ပြင်ဆင်စရိတ် ၃၀၄ ဘီလီယံအထိ တောင်း ခံထားသော မြစ်သာရေလှောင်တမံစီမံကိန်းကို ဆန်းစစ်ရန်လိုဟု ဆို

.

ဓာတ်ပုံ - EPA

နေပြည်တော်၊ စက်တင်ဘာ ၄  ။            ။ ၂၀၀၂ ခုနှစ်ကတည်းက တည်ဆောက်ခဲ့ပြီး အပြီးမသတ်နိုင်သေးသော မြစ်သာရေလှောင်တမံစီမံကိန်းကို ကျပ် ၃၀၄ ဘီလီယံထိ ထပ်မံပြင်ဆင် စရိတ် တောင်းခံနေသောကြောင့် ဆန်းစစ်ရန်လိုကြောင်း ဂန့်ဂေါမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်ယဉ်မင်းလှိုင်က ပြောသည်။

စက်တင်ဘာလ ၃ ရက်နေ့က ပြည်ထောင်စုလွှတ်တေ်ာအစည်းအဝေးတွင်း  ၂၀၁၈-၁၉ ဘဏ္ဍာရေးနှစ် အမျိုးသားစီမံကိန်း ဥပဒေကြမ်းနှင့် စပ်လျဉ်းသည့် ဥပဒေကြမ်းပူးပေါင်းကော်မတီ၏ အစီရင်ခံစာပါ မြစ်သာရေလှောင်တမံ၏ တောင်းခံငွေကို ငြင်းပယ်ရန် အကြံပြုဆွေးနွေးရာတွင် ၄င်းက ပြောဆိုခဲ့ခြင်းဖြစ်သည်။

မြစ်သာရေလှောင်တမံကို ပြီးခဲ့သည့် ၂၀၀၂ ခုနှစ်ကတည်းက ခန့်မှန်းတန်ဖိုး ကုန်ကျငွေ ၅၅.၁၈၂ ဘီလီယံဖြင့်  စတင်တည်ဆောက်ခဲ့ပြီး ယခုဘဏ္ဍာနှစ် ၂၀၁၇-၁၈ ဘဏ္ဍာနှစ်သို့ အရောက်တွင် ယခုလိုတိုးမြှင့်တောင်းခံလာသည့်အပေါ် ဘုရားပွဲအပြီး ဘုရားထံမှ အကြွေးရရန်ရှိဆိုသည့် ဂေါပကအဖွဲ့လို ဖြစ်နေကြောင်း ဥပမာပေး ပြောဆိုခဲ့သည်။

" ဒီလိုမကြာခဏ ဘုရားပွဲအပြီးမှာ ဘုရားကြီးထံမှ အကြွေးရရန်ရှိဆိုတဲ့ ဂေါပကအဖွဲ့လို စာရင်းမကြာခဏ တိုးမြှင့် ပြောင်းလဲနေခြင်းဟာသင့်လျော်မှု ရှိ၊ မရှိ ဝေဖန်ဆန်းစစ်ကြစေလိုပါတယ် ။ ဒါမှမဟုတ် ဒီလောက်ကြီးမားတဲ့စီမံကိန်ကြီးကို မှန်မှန်ကန်ကန်ခန့်မှန်းတွက်ချက်နိုင်စွမ်း မရှိတာလားဆိုတာကိုမေးခွန်းထုတ်စရာဖြစ်ပါတယ်”ဟု ၄င်းက ပြောသည်။။

အဆိုပါ စီမံကိန်းကို  ၂၀၀၂ခုနှစ်မှ စတင်ခဲ့ကာ ၂၀၀၉-၂၀၁၀ဘဏ္ဍာနှစ်အရောက်တွင် ၁၂၂.၅၈ ဘီလီယံသို့ ၄င်း၊ ၂၀၁၂-၁၃ တွင် ၂၇၁.၂၅၅ ဘီလီယံသို့ ၄င်း ပြင်ဆင်ခဲ့ပြီး ယခုဘဏ္ဍာနှစ် ၂၀၁၇-၁၈ အရောက်တွင် ၃၀၄.၃၂၁ ဘီလီယံသို့ ထပ်မံပြင်ဆင်ပြီး တောင်းခံခဲ့ခြင်းဖြစ်ကြောင်း သိရသည်။

