အီမရန်ခန်းအား ပါကစ္စတန်၏ ၂၂ ယောက်မြောက် ၀န်ကြီးချုပ်အဖြစ် အတည်ပြုခန့်အပ်

.

သြဂုတ် ၁၈ ။            ။ ပါကစ္စတန် ရွေးကောက်ပွဲမှာ အနိုင်ရသွားတဲ့ ခရစ်ကက်ကစားသမားဟောင်း၊ PTI ပါတီဥက္ကဌ အီမရန်ခန်းကို ပါကစ္စတန်ရဲ့ ၂၂ ယောက်မြောက် ၀န်ကြီးချုပ်အဖြစ် ပြီးခဲ့တဲ့ သောကြာနေ့ (သြဂုတ်လ ၁၇ ရက်) မှာပဲ အတည်ပြု ခန့်အပ်လိုက်ပြီဖြစ်ပါတယ်။

အလုပ်အကိုင် အခွင့်အလမ်းများ ဖန်တီးပေးခြင်းဖြင့် ပြည်တွင်း ဆင်းရဲနွမ်းပါးမှုကို လျှော့ချပေးပြီး မသမာမှုများ တိုက်ဖျက်သွားမယ်လို့ ကတိပြုခဲ့တဲ့ အီမရန်ခန်းရဲ့ PTI ပါတီဟာ ဇူလိုင်လ ၂၅ ရက်မှာ ကျင်းပခဲ့တဲ့ အထွေထွေရွေးကောက်ပွဲမှာ အနိုင်ရရှိခဲ့တာဖြစ်ပါတယ်။

“ပြည်သူတွေကို ကျေးဇူးတင်ပါတယ်။ ပြောင်းလဲမှုတွေကို ဆောင်ကြဉ်းနိုင်ဖို့ ကျွန်တော့်ကို အခွင့်အရေးပေးတဲ့ ဘုရားသခင်ကိုလည်း ကျေးဇူးတင်ပါတယ်”လို့ အီမရန်ခန်းက ပါလီမန်လွှတ်တော်မှာ ပြောခဲ့ပါတယ်။

ဒီကနေ့ ညနေပိုင်းမှာ အီမရန်ခန်းအနေနဲ့ ပါကစ္စတန် ၀န်ကြီးချုပ်အဖြစ် ငါးနှစ်တာ တာဝန်ထမ်းဆောင်ရန် ကျမ်းကျိန်သွားဖို့ရှိတယ်လို့ သိရပါတယ်။