ပေါ်တူဂီနည်းပြဟောင်း ဘန်တိုကို တောင်ကိုရီးယားအသင်း နည်းပြအဖြစ် ခန့်အပ်

.

(ဓာတ်ပုံ - အီးပီအေ)

တောင်ကိုးရီးယား နည်းပြအဖြစ် ပေါ်တူဂီ နည်းပြဟောင်း ပေါ်လိုဘန်တိုကို ခန့်အပ်လိုက်ကြောင်း ကိုရီးယားဘောလုံးအဖွဲ့ချုပ်က သောကြာနေ့က ကြေညာခဲ့ပါတယ်။

အဆိုပါ နည်းပြ ဖြစ်သူဟာ ပြီးခဲ့တဲ့ ၂၀၁၈ ကမ္ဘာ့ဖလားမှာ အုပ်စု အဆင့်ကနေ ထွက်ခွာလိုက်ရပြီးနောက် အသင်းနဲ့ စာချုပ်သစ် အတွက် ငြင်းဆိုကာ ရာထူးမှ နှုတ်ထွက်သွားခဲ့တဲ့ နည်းပြ ရှင်တေယောင်း နေရာမှာ အစားထိုး ခန့်အပ်ခံရတာ ဖြစ်ပါတယ်။

ကိုရီးယားအသင်းဟာ ၂၀၁၈ ကမ္ဘာ့ဖလားမှ အုပ်စုအဆင့်ကနေ ထွက်ခွာခဲ့ပြီးနောက် အသင်းနဲ့ စာချုပ်သက်တမ်း မတိုးတော့တဲ့ နည်းပြ ရှင်တေယောင်း နေရာမှာ အသက် ၄၉ နှစ်အရွယ် ဘန်တိုကို ၄ နှစ်စာချုပ်နဲ့ ခန့်အပ်ခဲ့တာပါ။

“ကျနော်တို့ နည်းပြ ဘန်တိုကို ယုံကြည်ပါတယ်။ ကျနော်တို့ သူ့ကို အထောက်အပံပေးပြီး ၄ နှစ်ဆိုတဲ့ အချိန်ကာလအတွက် သူ့အတွက် စောင့်ဆိုင်းနိုင်မယ်ဆိုရင် သူဟာ တောင်ကိုရီးယားဘောလုံးလောကကို ဖွံ့ဖြိုးတိုးတက်အောင် လုပ်ဆောင်နိုင်မှာပါ။”လို့ ကိုရီးယားဘောလုံးအဖွဲ့ချုပ်ရဲ့ နည်းစနစ်ပိုင်းဆိုင်ရာ ကော်မတီ ဥက္ကဌ ကင်မ်ပန်ဂွန်က ဆိုးလ်မှာ ပြုလုပ်တဲ့ သတင်းစာရှင်းလင်းပွဲမှာ ပြောပါတယ်။

ဘန်တိုဟာ တရုတ်စူပါလိဂ်ကလပ် ချုံကင်းဒင်ဒိုင်းလီဖန်အသင်းကို ကိုင်တွယ်ခဲ့ပြီး ၆ ပွဲဆက်တိုက် ရှုံးနိမ့်ခဲ့ပြီး ရလဒ်ဆိုးရွာခဲ့တာကြောင်း သူဟာ နည်းပြ ရာထူးမှ ထုတ်ပယ်ခံခဲ့ရပါတယ်။

“တရုတ်မှာ ရလဒ်မကောင်းခဲ့ပေမယ့် သူဟာ အသင်းရဲ့ လေ့ကျင့်ခန်းအစီအစဉ်ကို တိုးတက်ဖွံ့ဖြိုးစေခဲ့ပါတယ်။ ကျနော်ကတော့ သူ့ရဲ့ လုပ်နိုင်စွမ်းနဲ့ပတ်သက်လို့ စိုးရိမ်မှု ရှိမနေပါဘူး။”လို့ ကင်မ်က ပြောပါတယ်။

ပေါ်လိုဘန်တိုဟာ ပေါ်တူဂီအသင်းနဲ့အတူ ယူရို ၂၀၁၂ မှာ ဆီမီးဖိုင်နယ်အထိ တက်ရောက်နိုင်ခဲ့ပြီးနောက် ၃ နှစ်အကြာမှာ ရာထူးကနေ ထုတ်ပယ်ခံခဲ့ရပါတယ်။

သူဟာ ၂၀၁၄ ကမ္ဘာ့ဖလားနဲ့ ယူရို ၂၀၁၆ ခြေစစ်ပွဲတွေမှာ ရလဒ်ပိုင်း ဆိုးရွားမှုတွေကြောင့် ထုတ်ပယ်ခံခဲ့ရတာဖြစ်ပါတယ်။

ဘန်တိုရဲ့ ကိုရီးယားအသင်းကို ပထမဆုံး ကိုင်တွယ်မယ့်ပွဲကတော့ လာမယ့်လမှာ ကော်စတာရီကာနဲ့ ခြေစမ်းပွဲပဲဖြစ်ပါတယ်။

Ref; Four Four Two, AFP