အိန္ဒိယရေတပ်သင်္ဘော KHANJAR သီလ၀ါဆိပ်ကမ်းသို့ ရောက်ရှိ

.

ဓာတ်ပုံ- အိန္ဒိယသံရုံး

ရန်ကုန် သြဂုတ် ၁၈။           ။ အိန္ဒိယနိုင်ငံမှ ရေတပ်သင်္ဘောဖြစ်သော Khanjar သည် သြဂုတ်လ ၁၈ ရက်နေ့တွင် ရန်ကုန်မြို့ သီလ၀ါ ဆိပ်ကမ်းသို့ စတင်ရောက်ရှိလာခဲ့ကြောင်း အိန္ဒိယသံရုံး၏ သတင်းထုတ်ပြန်ချက်အရ သိရသည်။

အဆိုပါသင်္ဘောနှင့်အတူ သင်္ဘောအရာရှိများနှင့်သင်္ဘောသားများအပါအ၀င် သင်္ဘောအမှုထမ်း ၁၂၀ကျော် သည် ရန်ကုန်မြို့တွင် သြဂုတ်လ ၁၈ ရက်နေ့မှ သြဂုတ်လ ၂၀ ရက်နေ့အထိ လေ့လာ လည်ပတ်ကြမည်ဖြစ်ပြီး ရွှေတိဂုံစေတီတော်မြတ်ကြီးကိုလည်း သွားရောက်ဖူးမြော်ကြမည်ဟု သိရသည်။

အိန္ဒိယနိုင်ငံရေတပ်သင်္ဘောKhanjar (P-47) သည် Khukri-class မစ်ဆိုင်း ကော့ဗက်အမျိုးအစား သင်္ဘောဖြစ်ပြီး ၁၉၉၁ ခုနှစ် အောက်တိုဘာလ ၂၂ရက် နေ့တွင် အိန္ဒိယရေတပ်သို့တပ်တော်ဝင်ခဲ့သည်။

ဤသင်္ဘောသည် တန်ချိန် ၁၃၅၀တန်တင်ဆောင်နိုင်ပြီး အလျား ၉၁မီတာရှည်ကာ အမြန်နှုန်း ၂၅ knots ထက်ပိုမြန်နိုင်သည်။ သင်္ဘောပေါ်တွင် ဟယ်လီကော်ပတာတစ်စီး တင်ဆောင်နိုင်ရန် တည်ဆောက်ထားပြီး ယခုသင်္ဘောအား အမျိုးမျိုးသောလက်နက်များ၊ရေဒါများနှင့်အာရုံခံကိရိယာများတပ်ဆင်ထားသည်။ ဤသင်္ဘောသည် ပြည်တွင်းမှာပင် ပုံစံဒီဇိုင်းရေးဆွဲပြီး M/s Garden Reach Shipbuilders and Engineers, Kolkata မှတည်ဆောက်ထားခြင်းဖြစ်သည်။