ဘရာဇီးမှာ စစ်တပ်က လုံခြုံရေးဝင်ယူရာမှ ပစ်ခတ်မှုတွေ မြင့်တက်

.

ရီယိုဒီဂျနေရိုး၊ သြဂုတ် ၁၇ ။           ။ ဘရာဇီးနိုင်ငံ ရီယိုဒီဂျနေရိုးမြို့မှာ ခြောက်လအတွင်း လက်နက်ကိုင်ပစ်ခတ်မှုတွေ ၄၀ ရာခိုင်နှုန်း မြင့်တက်တာကြောင့် ဘရာဇီးစစ်တပ်ဟာ အများပြည်သူ ဘေးကင်းရေးအတွက် လုံခြုံရေး ယူထားရပါတယ်။

လုံခြုံရေးအဖွဲ့ဝင်တွေ ပါဝင်တဲ့ ပစ်ခတ်မှုတွေမှာ သေဆုံးမှုတွေဟာ နှစ် ၃၀ မှာ အမြင့်ဆုံးဖြစ်နေကြောင်း သုတေသနတစ်ရပ်က ဆိုပါတယ်။

ရီယိုဒီဂျနေရိုးမှာ စစ်တပ်ကြားဝင်ဖို့ သမ္မတ တီးမားက အမိန့်ထုတ်လိုက်တဲ့ ဖေဖော်ဝါရီလလယ်က စပြီး စီးနင်းမှုတွေအတွင်း လူပေါင်း ၇၃၆ ဦး သေဆုံးခဲ့ပါတယ်။ လူသတ်မှုပေါင်းဟာ ၂၆၁၇ မှု အထိ ဖြစ်ပွားထားပါတယ်။

ကန်ဒီဒိုမန်ဒက်စ်တက္ကသိုလ်မှ ပြည်သူ့လုံခြုံရေးသုတေသနဗဟိုက ပြုလုပ်တဲ့ အချက်အလက်တွေအရ စိုးရိမ်စရာ ဖြစ်နေပါတယ်။

“ဒီ လူသတ်မှု၊ ပစ်ခတ်မှု စာရင်းဇယားတွေအရဆိုရင် စိုးရိမ်စရာကောင်းနေပြီ။”လို့ ဗဟိုက တာဝန်ရှိသူ ဆီဗီယာရာမို့စ်က ပြောပါတယ်။

“လုံခြုံရေးတပ်ဖွဲ့ဝင်တွေကြောင့် ဖြစ်ပေါ်တဲ့ ထိပ်တိုက်တွေ့မှုတွေ၊ ပစ်ခတ်မှုတွေ၊ သတ်ဖြတ်သေဆုံးမှုတွေဟာ တော်တော်လေး ကြီးထွားနေပြီ။”လို့ ရာမို့စ်က ပြောခဲ့ပါတယ်။