အကျင့်ပျက်ဝန်ထမ်းများကို ကုမ္ပဏီများနှင့် ဆောက်လုပ်ရေးဝန်ကြီးဌာန ပူးပေါင်းအရေးယူမည်

.

ဓာတ်ပုံ - EPA
 

နေပြည်တော်၊ သြဂုတ်လ ၂၀ ။              ။ အကျင့်ပျက်လာဘ်စားသည့် ဌာနဆိုင်ရာဝန်ထမ်းများရှိပါက တိုင်ကြားနိုင်ပြီး ၀န်ကြီးဌာနအနေဖြင့် ကုမ္ပဏီများ နှင့် ပူးပေါင်းအရေးယူမည်ဟု ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်းက ပြောကြားသည်။

“ ကုမ္ပဏီများနဲ့ပေါင်းပြီးတော့ ပါဝင်တဲ့ အကျင့်ပျက်ဝန်ထမ်းများကို အရေးယူဖို့ကိစ္စနဲ့ပတ်သက်ပြီးတော့ ဆောက်လုပ်ရေးဝန်ကြီးဌာနမှ အကျင့်ပျက်ဝန်ထမ်းများ ရှိပါက ဆောက်လုပ်ရေးဝန်ကြီးဌာနသို့ ၄င်း ၊ အခြား ၀န်ကြီးဌာနများမှ အကျင့်ပျက်ဝန်ထမ်းများရှိပါက သက်ဆိုင်ရာဝန်ကြီးဌာနများသို့ အကြောင်းကြားပေးဖို့ တိုင်းဒေသကြီးပြည်နယ်အစိုးရအဖွဲ့များကို ညှိနှိုင်းမေတ္တာရပ်ခံသွားမှာဖြစ်ပါတယ်” ဟု ဒုတိယ၀န်ကြီး ဦးကျော်လင်းက ပြောကြားသည်။

ယနေ့ သြဂုတ်လ ၂၀ရက်နေ့က ပြည်ထောင်စုလွှတ်တော်တွင် “ပညာရေးဝန်ကြီးဌာန ၊ အခြေခံပညာ ဦးစီးဌာန၏ ၂၀၁၇-၂၀၁၈ ဘဏ္ဍာရေးနှစ် ခွင့်ပြုရန်ပုံငွေဖြင့် ဆောင်ရွက်သည့် တည်ဆောက်ရေးလုပ်ငန်းများ အကောင်အထည်ဖော် ဆောင်ရွက်နိုင်မှု အခြေအနေနှင့် စပ်လျဉ်း၍ ပြည်သူ့ငွေစာရင်း ပူးပေါင်းကော်မတီ ၏ လေ့လာတွေ့ရှိချက်နှင့် သဘောထားမှတ်ချက် အစီရင်ခံစာ အမှတ်စဉ် (၆/၂၀၁၈)” အပါအ၀င် လွှတ်တော်ကိုယ်စားလှယ်များ၏ ဆွေးနွေးချက်များအပေါ်ကို ဆောက်လုပ်ရေးဝန်ကြီး ဌာနမှ ပြန်လည် ရှင်းလင်းရာတွင် ပြောကြားခဲ့ခြင်းဖြစ်သည်။

ထို့ပြင် စံချိန်စံညွှန်းမမီသော အဆောက်အဦများအတွက် သက်ဆိုင်ရာအစိုးရအဖွဲ့များနှင့် ညှိနှိုင်းပြီး ကုမ္ပဏီများကို အရေးယူမည်ဟု ၀န်ကြီးက ဆိုသည်။

“ စံချိန်စံညွှန်း မမှီဘဲ ဆောက်လုပ်သွားကြတဲ့ ကုမ္ပဏီများကို အရေးယူဖို့ကိစ္စနှင့်ပတ်သတ်ပြီး စံချိန်စံညွှန်းမှီစွာ ဆောက်လုပ်ခြင်းမရှိတဲ့ ကုမ္ပဏီတွေကို အရေးယူသွားဖို့ တိုင်းဒေသကြီး၊ ပြည်နယ်အစိုးရအဖွဲ့နှင့် ညှိနှိုင်းပြီး ဆောင်ရွက်သွားမှာ ဖြစ်ပြီးတော့ အကြောင်းကြားစာများ ပေးပို့သွားမှာဖြစ်ပါတယ်”ဟု ဒုတိယ၀န်ကြီး ဦးကျော်လင်းက ဆိုသည်။

