နေပြည်တော်တည်ဆောက်စဉ်က ပြန်ပေးရန်ကျန်သည့် ၀ိုင်းကွက်အပိုများကို ပေးအပ်

.

နေပြည်တော်၊ သြဂုတ်လ ၂၄ ။             ။ နေပြည်တော်တည်ဆောက်စဉ်က မြို့ကွက်သစ်ဖော်ရာတွင် ပါဝင်သောအိမ်ထောင်စုများအနက်မှ  ခြံဝိုင်းကျယ် ၇၂၀၀ စတုရန်းပေ ကျော်သည့် အိမ်ထောင်စုများအတွက် ပေးရန်ကျန်ရှိသည့် ၀ိုင်းကွက်များကို ယနေ့ သြဂုတ် လ ၂၄ ရက်နေ့တွင် ပြန်လည် ပေးအပ်ခဲ့သည်။

နေပြည်တော် တည်ဆောက်ရေး အထူးစီမံကိန်း ၂၀၀၇ တွင် စည်ပင်သာယာရေးကော်မတီမှ အမိန့်ထုတ်ပြန် ကြေညာထားသည့် ကြေညာချက် ၇/၂၀၀၇ အရ ပေးအပ်ခြင်းဖြစ်ကြောင်း   နေပြည်တော်စည်ပင်သာယာရေး ကော်မတီဝင် ဦးမင်းသူ က ပြောသည်။

 “လယ်သိမ်း၊ မြေသိမ်း၊ အခြားမြေများ သိမ်းဆည်းခံရမှုကြောင့် ပြည်သူများ နစ်နာမှုမရှိစေရေးအတွက်ကို စိစစ်ရေးအတွက် ဖြည့်စွက်ပြီးမှ၊ နေပြည်တော်စည်ပင်သာယာရေးကော်မတီကနေ တာဝန်ခံပြီးမှ လွှတ်တေ်ာကိုယ်စားလှယ်များနဲ့ ပူးပေါင်းပြီးတော့မှ ထောက်ပြချက်ကို စာရင်းဇယားတွေနဲ့ ပြန်ကိုက်ပြီးမှသာ ကျန်ရှိတဲ့မြေကွက်တွေကို ချပေးခြင်းဖြစ်ပါတယ်။ ဒါက လယ်ယာမြေသိမ်းဆည်းခံရမှုနဲ့ အခြားမြေများ သိမ်းဆည်းခံရမှု ရဲ့ လုပ်ငန်းဆက်တစ်ခုပါပဲ”ဟု ဦးမင်းသူက ပြောသည်။

အဆိုပါ ၀ိုင်းကွက်အပို ပေးအပ်ခြင်းကို ဥတ္တရသီရိမြို့နယ် စည်ပင်သာယာအုပ်ချုပ်ရေးမှူးရုံးတွင် ပေးအပ်ခဲ့ခြင်း ဖြစ်သည်။

အဆိုပါ ပေ၄၀-၆၀ ၀ိုင်းကွက် အပို ထပ်မံရရှိခဲ့သည့် ရွာများမှာ ဥတ(တ)ရသီရိမြို့နယ်ရှိ သစ်ဝင်တိုင်းကျေးရွာ နှင့် ဒိုးနွယ်ကျေးရွာတို့မှ အိမ်ထောင်စု ၁၀တို့ ဖြစ်ကြပြီး ၄င်းတို့ကို ဇ၀နသိဒ္ဓိရပ်ကွက်တွင် ပေးခဲ့ကာ ယင်း အိမ်ထောင်စု ၁၀ စုတို့သည် ယခင်က အစားထိုးမြေကွက်များ ရရှိထားပြီဖြစ်သော်လည်း နေပြည်တော် စည်ပင်သာယာရေး ကော်မတီမှ ထုတ်ပြန်ထားသည့် ကြေညာချက်ကြောင့် ပေးခဲ့ခြင်းဖြစ်သည်။

“အဲ့ဒီကြေညာချက်ထဲမှာ ခုလိုပဲ ကျေးရွာတွေ ရွှေ့ပြောင်းတဲ့ အခါကျတော့ ဒီမူလ ကျေးရွာမှာ နစ်နာမှု မရှိအောင်ပေါ့ ။ ၀ိုင်းကျယ်ခြံကျယ်၊နဲ့ အစဉ်အဆက် နေခဲ့ကြတာတွေရှိတယ်။ အဲ့ဒီလူတွေ နစ်နာမှုမရှိအောင် ရပ်ကွက်တွေကို ပေ ၄၀-၆၀ ပတ်လည်တွေ ချပေးတဲ့ အခါကျတော့၇၂၀၀ စတုန်းပေ သတ်မှတ်လိုက်ထက် ကျော်လွန်တဲ့ ဒီဝိုင်းကျယ် ခြံကျယ်အိမ်ထောင်စုတွေကိုကျတော့ အဲ့ဒီချထားပေးတဲ့နေရာတွေမှာ အပိုဝိုင်းကွက် တစ်ကွက်၊ မူလ ရရှိထားတဲ့ ၀ိုင်းကွက် တစ်ကွက်အပြင် အပို ၀ိုင်းကွက်တစ်ကွက် အပိုပေးမယ်ဆိုပြီးမှ၊ ဒါ တစ်ကွက်ထပ်လည်းပိုမပေးရဘူး၊   ပေးမယ်ဆိုပြီှးမှ ကြေညာချက် ညွှန်ကြားချက် တစ်နည်းအားဖြင့် အမိန့်နဲ့ ကြေညာချက်ရှိခဲ့တယ်” ဟု ဦးမင်းသူက ပြောသည်။

ယခင်က ကျေးရွာများတွင် ၀ိုင်းခြံကျယ်နှင့် နေထိုင်သူများကအဆိုပါ အပိုမြေကွက်များကို တောင်းဆိုခဲ့ရာတွင် တရားစွဲဆိုခံထားရသည့် မှတ်တမ်းများလည်း ရှိကြောင်း သိရသည်။

 “ဒီအပေါ်မှာ တောင်သူတွေ တောင်းဆိုတဲ့နေရာမှာ အခက်အခဲတွေ ရှိကြတယ်။တရားစွဲခံရတယ်။ ပေးထားတဲ့ အကွက်ပေါ်မှာနေတဲ့အနေအထားမျိုးမှာတောင် တရားဝင် အသိအမှတ်မပြုခံရဘူး။ ဒါကြောင့် တရားဝင် ဖြစ်အောင် သေသေချာချာ ကျကျနန စိစစ်ပြီးတော့မှ ခုလိုမျိုး မြေပေးမိန့်တွေပေါ့ ။ ထုတ်ပေးခြင်းဖြစ်တယ်” ဟု ဦးမင်းသူက ဆိုသည်။