အေ့စ်စင်တာမှကလေးများ ရန်ပုံငွေအတွက် လက်ဝှေ့ချန်ပီယံဒေ၀ အခကြေးငွေဖြင့် လက်ဝှေ့လေ့ကျင့်ပေး

.

ရန်ကုန်၊ သြဂုတ် ၂၂ ။            ။ HIV ကူးစက်ခံကလေးများ ရန်ပုံငွေအတွက် မြန်မာ့လက်ဝှေ့ အလွတ်တန်းချန်ပီယံ ဒေ၀ (Dave Leduc) က မိမိ ကိုယ်ကိုကာကွယ်နိုင်ရန်ဆိုသည့် လက်ဝှေ့တိုက်ကွက်များကို အခကြေးငွေဖြင့် သြဂုတ်လ ၂၁ ရက်နေ့ ညပိုင်းက ၁နာရီခွဲ ကြာ လက်ဝှေ့လေ့ကျင့်ပေးခဲ့သည်။

ရန်ကုန်မြို့ မြန်မာပလာဇာရှိ Power House Fitness Club တွင် သြဂုတ်လ ၂၁ ရက်နေ့ ညနေ ၆ နာရီခွဲမှ ည ၈ နာရီအထိ ၁ နာရီခွဲကြာ လေ့ကျင့်ပေးခဲ့ပြီးနောက် အဆိုပါ လက်ဝှေ့လေ့ကျင့်မှု ရရှိလာသည့်ငွေများကို အေ့စင်တာရှိ ကူးစက်ခံကလေးငယ်များသို့ လှူဒါန်းသွား ရန် ရည်ရွယ်ကျင်းပခြင်းလည်း ဖြစ်သည်။

"ပထမဆုံးသွားခဲ့တဲ့လှူဒါန်းမှုက ရန်ကုန်နဲ့နည်းနည်းဝေးတဲ့နေရာက ဒီ NLD အေ့စ်ဒ်စင်တာပါ။ ကျွန်တော့ အမျိုးသမီးနဲ့သွားခဲ့တုန်းက အဲဒီက ကလေးတွေက အရမ်းချစ်စရာကောင်းပြီး   မေးခွန်းတွေမေးကြပါတယ်။ ကျွန်တော်တို့တတ်နိုင်တာတွေ လှူခဲ့ပြီး အဲဒီကပြန်လာခဲ့ပါတယ်။ အခု ကျွန်တော်က လေးထပ်ကွမ်းချန်ပီယံ   ဖြစ်နေပါပြီ။ ကျွန်တော်မြန်မာနိုင်ငံကလူတွေအတွက် ပိုကူညီနိုင်ပါပြီ။ ကျွန်တော်တို့ရရှိလာတဲ့ပိုက်ဆံတွေ အမြတ်ငွေတွေအားလုံးကို NLD အေ့စ်ဒ်စင်တာကိုလှူဖို့ ကျွန်တော်တို့ ဆုံးဖြတ်ခဲ့ပါတယ်။ အဲဒီက ကလေးတွေ ကို တတ်နိုင်သလောက် ကူညီချင်တဲ့အတွက်ပါ။ " ဟု မြန်မာ့လက်ဝှေ့အလွတ်တန်းချန်ပီယံ ဒေ၀ က ပြောသည်။

ဒေ၀နှင့် လက်ဝှေ့လေ့ကျင့်မှုတွင် လူ ၂၇ ဦး ပါဝင်ခဲ့ပြီး Fitness Club ၏ အဖွဲ့ဝင်မဟုတ်သူများကို တစ်ဦးလျှင် ကျပ် ၁၅၀၀၀ ကောက်ခံခဲ့ပြီး အေ့စ်ဒ်စင်တာသို့ ယင်းညမှာပင် ရရှိလာသည့် ငွေ ကျပ် သုံးသိန်းခွဲကို လှူဒါန်းခဲ့သည်။

လက်ဝှေ့ချန်ပီယံ ဒေ၀ သည် ၂၀၁၆ ခုနှစ်မှစ၍ မြန်မာ့လက်ဝှေ့ချန်ပီယံဖြစ်လာခဲ့ပြီး သူ့၏ရည်မှန်းချက်မှာ ကမ္ဘာပေါ်တွင် လက်ဝှေ့ကိုလူသိများလာစေရန်နှင့် လက်ဝှေ့ ကစားနိုင်ကြစေရန် ဖြစ်ကြောင်း သူက ပြောသည်။

ပြီးခဲ့သည့် သြဂုတ်လ ၁၉ ရက်နေ့က မြန်မာ့လက်ဝှေ့ ကမ္ဘာ့ချန်ပီယံရှစ်ပြိုင်ပွဲ၌ မြန်မာနိုင်ငံကိုယ်စားပြုကာ ဒေ၀ (Dave) က ထိုင်းနိုင်ငံသား ဒီစဲလက်ကို အနိုင်ယူကာ ချန်ပီယံဆုကို ကာကွယ်ထားနိုင်ခဲ့သည်။