ဘတ်ဂျက်လိုငွေလျှော့ချရေး ယခင်လက်ကျန် မာစီးဒီးကားများ လေလံတင်ရောင်းချသင့်ဟု ဆို

.

နေပြည်တော်၊ စက်တင်ဘာ ၅ရက် ။           ။ မြန်မာနိုင်ငံတွင် ၂၀၁၈-၂၀၁၉ ဘဏ္ဍာနှစ်အတွင်း နိုင်ငံ၏ ဘတ်ဂျက်လိုငွေသည် ဘီလီယံ လေးထောင်ကျော် ရှိနေသည့်အတွက် ယခင်အစိုးရလက်ကျန် မာစီးဒီးကားများကို လေလံတင်ရောင်းချသင့်ကြောင်း စစ်ကိုင်းတိုင်း ဒေသကြီး မဲဆန္ဒနယ် အမှတ်(၅) မှ အမျိုးသားလွှတ်တေ်ာကိုယ်စားလှယ် ဦးရဲထွဋ်က ပြောသည်။

“ယခင် အစိုးရလက်ထက်က ကျန်တဲ့ သိန်းတစ်ထောင်တန် မာစီးဒီးကားတွေကို ခွဲဝေမယူကြဘဲနဲ့ လေလံ တင်ရောင်းချရင်လည်း ကျွန်တော်တို့ ဘတ်ဂျက်လိုငွေပြမှုကို တစိတ်တစ်ပိုင်း အထောက်အကူပြုမယ်လို့ ကျွန်တော့်အနေနဲ့ မြင်ပါတယ်” ဟု စစ်ကိုင်းတိုင်းဒေသကြီး မဲဆန္ဒနယ် အမှတ်(၅) မှ အမျိုးသားလွှတ်တေ်ာ ကိုယ်စားလှယ် ဦးရဲထွဋ်က ပြောသည်။

ဘတ်ဂျက်လိုငွေ လျော့ချရေးအတွက် မလိုအပ်သောဌာနများ၊ မလိုအပ်သော ရာထူးများကို လျော့ချရန် ထည့်သွင်းပြောဆိုခဲ့ပြီး ၀န်ကြီးဌာနများ၏ အပြိုင်အဆိုင် ဘတ်ဂျက်တောင်းခံမှုအပေါ် ဝေဖန်ခဲ့သည်။

စက်တင်ဘာ ၄ ရက်နေ့က ပြုလုပ်ကျင်းပခဲ့သည့် ပြည်ထောင်စုလွှတ်တေ်ာ အစည်းအဝေးတွင်း ၂၀၁၈-၂၀၁၉ ခုနှစ် အမျိုးသားစီမံကိန်းဥပဒေကြမ်းနှင့် ပြည်ထောင်စု၏ ဘဏ္ဍာငွေ အရအသုံးဆိုင်ရာဥပဒေကြမ်းတို့၏ မူနှင့် အခြေခံသဘောများ စီမံကိန်းလုပ်ငန်းများ၊ ရငွေသုံးငွေများနှင့် ပတ်သတ်ပြီး ဆွေးနွေးခဲ့ရာတွင် ဦးရဲထွဋ်က ဘတ်ဂျက်လိုငွေပြမှုနှင့် ပတ်သတ်ပြီး ဆွေးနွေးခဲ့ရာတွင် ထည့်သွင်းပြောခဲ့ခြင်းဖြစ်သည်။

ပြည်နယ်နှင့်တိုင်းဒေသကြီး ၀န်ကြီးချုပ်များအတွက် အဆောင်အယောင်ယာဉ်အဖြစ် ယခင်အစိုးရလက်ကျန် မာစီဒီးကားများ စီးနင်းခွင့် ပြုခဲ့ကြောင်း ဇူလိုင်လအတွင်းက စီမံကိန်းနှင့်ဘဏ္ဍာရေးဝန်ကြီးဌာန၊ အတည်ပြု ပြောထားခဲ့ခြင်းအပေါ် ရည်ညွှန်းပြောဆိုလိုက်ခြင်း ဖြစ်သည်။

စစ်ကိုင်းတိုင်းဒေသကြီး မဲဆန္ဒနယ် အမှတ်(၅) မှ အမျိုးသားလွှတ်တေ်ာ ကိုယ်စားလှယ် ဦးရဲထွဋ်က ဘတ်ဂျက်ပြန်အပ်သောဝန်ကြီးဌာနများအနေဖြင့်လည်း မလိုအပ်ပါက အစကတည်းက မတောင်းခံသင့် ကြောင်း ဝေဖန်ပြောဆိုသည်။

“အစိုးရဌာနတွေရဲ့ ဘတ်ဂျက်ငွေတွေကို တောင်းရာမှာလည်း ယောက္ခမသေလို့ အမွေခွဲသလို အပြိုင်အဆိုင် မတောင်းကြဘဲနဲ့ လိုသလောက်သာ တောင်းဖို့ လိုပါတယ်။ ၂၀၁၁-၂၀၁၂ မှာ ဘတ်ဂျက်ပိုလျှံငွေအသားတင် ပြန်အပ်ငွေဟာ ကျပ်ဘီလီယံ ၇၉၂ ရှိခဲ့ပေမယ့် ၂၀၁၆-၂၀၁၇ မှာ ဘတ်ဂျက်ပိုလျှံငွေအသားတင် ပြန်အပ်ငွေ ဟာ ကျပ်ဘီလီယံ ၁၆၈၇ ရှိပြီးတော့ ၂၀၁၇-၂၀၁၈ မှာ ကျပ်ဘီလီယံပေါင်း ၂၂၅၇ ရှိပါ တယ်။ ဒီ မသုံးဘဲ ပြန်အပ်တဲ့ငွေတွေအစား မူလကတည်းက မတောင်းဘဲနေရင် ကျွန်တော်တို့ ဘတ်ဂျက်လိုငွေဟာ အများကြီး လျှော့နည်းသွားမှာဖြစ်ပါတယ်”ဟု ၄င်းက ပြောခဲ့သည်။

၂၀၁၈-၂၀၁၉ခုနှစ် ဘဏ္ဍာနှစ်တွင်း ဘတ်ဂျက်လိုငွေသည် ကျပ်ဘီလီယံပေါင်း ၄၉၀၃ ရှိသည်ဟု ၄င်းက ဆက်လက်ပြောသည်။

အစိုးရအဆက်ဆက် ၀န်ကြီးဌာနများမှ ချေးယူထားသည့် ပြည်ပချေးငွေ ကြွေးမြီပေါင်းသည် ဒေါ်လာ ၁၈.၁၂၃ ဘီလီယံ ရှိပြီး၊ ၂၀၁၁-၂၀၁၂ခုနှစ်တွင် ပြည်တွင်း၊ ပြည်ပ အတိုးပေးရငွေ စုစုပေါင်းသည် ၄၇၃.၀၀၀ ဘီလီယံ ရှိကာ၊ ၂၀၁၇-၂၀၁၈ တွင် အတိုးပေးရငွေ စုစုပေါင်းသည် ကျပ်ဘီလီယံ ၁၂၉၄.၆၃၂ ရှိသောကြောင့် မြန်မာနိုင်ငံ၏ စီးပွားရေး အခြေအနေသည် အန္တရာယ်ရှိသော အခြေအနေတွင် ရှိကြောင်း ၄င်းက ထောက်ပြ ပြောဆိုခဲ့သည်။

အလားတူ နိုင်ငံတွင်းတွင် အလုပ်မဖြစ်နိုင်သော မဟာစီမံကိန်းကြီးများ၊ မြေအောက်လမ်းများ ဖောက်လုပ်ခြင်း၊ မြို့တွင်းမိုးပျံလမ်းများ ဖောက်လုပ်ခြင်းများ၊ မြို့သစ်စီမံကိန်းကြီးများကို အလုံးစုံ ရပ်ဆိုင်းသင့်သလို၊ ယာယီရပ်ဆိုင်းမှုမျိုးများကို မဖြစ်ခဲ့ရင်တောင် ဖျက်သိမ်းရန် လိုကြောင်း ဦးရဲထွဋ်ကဆက်လက်ထောက်ပြ ပြောခဲ့သည်။

၂၀၀၂ ခုနှစ်ကတည်းက တည်ဆောက်ခဲ့ပြီး အပြီးမသတ်နိုင်သေးသော မြစ်သာရေလှောင်တမံစီမံကိန်းကို ကျပ် ၃၀၄ ဘီလီယံထိ ထပ်မံပြင်ဆင်စရိတ်ကို ဆည်မြောင်းဝန်ကြီးဌာနမှ တောင်းခံခဲ့သေးသည်။