အသုံးစရိတ်ပိုကုန်၍ သန်းတစ်ထောင်ကျော် ရှုံးနိုင်ဟု ပြန်ကြားရေးဝန်ကြီးပြော

.

ဓာတ်ပုံ - သက်ကို

နေပြည်တေ်ာ၊ စက်တင်ဘာ ၆ရက် ။               ။ အွန်လိုင်းမီဒီယာများ များလာ၍ ကြော်ငြာများ လျော့သွားခြင်းကဲ့သို့သော အချက်များအပါအဝင် ၂၀၁၈-၁၉ ဘဏ္ဍာနှစ်တွင် ၀င်ငွေထက်  အသုံးစရိတ်ပိုမိုကုန်ကျမှုကြောင့် ကျပ်သန်း တစ်ထောင်ကျော်ရှုံးနိုင်သည်ဟု ပြန်ကြားရေးဝန်ကြီး ဒေါက်တာဖေမြင့်က ပြောကြားလိုက်သည်။

" စာမျက်နှာ ၃၂ မျက်နှာပါ သတင်းစာတစ်စောင်ရဲ့ ထုတ်လုပ်မှုတန်ဖိုးဟာ ၁၁၅ ကျပ်ခန့် ဖြစ်ပေမယ့် ၅၀ ကျပ်ဖြင့်သာ ဈေးနှုန်းလျော့ချပြီး  ရောင်းချပေးနေတာ ဖြစ်ပါတယ်။ ဒီလိုရောင်းချပေးနေပေမယ့်လည်း သတင်းနဲ့ စာနယ်ဇင်းလုပ်ငန်းအနေနဲ့ ယနေ့ထိ အရှုံးဖြစ်ပေါ်ခဲ့ခြင်းမျိုးမရှိကြောင်း ၂၀၁၁-၂၀၁၂ ကနေ ၂၀၁၈ ခုနှစ် ပထမခြောက်လစာရင်းများအရ တွေ့ရှိရပါတယ်။ သို့သော် ၂၀၁၈-၂၀၁၉ ဘဏ္ဍာရေးနှစ်အတွက် ခန့်မှန်းတွက်ချက်တင်ပြရာမှာတော့ စာရင်းအရ ၀င်ငွေထက်ပိုတဲ့ အသုံးစရိတ်ဖြစ်ပေါ်တာ တွေ့ရှိရပါတယ်" ဟု ပြန်ကြားရေးဝန်ကြီး ဒေါက်တာဖေမြင့်က ပြောကြားသည်။

စက်တင်ဘာလ ၄ ရက်နေ့က ရန်ကုန်တိုင်းဒေသကြီး ကျောက်တန်းမဲဆန္ဒနယ်မှ ဒေါ်အေးမြမြမျိုးဆွေးနွေးခဲ့သည့် ၂၀၁၈-၁၉ ခုနှစ် အမျိုးသားစီမံကိန်း ဥပဒေကြမ်းနှင့် ပြည်ထောင်စု၏ ဘဏ္ဍာငွေ အရအသုံးဆိုင်ရာဥပဒေကြမ်းတို့၏ မူနှင့် အခြေခံသဘောများ စီမံကိန်းဆိုင်ရာ လုပ်ငန်းများ၊ ရငွေသုံးငွေများနှင့်  ပတ်သက်ပြီး ဆွေးနွေးခဲ့ရာတွင် ပြန်ကြားရေးဝန်ကြီးဌာနမှ အရှုံးပေါ်နေမှု အပေါ်ကို စက်တင်ဘာလ ၆ ရက်၊  ပြည်ထောင်စုလွှတ်တော် အစည်းအဝေးတွင်း ၀န်ကြီးက ပြန်လည်ဖြေကြားခဲ့ခြင်းဖြစ်သည်။

အသုံးစရိတ်ဆိုသည်မှာ ကုန်ကြမ်းပစ္စည်းများ ဝယ်ယူရာတွင် နိုင်ငံခြားငွေ မြင့်တက်ခြင်း၊ အွန်လိုင်းမီဒီယာများ အသုံးပြုမှု များလာခြင်းကြောင့် ကြော်ငြာများ လျော့သွားခြင်း၊ သတင်းစာရိုက်နှိပ်သည့် စက္ကူ၊၊ မှင်များ ဈေးတက်လာခြင်းတို့ကြောင့် ဖြစ်သည်ဟု ဝန်ကြီးက ပြောကြားသည်။

“ဒီအတွက် ငွေကျပ် ၁၁၅၇.၅၇၇ သန်းခန့် အရှုံးဖြစ်ပေါ်နိုင်ကြောင်း တွက်ချက်တင်ပြခဲ့ရခြင်းဖြစ်ပါတယ်။ တစ်ဖက်က စာရင်းသဘောအရ ယခုလို အရှုံးဖြစ်ပေါ်နိုင်မှု အခြေအနေကို တင်ပြခဲ့သော်လည်း တစ်ဖက်မှာ နိုင်ငံပိုင်စီးပွားရေးလုပ်ငန်းတစ်ခုအနေနဲ့ တတ်နိုင်သမျှ အရှုံးနည်းနိုင်သမျှ နည်းရလေအောင် နည်းလမ်းများရှာဖွေပြီး ကြိုးပမ်းဆောင်ရွက်သွားနိုင်မှာ ဖြစ်ပါတယ်”ဟု ဒေါက်တာဖေမြင့်က ဆက်လက်ပြောကြားသည်။

အရှုံးသက်သာစေမည့်နည်းလမ်းများအနေဖြင့် ကျေးလက်ဒေသများအထိ သတင်းစာများကိုရောက်ရှိနိုင်ရန် စောင်ရေတိုးမြှင့်ခြင်း၊ အသုံးစရိတ်လျော့ချခြင်းအပြင် ကြော်ငြာဝင်ငွေကို အတိုင်းအတာ တစ်ခုအထိ တိုးတက်ပြီး ရရှိစေရန် ဆောင်ရွက်သွားမည်ဟု ဝန်ကြီးက ထည့်သွင်းပြောကြားသွားသည်။

ပြန်ကြားရေးဝန်ကြီးဌာနအနေဖြင့် ၂၀၁၈ခုနှစ် ပြည်ထောင်စု၏ အခွန်အကောက်ဥပဒေအရ လျော့ပေါ့ပေးခဲ့သည့် ကုန်သွယ်လုပ်ငန်းခွန် ၅ ရာခိုင်နှုန်းနှင့် အကောက်ခွန် ၃ ရာခိုင်နှုန်းသည် သက်သာခွင့်ရမည်ဖြစ်၍ မူလခန့်မှန်းထားသော အရှုံးထက် ပမာဏများစွာ ကျဆင်းသွားမည် ဝန်ကြီးက ပြောကြားသွားသည်။

သတင်းနှင့်စာနယ်ဇင်းလုပ်ငန်း၏ ၂၀၁၈- ၂၀၁၉ ဘဏ္ဍာရေးနှစ်လျာထားချက်မှာ ၀င်ငွေ ကျပ် ၂၀.၃၇၄ ဘီလီယံခန့် ဖြစ်ပြီး အသုံးစရိတ်က ၂၁.၅၃၁  ဘီလီယံခန့်ဖြစ်နေသည်။

ပြန်ကြားရေးဝန်ကြီးဌာနလက်အောက်တွင် မြန်မာ့အလင်း၊ ကြေးမုံနှင့် Global News Light of Myanmar နေ့စဉ် သတင်းစာ သုံးစောင်ကို ထုတ်လုပ် ဖြန့်ချိလျက်ရှိသည်။