တိုင်းဒေသကြီးနှင့်ပြည်နယ်များတွင် ယခုအချိန်တွင် စံချိန်၊ စံညွှန်းမမှီသည့် အဆောက်အဦများကို ပြန်လည် ပြုပြင်ခိုင်းခြင်းများရှိသလို အရည်အသွေးမမှီသော အဆောက်အဦများကို ဖျက်သိမ်းကာ အသစ်ပြန်လည် တည်ဆောက်ခိုင်းခြင်း စသည်တို့ကို လုပ်ဆောင်နေကြောင်း ဆောက်လုပ်ရေးဝန်ကြီးဌာနမှ သိရသည်။

အထက်ပါပြည်သူ့ငွေစာရင်း ပူးပေါင်းကော်မတီမှ လေ့လာတွေ့ရှိချက်များနှင့် သဘောထားမှတ်ချက် အစီရင်ခံစာကို လွှတ်တော်ကိုယ်စားလှယ် ၃၈ ဦးက ဆွေးနွေးခဲ့ကြပြီး ၊ ယနေ့တွင် ပညာရေးဝန်ကြီးဌာန ဒုတိယ၀န်ကြီး ဦးဝင်းမော်ထွန်း၊ ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်း၊ စီမံကိန်းနှင့် ဘဏ္ဍာရေး ၀န်ကြီးဌာန ဒုတိယ၀န်ကြီးဦးမောင်မောင်ဝင်း နှင့် ပြည်ထောင်စု စာရင်းစစ်ချုပ်ရုံး၊ ပြည်ထောင်စု စာရင်းစစ်ချုပ်ဦးမော်သန်းတို့က ပြန်လည်ရှင်းလင်းဆွေးနွေးခဲ့သည်။

ထို့နောက် ဧရာဝတီတိုင်းဒေသကြီး ဇလွန်မဲဆန္ဒနယ် မှ ပြည်သူ့လွှတ်တော်ကိုယ်စားလှယ်၊ ပြည်သူ့ငွေစာရင်း ပူးပေါင်းကော်မတီ ဒုတိယဥက္ကဋ္ဌ ဦးအောင်မင်းက အဆိုပါ အစီရင်ခံစာကို လွှတ်တော်မှ သဘောတူ လက်ခံနိုင်ရန်အတွက် အဆိုတင်သွင်းခဲ့ပြီး ကန့်ကွက်မည့်သူမရှိသဖြင့် ပြည်ထောင်စုလွှတ်တော်နာယက ဦးတီခွန်မြတ်က အတည်ပြုခဲ့သည်။

ထို့နောက် ၀န်ကြီးဌာနများနှင့်ပတ်သက်သည့် ပြည်ထောင်စုစာရင်းစစ်ချုပ်ရုံးမှ ၂၀၆-၂၀၁၇ ဘဏ္ဍာရေးနှစ် စစ်ဆေးတွေ့ရှိချက် အစီရင်ခံစာနှင့်ပတ်သက်ပြီး ပြည်သူ့ငွေစာရင်းပူးပေါင်းကော်မတီ ၏ လေ့လာတွေ့ရှိချက်နှင့် သဘောထားမှတ်ချက် အစီရင်ခံစာ အမှတ်(၇/၂၀၁၈)ကို နှစ်ပိုင်းခွဲကာ ပြည်ထောင်စုလွှတ်တော်သို့ ဆွေးနွေးစဉ်းစားရန် ကိုယ်စားလှယ် ၂ဦးက အဆိုတင်သွင်းခဲ့ပြီး နာယက က ၄င်းအစီရင်ခံစာနှင့် ပတ်သက်၍ ဆွေးနွေးလိုသည့် လွှတ်တေ်ာကိုယ်စားလှယ် ရှိပါက သြဂုတ်လ ၂၃ ရက် မွန်းလွဲ ၁ နာရီ နောက်ဆုံးထားကာ အမည်စာရင်း တင်သွင်းနိုင်ရန် ပြောကြားခဲ့သည်။