“၂၀၀၂ခုနှစ်နဲ့ ၂၀၀၉ ခုနှစ်ကြားမှာ ( ၇ ) နှစ် ကြာခဲ့လို့ ခန့်မှန်း ကုန်ကျစရိတ် နှစ်ဆ ကျော်တိုးတာဟာ လက်ခံနိုင်ဖွယ်ရာရှိခဲ့ပါတယ်။ ဒါပေမယ့် ၂၀၀၉ နဲ့ ၂၀၁၂ ကြား နှစ်ဆကျော် ၂၇၁.၂၅၅ ဘီလီယံထိ တိုးတာနဲ့ ၊ ၂၀၁၂နဲ့ ၂၀၁၇ ကြား ၃၀၄.၃၂၁ ဘီလီယံထိ ပြင်ဆင်တာကတော့ အလွန်မသင့်လျော်တဲ့ ကိစ္စများဖြစ်ပါတယ်။ အစိုးရ အပြောင်းအလဲ ကာလဖြစ်တဲ့ ၂၀၁၆-၁၇ မှာ နောက်ဆုံးကျန်ရှိငွေ ၂၃ ဘီလီယံကိုလည်း ခွင့်ပြုပေးခဲ့ပြီးဖြစ်ပါတယ်” ဟု ဒေါ်ယဉ်မင်းလှိုင်က ပြောသည်။

တည်ဆောက်ရေးအင်ဂျင်နီယာများအနေဖြင့် ခန့်မှန်းကုန်ကျငွေကို တွက်ချက်ရာတွင် မမျှော်မှန်းနိုင်သော ကုန်ကျငွေစရိတ်ကို မဖြစ်မနေ ထည့်သွင်းတွက်ချက်ရပြီး အဆိုပါ မြစ်သာတမံစီမံကိန်းတွင်  ၂၀၁၆-၁၇  အထိ  ခန့်မှန်းငွေ  ၂၂၁.၂ ဘီလီယံတွင် မမျှော်မှန်းနိုင်သော ကုန်ကျငွေကိုလည်း သန်းပေါင်း ၂၉၂၀  ကျော် ၊ ၃ဘီလီယံ နီးပါး အထိ ထည့်သွင်းတွက်ချက်ထားသည်ဟု ၄င်းကပြောသည်။

“၃ ဘီလီယံဆိုတာ မြစ်ကူးတံတားတစ်စင်းတည်ဆောက်လို့ရပါတယ်။ ဒီလို ငွေပမာဏလည်း အပိုဆောင်း တွက်ချက်ထားပြီး ဖြစ်တာကြောင့် တမံမုန်တိုင်းလိုမျိုးကို အကြောင်းပြလို့လည်းမသင့်တော်ပါဘူး။ဒီလို ကိစ္စဖြစ်ပေါ်ခဲ့ရင် ပျက်စီးဆုံးရှုံးမှု အစီရင်ခံစာ တိကျစွာ ထားရှိရမှာ ဖြစ်တယ်ဆိုတာ အားလုံးသိပါတယ်။ ဈေးတက်တိုင်းလည်း (Estimate) အက်စတီမိတ် ပြောင်းခွင့်မရှိဘူးဆိုတာကို သိရှိနိုင်ပါတယ်။ အခုလို ခန့်မှန်းကုန်ကျစရိတ်ကို အကြိမ်ကြိမ် တိုးမြှင့်ပြင်ဆင်ခဲ့တဲ့ ဆည်မြောင်းတာတမံ တည်ဆောက်တဲ့ လုပ်ငန်းတွေဆိုတာဟာ ဌာနရဲ့ အင်ဂျင်နီယာများက ကိုယ်တိုင်တွက်ချက်၊ ကိုယ်တိုင်ပုံစံထုတ် ကိုယ်တိုင်ပစ္စည်းဝယ်ယူ ၊ ကိုယ်တိုင် လုပ်ငန်းဆောင်ရွက်ကြတာဖြစ်လို့ အနီးစပ်ဆုံးမှန်ကန်တဲ့ ကုန်ကျစရိတ်ကိုခန့်မှန်းတွက်ချက်နိုင်ရမှာ ဖြစ်ပါတယ်”ဟု ၄င်းက ဆိုသည်။

