အိန္ဒိယ ရေတပ်သင်္ဘော KHANJAR ရန်ကုန်မြို့သို့ အလည်အပတ်လာရောက်မည်

.

ဓာတ်ပုံ-Embassy of India, Yangon

ရန်ကုန် ၊သြဂုတ် ၁၇ ။            ။ အိန္ဒိယနိုင်ငံမှ ရေတပ်သင်္ဘောဖြစ်သော Khanjar သည် ၂၀၁၈ခုနှစ် သြဂုတ်လ ၁၈နေ့တွင် ရန်ကုန်မြို့သို့ အလည်အပတ်လာရောက်မည်ဖြစ်ပြီး ရွှေတိဂုံစေတီတော်သို့ လာရောက်ဖူးမြော်မည်ဖြစ်ကြောင်း အိန္ဒိယသံရုံးမှ သတင်းရရှိသည်။

အိန္ဒိယနိုင်ငံနှင့်မြန်မာနိုင်ငံတို့အကြားရှိ နီးကပ်ပြီးခိုင်မာသော နှစ်နိုင်ငံဆက်ဆံရေးအားပိုမို အားဖြည့်ခိုင်မာ စေရန်အတွက် လာရောက်လည်ပတ်ခြင်းဖြစ်ပြီး ၂၀၁၈ခုနှစ် သြဂုတ်လ ၁၈ မှ ၂၀ ရက်အထိ ရန်ကုန်မြို့သို့ လာရောက်မည်ဖြစ်ကြောင်း သိရသည်။

ရန်ကုန်မြို့တွင်ရောက်ရှိစဉ် မြန်မာ့ တပ်မတော် (ရေ) မှအရာရှိများနှင့် အပြန်အလှန် ဆက်သွယ်ဆောင်ရွက် ခြင်းများ၊ ဂါရဝပြုတွေ့ဆုံခြင်းများပြုလုပ်၍ ရွှေတိဂုံဘုရားသို့ ဖူးမြော်ကာ ရန်ကုန်မြို့ရှိ စိတ်ဝင်စားဖွယ်နေရာများ သို့ လည်ပတ်ခြင်းများ ပါဝင်ကြောင်း သံရုံးက ထုတ်ပြန်ထားသည်။

အဆိုပါသင်္ဘောတွင် Commanding Officer အဖြစ် Cdr V Shirdikant ကဦးဆောင်ကာ အရာရှိများနှင့် သင်္ဘောသားများအပါအ၀င် သင်္ဘောအမှုထမ်း ၁၂၀ကျော် ပါဝင်လာမည်ဟု သိရသည်။

အိန္ဒိယနိုင်ငံမှရေတပ်သင်္ဘောဖြစ်သော Khanjar (P-47) သည် Khukri-class မစ်ဆိုင်း ကော့ဗက် အမျိုးအစား သင်္ဘောဖြစ်ပြီး ၁၉၉၁ ခုနှစ် အောက်တိုဘာလ ၂၂ရက် နေ့တွင် အိန္ဒိယရေတပ်သို့တပ်တော်ဝင်ခဲ့သည်။ ဤသင်္ဘောသည် တန်ချိန် ၁၃၅၀တန်တင်ဆောင်နိုင်ပြီး အလျား ၉၁ မီတာရှည်ကာ အမြန်နှုန်း ၂၅ knots ထက်ပိုမြန်နိုင်ကြောင်း သိရသည်။ သင်္ဘောပေါ်တွင် ဟယ်လီကော်ပတာတစ်စီး တင်ဆောင် နိုင်ရန် တည်ဆောက်ထားပြီး ယခုသင်္ဘောအား အမျိုးမျိုးသော လက်နက်များ ၊ရေဒါများနှင့် အာရုံခံကိရိယာများ တပ်ဆင်ထားသည်။ ဤသင်္ဘောသည် ပြည်တွင်းမှာပင် ပုံစံဒီဇိုင်းရေးဆွဲပြီး M/s Garden Reach Shipbuilders and Engineers, Kolkata မှတည်ဆောက်ထားခြင်းဖြစ်ကြောင်း သိရသည်။

 အိန္ဒိယနိုင်ငံမှရေတပ်သင်္ဘောဖြစ်သော Khanjar သည် Visakhapatnam တွင်အခြေစိုက်သော Eastern Fleet ၏အစိတ်အပိုင်းတစ်ခုဖြစ်ပြီး သင်္ဘော၏အမည်သည် ရှေးခေတ်စစ်သူရဲကောင်းများ ကောင်းစွာအသုံး ပြုခဲ့ကြ သည့် အသွားနှစ်ဘက်လုံးပြတ်ရှနိုင်ရန် သွေးထားသည့် အိန္ဒိယနိုင်ငံသုံး ဓါးကောက်ဟု အမည်ရရှိထားကြောင်း သိရသည်။