တိုင်းရင်းသားထိပ်သီးခေါင်းဆောင်များအစည်းအဝေးကို စက်တင်ဘာ (၈) တွင်ကျင်းပမည်

.

Photo -  NCA-S EAO

ရန်ကုန်၊ စက်တင်ဘာ ၄ ။              ။ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားသော တိုင်းရင်း သားလက်နက်ကိုင် အဖွဲ့အစည်းများ၏ ထိပ်သီးခေါင်းဆောင်များအစည်းအဝေး ( NCA-S EAO Summit) ကို လာမည့် စက်တင်ဘာလ (၈)ရက်နေ့တွင် ကျင်းပသွားမည်ဖြစ်ကြောင်း သိရသည်။

ညီလာခံတွင်  ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံတတိယအစည်းအဝေးအပေါ် ပြန်လည် သုံးသပ်ခြင်း၊ နိုင်ငံရေးဆွေးနွေးမှုဆိုင်ရာမူဘောင်ပြန်လည်သုံးသပ်ခြင်း၊ ငြိမ်းချမ်းရေးလုပ်ငန်းစဉ်ဆိုင်ရာ မဟာ ဗျူဟာရေးဆွဲရေးကိစ္စ၊ လက်မှတ်ရေးထိုးခြင်းမပြုရသေးသည့် တိုင်းရင်းသားလက်နက်ကိုင်အဖွဲ့အ စည်းများ ကိစ္စတို့ကို ဆွေးနွေးသွားမည် ဖြစ်သည်။

ထို့အပြင် NCA-S EAO စုဖွဲ့မှုများကိစ္စနှင့် လုပ်ငန်းလမ်းညွှန်ကိစ္စအပါအ၀င် NCA-S EAO ၏ ရှေ့ လုပ်ငန်းစဉ် များကို ဆွေးနွေးသွားမည်ဟုလည်း တိုင်းရင်းသားလက်နက်ကိုင်များဘက်မှထုတ်ပြန်ထားသည်။

“ မြန်မာနိုင်ငံအကျပ်အတည်းရဲ့ တစ်ခုတည်းသော ထွက်ပေါက်က နိုင်ငံရေးဆွေးနွေးပွဲ ဖြစ်တယ်လို့ အခိုင် အမာ ယုံကြည်ပါတယ်။ ဒါ့ကြောင့် တစ်အချက်အနေနဲ့ နိုင်ငံအတွက် မလွဲမသွေရအောင် အဖြေထုတ်ရမယ့် အနာဂတ်နိုင်ငံတော်တည်ဆောက်ရေးနဲ့ဆိုင်တဲ့ နိုင်ငံရေးသဘောတူညီချက်ကို ဆုံးဖြတ်နိုင်တဲ့ သက်ဆိုင်ရာ ခေါင်းဆောင်တွေကြား အမြန်တွေ့ဆုံဆုံးဖြတ်နိုင်တဲ့ ဆွေးနွေးပွဲတွေ အမြန်ထိုင်နိုင်ဖို့လိုတယ်။ နှစ်အချက် အနေနဲ့ ကျန်တဲ့ မြေပြင်တိုက်ပွဲတွေရပ်ဖို့ နည်းလမ်းရှာရင်း ဒီ process ဖြစ်စဉ်ထဲပါအောင် ကြိုးစားရဦးမယ်။ အရေးကြီးဆုံးဖြစ်တဲ့ သုံးအချက်ကတော့ ဒီမိုကရက်တစ်ဖက်ဒရယ်ပြည်ထောင်စု တည်ဆောက်မယ့် မူတွေ ဖြစ်တဲ့ ကိုယ်ပိုင်ပြဋ္ဌာန်းခွင့်၊ လူနည်းစုအခွင့်အရေးနဲ့ ဖွဲ့စည်းပုံမှာ အာဏာခွဲဝေမှုပုံစံလိုဟာမျိုးကို အတူတကွ အဖြေရှာဖို့လိုတယ် ”  ဟု မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး (ABSDF) ဥက္ကဋ္ဌ ရဲဘော်သံခဲကပြောသည်။