ပုလဲမဲဆန္ဒနယ်မှ ပြည်သူ့လွှတ်တေ်ာကိုယ်စားလှယ် ဒေါ်ခင်စန်းလှိုင်ကလည်း ဆည်မြောင်းဝန်ကြီးဌာနမှ    အဆိုပါ ငွေ ၃၄ ဘီလီယံကို ထပ်မံတိုးမြှင့်တောင်းခံခြင်း ကိစ္စသည်  ပြည်ထောင်စု လွှတ်တေ်ာမှ ကိုင်ဆောင်ထားသည့် ၃၅/၂၀၁၇ ဘဏ္ဍာရေး စည်းမျဉ်း၊ စည်းကမ်းနှင့် မူဝါဒ အပေါ်တွင် ရပ်တည်ထားသည့်အတွက် စည်းမျဉ်းစည်းကမ်းများနှင့် မညီ ညွတ်လျှင် ဘယ်ဌာနကိုမဆို မပေးနိုင်ကြောင်း လွှတ်တော်အစည်းအဝေး ခေတ္တရပ်နားချိန်တွင် မီဒီယာများကိုပြောသည်။

“နောက်ပိုပြီးကျွန်မတို့ စိုးရိမ်စရာ ရှိနေတယ်။ ဘာလဲဆိုတော့ ဒီစီမံကိန်းက အခုမှ ၉၃ရာခိုင်နှုန်းကျော်ပဲ ပြီးသေးတယ်။ အဲ့တော့ မပြီးသေးတဲ့ အထဲမှာလည်း အခုထပ်ပြီးတော့ ၃၄ ဘီလီယံ ကျွန်မတို့ကို လာတောင်းတယ်။ တောင်းတော့ လည်း ခုနက ကျွန်မတင်ပြခဲ့တဲ့ အတိုင်းပဲ ဒါဟာပြီးမှာလားဆိုတော့လည်း မပြီးသေးဘူး။ နောက်ထပ်ထပ်ပြီးတောင်းဦးမယ်။ တောင်းမှာက ဘယ်လောက်တောင်းမလဲဆိုတာလည်း အစီစဉ်မရှိဘူး။ ဒါခုနကတုန်းက ကျွန်မတင်ပြခဲ့တဲ့ အတိုင်းပဲ။ ဒီဌာနရဲ့ စီမံကိန်းဒါရိုက်တာ  ကိုယ်တိုင်ပြောသွားတာ နောက်နှစ်အတွက် ဘယ်လောက်ကုန်မယ်ဆိုတာလည်း ကျွန်တော်တို့ မသိသေးဘူး။ ကျွန်တော်တို့ အလုပ်လုပ်မယ်၊ လုပ်ပြီးလို့မှပြန်ပြီးထပ်တောင်းမယ်ဆိုတော့ ဒီလို စည်းမျဉ်းစည်းကမ်း အကြိမ်ကြိမ် ချိုးဖောက်နေတဲ့ ကိစ္စကို ပြတ်ပြတ်သားသား အရေးမယူဘဲနဲ့ တော့ ကျွန်မတို့ဒီဟာက ကျွန်မတို့ တိုင်းပြည်မှာပေါ့ ။ ကျွန်မတို့ အခုဆို ကျွန်မတို့ တိုင်းပြည်မှာ အင်မတန်စိုးရိမ်ပူပန်နေရတဲ့ လိုငွေပြ ဘတ်ဂျက်ရဲ့ အခြေအနေပေါ်မှာ ရှိနေတာမျိုးမှာ ၀န်ကြီးဌာနတစ်ခုက ထင်သလိုစည်းကမ်းမဲ့ သုံးစွဲတာမျိုး ကျွန်မတို့ ခွင့်မပြုနိုင်ဘူး” ဟု ဒေါ်ခင်စန်းလှိုင်က ပြောသည်။

မြစ်သာရေလှောင်တမံသည် မကွေးတိုင်းဒေသကြီး ဂန့်ဂေါခရိုင် ဂန့်ဂေါမြို့နယ် ပြင်သာကျေးရွာအနီး မြစ်သာမြစ်၌ ရေဆင်းဧရိယာ ၇ဝဝ စတုရန်းမိုင်၊ တမံအမြင့် ၂ဝ၅ ပေ၊ ကျောက်ဖြည့်တမံ(ဇုန်အမျိုးအစား) ရေလှောင်တမံကို ၂ဝဝ၂-၂ဝဝ၃ ခုနှစ်တွင် တည်ဆောက်ခဲ့ပြီး ၂ဝ၁၅-၂ဝ၁၆ ခုနှစ်တွင် အပြီးတည်ဆောက်ကာ ဧကပေ ၃၇၇၆ဝဝ ရေသိုလှောင်ထားနိုင်သည်ဟု သိရသည်။