ငွေလဲလှယ်နှုန်းတည်ငြိမ်ရန် လုပ်ဆောင်နေသော်လည်း ထူးခြားလာမှုမရှိသေး

.

သြဂုတ် ၂၄။      ။နိုင်ငံခြားငွေလဲလှယ်နှုန်းတည်ငြိမ်မှုရှိစေရန် ဗဟိုဘဏ်နှင့် သက်ဆိုင်ရာဝန်ကြီးဌာနများမှ လုပ်ဆောင်နေသော် လည်း ဒေါ်လာဈေးနှုန်းများ ကျဆင်းလာမှု မရှိသေးကြောင်း ကုန်သည်စက်မှုအသင်းချုပ်(UMFCCI) ဥက္ကဋ္ဌ ဦးဇော်မင်းဝင်း ကပြောသည်။

သြဂုတ် ၂၄ရက်က UMFCCI အစည်းအဝေခန်းမ၌ ပြုလုပ်ခဲ့သော ပုဂ္ဂလိကကဏ္ဍဖွံ့ဖြိုးတိုးတက်ရေးကော်မတီ ဥက္ကဋ္ဌ ဒုတိယသမ္မတ(၁)နှင့် မြန်မာ့စီးပွားရေးလုပ်ငန်းရှင်များ ပုံမှန်တွေ့ဆုံပွဲ ၁၉ကြိမ်မြောက် အခမ်းအနားတွင် ပြောကြားခဲ့ခြင်းဖြစ်သည်။

“နိုင်ငံခြားငွေလဲလှယ်မှုကိစ္စက ကျွန်တော်တို့ လတ်တလောရိုက်ခတ်မှုတွေတော်တော်များပါတယ်။ ဒီကိစ္စကို ဗဟိုဘဏ်အနေနဲ့လည်း အတတ်နိုင်ဆုံးကူညီဆောင်ရွက်ပေးခဲ့တာရှိပါတယ်။ သို့သော်လည်း တည်ငြိမ်မလား လို့စောင့်ကြည့်တယ်။ စီးပွားကူးသန်းအနေနဲ့လည်း လုပ်သင့်လုပ်ထိုက်တာလုပ်နေပေမယ့် ဒီနေ့အထိကျဆင်းမှု မရှိဘဲနဲ့ မနေ့ကအထိ ၁၅၃၀ကျပ် ဖြစ်နေတယ်။ ကုန်ဈေးနှုန်းတွေလည်းမြင့်တက်မယ့် အနေအထားတွေလည်း ကြုံတွေ့နေရတဲ့အခါကျတော့ စိုးရိမ်စိတ်တွေဖြစ်နေတယ်” ဟု ဦးဇော်မင်းဝင်း ကပြောသည်။

နိုင်ငံခြားငွေလဲလှယ်နှုန်းတည်ငြိမ်စေရေးအတွက် ဗဟိုဘဏ်၊ စီးပွားရေးနှင့်ကူးသန်းရောင်းဝယ်ရေး ၀န်ကြီးဌာန၊ စီမံကိန်းနှင့် ဘဏ္ဍာရေးဝန်ကြီးဌာနတို့မှ ပူပေါင်းညှိနှိုင်းဆောင်ရွက်မှုများလည်းလုပ်ဆောင်နေကြောင်း သတင်းရရှိသည်။

“အများအားဖြင့်ကတော့ rate of exchange ကို အများအားဖြင့်ပြောကြတယ်။ လူတိုင်းက very very sensitive ပေါ့။ rate of exchange ကကျွန်တော်တို့ချည်းဘဲလည်း လုပ်လို့မရပါဘူး။ ဗဟိုဘဏ်ချည်းဘဲ၊ စီမံ ဘဏ္ဍာချည်းဘဲ၊ စီး/ကူချည်းဘဲလုပ်လို့မရဘူး။ သက်ဆိုင်ရာလုပ်ဖော်ကိုင်ဘက် စီးပွားရေးလုပ်ငန်းရှင်တွေနဲ့ ပူးပေါင်းပြီး လုပ်မှရမယ်။ အခုဖြစ်နေတဲ့ ကိစ္စမှာလည်း တတ်နိုင်သလောက်ညွှန်ကြားချက်တွေအရ ကျွန်တော် တို့ရယ်၊ စီးကူးဝန်ကြီးရယ်၊ ဗဟိုဘဏ်အဖွဲ့ရယ်စုပြီး သုံးပွင့်ဆိုင်အစည်းအဝေး အမြဲတမ်းလုပ်နေတယ်” ဟု စီမံကိန်းနှင့် ဘဏ္ဍာရေးဝန်ကြီးဌာနပြည်ထောင်စုဝန်ကြီး ဦးစိုးဝင်း ကပြောသည်။

နိုင်ငံခြားငွေလဲလှယ်နှုန်းသည် တည်ငြိမ်ခြင်းမရှိဘဲ အတက်အကျမြန်ဆန်နေခြင်းများအတွက် စီးပွားရေး လုပ် ငန်းရှင်များ၏ အကြံပြုချက်များကို ရယူပြီး ကုန်သည်စက်မှုအသင်းချုပ်မှ ကော်မတီတစ်ရပ် ဖွဲ့စည်း ဆောင်ရွက် နေကြောင်း သိရသည်။ သြဂုတ်လ ၂၇ရက်တွင် နိုင်ငံတော်အတိုင်ပင်ခံပုဂ္ဂိုလ်နှင့် စီးပွားရေးလုပ် ငန်းရှင်များ၊ သက်ဆိုင်ရာဝန်ကြီးဌာန အဖွဲ့အစည်းများတွေ့ဆုံပြီး နိုင်ငံတော်၏စီးပွားရေး ပြန်လည်ကောင်းမွန် လာစေရန်နှင့် ငွေလဲလှယ်နှုန်းတည်ငြိမ်မှုရှိစေရန် တင်ပြဆောင်ရွက်သွားမည်ဖြစ်ကြောင်း သတင်းရရှိသည်။