ဖွဲ့စည်းပုံအခြေခံဥပဒေကို မဖြစ်မနေပြင်ရမည်ဟု နိုင်ငံတော်အတိုင်ပင်ခံပြော

.

ဓာတ်ပုံ-အီးပီအေ

ရန်ကုန်၊ သြဂုတ် ၂၁ ။          ။ ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ရန်မှာ NLD အစိုးရ၏ အဓိကရည်မှန်းချက်ဖြစ်ပြီး မဖြစ်မနေ ပြင်ရန်လိုအပ်သည်ဟုနိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကပြောကြားလိုက်သည်။

သြဂုတ်လ ၂၁ ရက်နေ့က စင်ကာပူနိုင်ငံတွင် ပြုလုပ်သော " မြန်မာ့ဒီမိုကရေစီ အသွင်ကူးပြောင်းရေး၊ စိန်ခေါ်မှု များနှင့်ရှေ့လမ်းခရီး" ဟောပြောပွဲတွင် ဒေါ်အောင်ဆန်းစုကြည်က ထည့်သွင်းပြောဆိုခဲ့ခြင်းဖြစ်သည်။

 “ ၂၀၀၈ ဖွဲ့စည်းပုံအခြေခံဥပဒေ ပြင်ဆင်ရေးဟာ NLD အစိုးရရဲ့ အဓိကရည်မှန်းချက်တစ်ခု ဖြစ်ပါတယ်။ ဒီအတွက်ကြောင့် မြန်မာ့ဒီမိုကရေစီအသွင်ကူးပြောင်းရေးလုပ်ငန်းကို အပြီးသတ်လုပ်ဆောင်နိုင်ရန်အတွက်မှာ စစ်မှန်တဲ့ ဖွဲ့စည်းပုံအခြေခံဥပဒေတစ်ရပ် မဖြစ်မနေလိုအပ်တယ်လို့ ပြောကြားလိုပါတယ်” ဟု အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကပြောကြားသည်။

ထို့အပြင် NLD အစိုးရအနေဖြင့် ငြိမ်းချမ်းရေး၊ အမျိုးသားပြန်လည်ရင်ကြားစေ့ရေး၊ လုံခြုံရေးနှင့် ကောင်းမွန် သည့်အစိုးရ ဖြစ်ပေါ်ရေးကို နံပတ်တစ် ဦးစားပေးဆောင်ရွက်နေကြောင်းလည်း အတိုင်ပင်ခံပုဂ္ဂိုလ်က ဆက်လက်ပြောကြားခဲ့သည်။

စီးပွားရေးရေရည်တည်တံခိုင်မြဲမှုနှင့် ထိရောက်ကောင်းမွန်သည့် စီးပွားရေးစီမံခန့်ခွဲမှုဖြစ်ရန်မှာ နံပါတ် နှစ် ဦးစားပေးအဖြစ်သတ်မှတ်ဆောင်ရွက်နေပြီး အလုပ်အကိုင် ဖန်တီးမှု၊ ပုဂ္ဂလိကကဏ္ဍဦးဆောင်မှုဖွံ့ဖြိုးရေးကို နံပါတ်သုံးဦးစားပေးအဖြစ်လည်းကောင်း လူသားအရင်းအမြစ်နှင့် လူမှုဖွံ့ဖြိုးရေးကို နံပါတ်လေးဦးစားပေးအဖြစ် ဆောင်ရွက်နေကြောင်း ဒေါ်ဆောင်ဆန်းစုကြည်က ဆိုသည်။

ထို့အပြင် မြန်မာနိုင်ငံ၌ ဖြေရှင်းရမည့်စိန်ခေါ်မှုများနှင့် အားနည်းချက်များစွာရှိနေပြီး အကောင်းဆုံးကိုင်တွယ် ဖြေရှင်းသွားနိုင်မည်ဟု ယုံကြည်ထားကြောင်းလည်း မိန့်ခွန်းထဲတွင်ထည့်သွင်းပြောကြားခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် သြဂုတ်လ ၁၉ရက်နေ့မှ ၂၂ ရက်နေ့အထိ စင်ကာပူနိုင်ငံသို့ လေးရက်ကြာ ချစ်ကြည်ရေးခရီးရောက်ရှိနေခြင်းဖြစ်ပြီး ၂၀၁၆ခုနှစ်ကလည်း စင်ကာပူနိုင်ငံသို့ ပထမဆုံးအကြိမ် သွားရောက်ခဲ့ဖူးသည်။