိုင်ကြားခဲ့ခြင်း ဖြစ်သည်။

ဩဂုတ်လ ၂ ရက်နေ့ကပထမအကြိမ် စစ်ဆေးခဲ့ပြီးယနေ့ရုံးချိန်းတွင် တရားသူကြီးကတရားလိုဘက်ကတင်ပြသောသက်သေခံအထောက်အထားများကိုမူရင်းလက်ကိုင်ဖုန်းနှင့် တိုက်ဆိုင်စစ်ဆေးစေ၍ အမှုကိုဆက်စစ်ဆေးရန် ကြားဖြတ်အမိန့်ချမှတ်ခဲ့သည်။

“ရင်းနှီးတဲ့တရုတ်မိတ်ဆွေတစ်ဦးကတော့ အေးဗျာတစ်သက်လုံးခိုးပြီးစုလာတာလေးတွေ အခုအသက်ရလာလို့အငြိမ်းစားယူမယ်ကြံကာမှ အားလုံးပြန်သိမ်းခံရတယ်ဆိုတော့ သေချင်စရာပေါ့ဗျာ”ဆိုသောစာသားနှင့် “တစ်ချိန်ကကိုယ့်ကိုယ်ကိုယ် သတ်သေသွားမလားလို့စိုးရိမ်ခဲ့ရတဲ့ ဦးထွန်းကြည်တို့ဘာတို့တောင် အခုကန်တော့ခံပြန်ဖြစ် ဘာညာဖောင်ဒေးရှင်းတွေရဲ့နာယက ပြန်ဖြစ်နေကြောင်းနှင့် ယိုသူမရှက် မြင် ကျွန်တော် တော့ရှက်ပါ့”ဆိုသောစာသားတို့ကိုHlaingZawHtunဖေ့ဘွတ်ခ် အကောင့်ကရေးသားသည်ဟုတရားလိုဒေါ်အေးစုကြည်၏တိုင်ချက်တွင် ဖော်ပြထားသည်။

စွပ်စွဲခံထားရသည့် အသက် ၄၀ အရွယ်ဗိုလ်ကြီးဟောင်းလှိုင်ဇော်ထွန်းကထိုဖေ့ဘွတ်ခ်အကောင့်သည် ၎င်းသုံးစွဲသည့် အကောင့်ဖြစ်ကြောင်းနှင့် ထိုသို့ ရေးသားခဲ့ကြောင်းဝန်ခံသော်လည်းဝန်ကြီးဟောင်းဦးထွန်းကြည်ကိုရည်ရွယ်ရေးသားခဲ့ခြင်းမဟုတ်ဟု Myanmar Now ကိုပြောသည်။

“ကျွန်တော့်မှာသူတို့ကိုဂုဏ်သိက္ခာညှိုးစေတဲ့ စိတ်လည်းမရှိဘူး။ အသရေပျက်စေလိုခြင်းလည်းမရှိဘူး။ ဘာလို့ဆိုတော့ တစ်ယောက် တစ်ယောက် မြင်တောင် မြင်ဖူးခဲ့တာမဟုတ်ဘူး။ အခုမှတရားလိုဆိုတာ ရုံးရောက်မှမြင်ဖူးတာ”ဟုအာမခံဖြင့်နေနေသည့် ၎င်းက ပြောသည်။

၎င်း၏ဥပဒေအကြံပေးဦးခင်မောင်မြင့်ကလည်း “ဖေ့ဘွတ်ခ်အထဲမှာပါတဲ့ ဦးထွန်းကြည်ဆိုတာကိုဒုတိယဗိုလ်ချုပ်ကြီး(ဟောင်း)ထွန်းကြည်လို့ အယူအဆလွဲပြီးတော့ တိုင်ကြားတယ်လို့မြင်ပါတယ်”ဟုပြောသည်။

ဦးခင်မောင်မြင့်က ၎င်း၏အမှုသည်အပေါ် စွပ်စွဲချက်များခိုင်မာမှု မရှိကြောင်း ရုံးတော်ကိုလျှောက်ထားချက်ပေးရန်ပြင်ဆင်နေသည်ဟုပြောသည်။

တရားလိုဒေါ်အေးစုကြည်နှင့် ၎င်း၏ ရှေ့နေဦးဘိုဘိုတို့ကမှတ်ချက်ပေးရန်ငြင်းဆန်ခဲ့သည်။

အနောက်မြောက်တိုင်းနှင့် အလယ်ပိုင်းတိုင်းစစ်ဌာနချုပ်တိုင်းမှူးဟောင်းယခုအသက် ၈ဝ အရွယ် ဦးထွန်းကြည်သည် ၁၉၉၂ ခုနှစ်တွင်ကုန်သွယ်ရေးဝန်ကြီးအဖြစ် တာဝန်ထမ်းဆောင်ခဲ့ပြီး ၁၉၉၇ ခုနှစ်တွင် အခြားထိပ်ပိုင်းစစ်အစိုးရအဖွဲ့ဝင် ဝန်ကြီးအချို့နှင့်အတူအနားပေးခံခဲ့ရသူဖြစ်သည်။

နောက်တစ်ကြိမ်ကြားနာရန် ရုံးတော်ကစက်တင်ဘာ ၂ဝ ရက်နေ့သို့ ချိန်းဆိုလိုက်သည်။

Tags: