ရိုက်တာသတင်းထောက်နှစ်ဦးအတွက် လူ့အခွင့်အရေးကော်မရှင် ကြေညာချက်ထုတ်

.

ရန်ကုန်၊ စက်တင်ဘာ ၄ ။          ။ ရန်ကုန်အခြေစိုက် ရိုက်တာသတင်းဌာနမှ သတင်းထောက်ကိုသက်ဦးမောင် (ခ) ကိုဝလုံး နှင့် ကိုကျော်စိုးဦး (ခ) ကိုမိုးအောင်တို့နှစ်ဦးအတွက် လူ့အခွင့်အရေးများကို ရရှိခံစားနိုင်ရေးအလေးထားဆောင်ရွက်ပေးရန် မြန်မာနိုင်ငံအမျိုးသားလူ့အခွင့်အရေးကော်မရှင်မှ စက်တင်ဘာလ ၄ ရက်နေ့ရက်စွဲဖြင့် ထုတ်ပြန်လိုက်သည်။

ရန်ကုန်မြောက်ပိုင်းခရိုင်တရားရုံးမှ ၄င်းတို့နှစ်ဦးအား စက်တင်ဘာလ ၃ ရက်နေ့တွင် ထောင်ဒဏ် ၇ နှစ် ချမှတ်ခဲ့ခြင်းအပေါ် လူ့အခွင့်အရေးကော်မရှင်အနေဖြင့် မှတ်ချက်တင်ပြရန်မရှိသော်လည်း ပြည်တွင်း ပြည်ပမှ ဝေဖန်မှုများရှိနေသည်ကို တွေ့ရကြောင်း ရေးသားထားသည်။

"နိုင်ငံတော်အတွက် ရှု့ထောင့်ပေါင်းစုံမှ အလေးထား စဉ်းစားပေးပါရန်နှင့် အယူခံတက်ခွင့်၊ ရှေ့နေနှင့်တွေ့ ဆုံခွင့် အပါအဝင် ၄င်းတို့၏ လူ့အခွင့်အရေးများကို ရရှိခံစားနိုင်ရေးအတွက် အလေးထား ဆောင်ရွက်ပေးပါရန် တိုက်တွန်းအပ်ပါသည်" ဟု ဖော်ပြထားသည်။

ရန်ကုန်မြောက်ပိုင်းခရိုင်တရားရုံးတွင် အမှုစစ်ဆေးနေစဉ်အတွင်း ဖမ်းဆီးခံရိုက်တာ သတင်းထောက် နှစ်ဦးသည် မိသားစုနှင့်တွေ့ဆုံခွင့်၊ ရှေ့နေနှင့်တွေ့ဆုံခွင့်တို့ရရှိခဲ့ပြီး ခုခံဖြေရှင်းခွင့်လည်း ရရှိခဲ့သည်ကို တွေ့ရသည်ဟု ပါရှိသည်။

ရန်ကုန်အခြေစိုက် ရိုက်တာသတင်းထောက်နှစ်ဦးကို စတင်ဖမ်းဆီးခံခဲ့ရသည့် ၂၀၁၇ ဒီဇင်ဘာလ ၁၂ ရက်နေ့ မှစ၍ မိသားစုဝင်များနှင့်တွေ့ဆုံခွင့်မရရှိခြင်း၊ ချုပ်နှောင်ထားသည့်နေရာမသိရှိရခြင်း၊ စွပ်စွဲချက်များခုခံချေပရန် ရှေ့နေနှင့်တွေ့ဆုံခွင့်မရရှိခြင်းများကိုလည်း အမျိုးသားလူ့အခွင့်အရေးကော်မရှင်အနေဖြင့် အခြေခံ လူ့အခွင့် အရေးများ ရရှိခံစားနိုင်ရေးအတွက် ၂၀၁၇ ဒီဇင်ဘာလအတွင်း၌ တိုက်တွန်းခဲ့ကြောင်းလည်း ဖော်ပြထားသည်။