ကချင်ပြည်နယ်ဒီမိုကရေစီပါတီ စက်တင်ဘာလတွင် မှတ်ပုံတင်မည်

.

ရန်ကုန်၊ သြဂုတ် ၂၄ ။          ။ ကချင်ပါတီ ၄ခုပေါင်းစည်းထားသော ကချင်ပြည်နယ်ဒီမိုကရေစီပါတီ (KSP) ကို စက်တင်ဘာလထဲတွင် မှတ်ပုံတင်နိုင်ရန်ကြိုးစားသွားမည်ဟု ကချင်ပြည်နယ်ဒီမိုကရေစီပါတီမှ အတွင်းရေးမှူး ဦးဖောင်ယူးဘရန်လီ ကပြောသည်။

၂၀၂၀တွင်ကျင်းပမည့် ပြည်လုံးကျွတ်ရွေးကောက်ပွဲတွင် ကချင်ပါတီများ ပိုမိုအားကောင်းစေရန် ရည်ရွယ်၍ ကချင်ပါတီ ၄ ခု ပူးပေါင်းကာ KSP အမည်ဖြင့် ပါတီအသစ်တစ်ခုကို ထူထောင်နေခြင်းလည်းဖြစ်သည်။

“ ဒီလကုန်တော့ မှတ်ပုံတင်ဖြစ်အောင်လုပ်မယ်လို့တော့ စဉ်းစားထားတာပေါ့။ ပထမက ဒီလအလယ်မှာ လုပ်ဖို့တော့ဆုံးဖြတ်ထားတာပေါ့။ ပါတီတစ်ခုက အင်တင်တင်ဖြစ်နေတယ်။ အဲ့ဒါကြောင့် နည်းနည်း နောက်ဆုတ်ဆုတ်သွားတာ။ စောင့်ရင်းနဲ့ကြာသွားတာပေါ့” ဟု ဦးဖောင်ယူးဘရန်လီကဆိုသည်။

လက်ရှိတွင် ပါတီမှတ်ပုံတင်ခြင်း စတင်လုပ်ဆောင်နိုင်ရန် ကချင်ပြည်နယ်ပါတီ ( Kachin State Party ) ၏ ဦးဆောင်ကော်မတီ (ယာယီ) ကိုဖွဲ့စည်းထားကြောင်း သိရသည်။

ကချင်ပေါင်းစည်းပါတီတွင် လက်ရှိ ကချင်ဒီမိုကရက်တစ်ပါတီ (KDP)၊ ကချင်ပြည်နယ်ဒီမိုကရေစီပါတီ (KSDP)၊ ကချင်အမျိုးသားကွန်ကရက်ပါတီ (KNC) နှင့် ကချင်ပြည်နယ် စည်းလုံးညွတ်ရေးနှင့် ဖွံ့ဖြိုးရေးပါတီ (UDPKS) တို့ ပါဝင်သည်။

လက်ရှိတွင် ကချင်ပါတီ ၁ ခုစီမှ ကိုယ်စားလှယ် ၅ ယောက်နှင့် ပါတီပြင်ပမှ ကိုယ်စားလှယ် ၅ ယောက်အပါ အ၀င် စုစုပေါင်း (၂၅)ဦးဖြင့် ဦးဆောင်ကော်မတီ(ယာယီ) ကို ဖွဲ့စည်းထားပြီး ပါတီ ရန်ပုံငွေရှာဖွေရေး ဆပ်ကော်မတီကိုလည်း ဖွဲ့စည်းပြီးကြောင်းသိရသည်။ ထို့အပြင်လိုအပ်နေသေးသော နောက်ထပ်ကော်မတီ များကိုလည်း ဆက်လက်ဖွဲ့စည်းနေဆဲဖြစ်သည်ဟု ကချင်ပြည်နယ်ဒီမိုကရေစီပါတီအတွင်းရေးမှူး ဦးဖောင်ယူးဘရန်လီ ကပြောသည်။

ကချင်ပြည်နယ်ပါတီ၏ အလံကို “အနီ-အဖြူ-မိုးပြာပေါ်တွင် အစိမ်းရောင် ကချင်ပြည်နယ်”ပုံဖြင့် သဘော တူညီထားကြပြီး အခြား ကချင်ပါတီများ ပူးပေါင်းလိုပါကလည်း လက်ခံသွားမည်ဖြစ်ကြောင်းသိရသည်။

 

ကချင်လူထုတိုက်တွန်းမှုဖြင့် လုပ်ဆောင်ခဲ့သည့် ကချင်ပြည်နယ်ပါတီ (Kachin State Party) ဟူသော နာမည်နှင့် ၄င်း၏ အလံ၊ တံဆိပ် အားလုံးကို သြဂုတ်လ ၁၁ ရက်နေ့တွင် အတည်ပြုခဲ့ခြင်းလည်းဖြစ်သည်။ Kachin State Party (KSP) ကိုတရားဝင်မှတ်ပုံတင်ပြီး တရားဝင်ပါတီဖြစ်လာချိန်တွင် အဆိုပါ လေးပါတီကို ဖျက်သိမ်းရန် ပါတီများ သဘောတူထားကြောင်းလည်းသိရသည်။