ပြည်ပလုပ်ငန်းရှင်များကို ချိတ်ဆက်ဆောင်ရွက်နိုင်မည့် Invest Myanmar Summit 2019 ကျင်းပမည်

.

သြဂုတ် ၃၁ ။            ။ ပြည်တွင်းရင်းနှီးမြုပ်နှံမှုလိုအပ်ချက်များအတွက် ပြည်ပမှ ရင်းနှီးမြုပ်နှံမည့်လုပ်ငန်းရှင်များကို ချိတ်ဆက်ဆောင် ရွက်သွားရန်ရည်ရွယ်၍ Invest Myanmar Summit 2019 ကို နေပြည်တော် MICC (II)တွင် ကျင်းပ သွားမည် ဖြစ်ကြောင်း ကုန်သည်စက်မှုအသင်းချုပ်မှ ဒုတိယဥက္ကဋ္ဌ ဦးဝေဖြိုး ကပြောသည်။

Invest Myanmar Summit 2019 ကို နေပြည်တော် MICC (II) တွင်၂၀၁၉ခုနှစ်၊ ဇန်န၀ါရီ ၈ရက်မှ ၉ရက် အထိ ကျင်းပသွားမည်ဖြစ်ကြောင်း သိရသည်။

"အဓိက ပြည်တွင်းရင်းနှီးမြုပ်နှံမှုလိုအပ်ချက်တွေ အလားတူပြည်ပက ရင်းနှီးမြုပ်နှံလိုသူတွေကို တစ်ယောက်နဲ့ တစ်ယောက်ချိတ်ဆက်ပေးတဲ့ သဘောပေါ့။ ဒီလိုလုပ်ရင်းနဲ့ UMFCCI ကဒီပွဲကို ဦးဆောင်တယ်။ ကျွန်တော်တို့ သည် ပြည်တွင်းစီးပွားရေးတိုးတက်ဖို့ တာဝန်လည်းရှိပါတယ်။ ဒါကြောင့် တစ်ဖက်တစ်လမ်းက ကူညီ လုပ်ဆောင်ပေးတဲ့ သဘောပါ" ဟု ဦးဝေဖြိုး ကပြောသည်။

ပြည်တွင်း၌ ရင်းနှီးမြုပ်နှံနိုင်မည့်အခွင့်အရေးများကို အဆိုပါအခမ်းအနားတွင် ပုဂ္ဂလိကဏ္ဍနှင့် အစိုးရကဏ္ဍ နှစ် ခုလုံးမှ စီးပွားရေးလုပ်ငန်းရှင်၊ ပညာရှင်များနှင့် နိုင်ငံတကာမှ စီးပွားရေးလုပ်ငန်းရှင်များ ဆွေးနွေးညှိနှိုင်းဆောင် ရွက်သွားမည်ဖြစ်ကြောင်း သိရသည်။

ထို့အပြင် ရန်ကုန်တိုင်းဒေသကြီးသာမက မန္တလေး၊ ရှမ်း၊ ဧရာဝတီ၊ ကရင်၊ မွန်၊ တနင်္သာရီစသည့် ဒေသများ တွင်လည်း ရင်းနှီးမြုပ်နှံမှုများတိုးချဲ့ရန်နှင့် ဈေးကွက်ပိုမိုချဲ့ထွင်နိုင်အောင် လုပ်ဆောင်သွားမည်ဟု သိရသည်။

"အဓိက ဒီပွဲမှာစင်ပေါ်တက်ပြီးစကားပြောမှာမဟုတ်ဘူး။ Panel နှစ်ခုတော့ရှိမယ်။ အဖွင့်မှာတစ်ခု အပိတ်မှာ တစ်ခုရှိမယ်။ ဒါပေမယ့်ကြားအချိန်တွေမှာ တကယ့်ရင်းနှီးမြုပ်နှံမှု ဘာတွေရှိမယ်ဆိုတာကို ပုဂ္ဂလိကကော၊ အစိုးရကောပြမယ်။ စီးပွားရေးသမားအချင်းချင်း ဆွေးနွေးညှိနှိုင်းဖလှယ်ပြီး အလုပ်တကယ်ဖြစ်အောင် ဦးစား ပေးစေချင်တယ်" ဟု ဦးဝေဖြိုး က ဆက်ပြောသည်။

ပြည်တွင်းသို့ ရင်းနှီးမြုပ်နှံမှုများ ၀င်ရောက်လာရန်အတွက် တရုတ်၊ ဟောင်ကောင်၊ ဂျပန်၊ ကိုရီးယား၊ အိန္ဒိယ၊ စင်ကာပူ၊ ထိုင်း၊ အမေရိကန်၊ အင်္ဂလန်၊ သြစတြေးလျ နိုင်ငံများကို Invest Myanmar Summit 2019 သို့ ဖိတ်ခေါ်ထားကြောင်း သိရသည်။

စက်မှုကဏ္ဍ ထုတ်လုပ်မှုများ၊ အထည်ချုပ်လုပ်ငန်းများ၊ လျှပ်စစ်ဓာတ်အား ထုတ်လုပ်ဖြန့်ဖြူးမှု၊ ခရီးသွားကဏ္ဍ၊ ရေထွက်လုပ်ငန်း၊ ပညာရေးကဏ္ဍ၊ ကျန်းမာရေးကဏ္ဍနှင့် မြေယာနှင့်သက်ဆိုင်သည့် ရင်းနှီးမြုပ်နှံမှုများကို အဆို ပါ အခမ်းအနားတွင် အဓိကထားဆွေးနွေးကာ နိုင်ငံတကာနှင့် ပူးပေါင်းညှိနှိုင်းဆွေးနွေးဆောင်ရွက် သွားမည် ဖြစ်ကြောင်း သိရသည်။