ယုံကြည်မှုရှိရှိနဲ့ အလှဆုံးပြုံးပြလိုက်ပါ

.

ရေးသားသူ Nay Thit

ဆေးပညာပိုင်းဆိုင်ရာတည်းဖြတ်သူ Dr. Kaung Thar

တစ်ကိုယ်ရေ သန့်ရှင်းရေးလို့ ဆိုလိုက်တာနဲ့ သွားကျန်းမာရေးကိုလည်း မေ့ထားလို့ မရပါဘူး။ မျက်နှာရဲ့ အကြည်ဓာတ်ဆိုရာမှာ အပြုံးက အဓိက အရေးအပါဆုံးပါ။ အလှဆုံးပြုံးနိုင်ဖို့ သန့်ရှင်းနေတဲ့သွားနဲ့ ၊ ဖော်ရွေတဲ့ စကားတွေဆိုနိုင်ဖို့ အနံ့ ဆိုးကင်းစင်တဲ့ ခံတွင်းသန့်ရှင်းရေးက အရေးကြီးပါတယ် ။ ခံတွင်းနံ့ဆိုးရွားစေတဲ့ အချက်တွေထဲမှာ သွားပိုးပေါက်​တွေ၊ သွားဖုံး၊ မသန့်​ရှင်းတဲ့ သွားချိုးနဲ့ ​ကျောက်​​(bacterial plaque;calculus)​တွေ​ကြောင့်​ဆိုတာ အဓိက အချက်​​တွေပါပဲ။ အဲ့ဒီ သွားပိုးပေါက်တွေထဲမှာရှိတဲ့ ဘက်တီးရီးယားတွေကနေ အနံ့ဆိုး(Gas)​တွေကို ဖြစ်ပေါ်စေတာပါ။ သွားပိုးစားတာကို ​ဆေးဘက်​ဆိုင်​ရာ အ​ခေါ်​အ​ဝေါ်အရ​တော့         သွားဆွေးမြေ့ပျက်စီးတဲ့ ရောဂါ (Dental caries or Tooth Decay) လို့​ခေါ်ပါတယ်​။

ဖြစ်ပြီးမှ ကုသတာထက် ကာကွယ်ဖို့ သတိပြုပါ။

သွားဆွေးမြေ့ရောဂါ ဆိုတာက ကူးစက်တတ်တဲ့ ဘက်တီးရီးယားပိုးမွှားတွေကနေ ထုတ်လွှတ်တဲ့ အက်စစ် တစ်မျိုး (Lactic Acid ) ကြောင့် သွားပိုးပေါက်တွေ ဖြစ်တာ ၊ သွားဆွေးမြေ့ပျက်စီးတာတွေကို ခေါ်တာပါ။  သွားပိုး​ကောင်​​တွေက သွားကို စားသွားတာမျိုး မဟုတ်ပါဘူး​ ။ အဏုကြည့်​မှန်​​ပြောင်းနဲ့ ကြည့်​မှ မြင်​ရတဲ့ ဘက်​တီးရီးယား ပိုးမွှား​တွေ(Mutans Streptococci, Streptococcus Sobrinus,Lactobacilli ) နဲ့ သကြားဓာတ်၊ ကစီဓာတ်​(carbohydrate,sugar) တို့ ဓာတ်​ပြုရာက ဖြစ်​လာတဲ့ (lactic acid) တစ်​မျိုး​ကြောင့်​ ဖြစ်​ပွားတာပါ။ လူတစ်ယောက်က ပုံမှန်အားဖြင့်တော့ သွားပိုးစားနေတာကို သတိထားမိလေ့မရှိပါဘူး။ အစကနဦး လက္ခဏာအဖြစ် သွားရဲ့မျက်နှာပြင်ပေါ်မှာ မြေဖြူခဲရောင် အစက်ကလေး(chalky white)အနေနဲ့ဖြစ်ပေါ်လာပါတယ်။  အဲ့ဒီလိုဖြစ်ပေါ်လာတာက   ကြွေလွှာပေါ်က ဖွဲ့စည်းထားတဲ့ ဓာတ်သတ္တုတွေ(minerals)တွေဆုံးရှူံးပြီး သွားပိုးပေါက် ဖြစ်ပေါ်လာစေဖို့ အစပျိုးတာပါပဲ။ အဖြူရောင်ကနေ အညိုရောင်၊ အညိုရောင်ကနေ တဖြည်းဖြည်း        သွားပိုးပေါက်(Cavity ) အဖြစ်ကို ပြောင်းလဲလာပါတယ်။အဲ့ဒီလို သွားပိုးပေါက်မဖြစ်ခင်ကာလမှာ ကြိုတင်ကာကွယ်နိုင်ရင်တော့သွားပိုးစားတာကိုရပ်တန့်နိုင်ပါတယ်။ ကာကွယ်ခြင်းက ကုသခြင်း ထက်ပိုကောင်းတယ် ဆိုတဲ့အတိုင်း သွားနဲ့ခံတွင်းသန့်ရှင်းရေးကို တစ်နေ့ ၂ ကြိမ် အနည်းဆုံးပြုလုပ်သင့်ပါတယ်။ မနက်စာစားပြီး    တစ်ကြိမ် ၊ ညအိပ်ရာဝင်ချိန်မှာတစ်ကြိမ် သွားတိုက်ရပါမယ်။ အစာအစားပြီးတိုင်း ပလုတ်ကျင်းတာ ၊ ချိုပြီးဆေးကပ်တဲ့ အစားအစာတွေကို လျှော့စားတာ၊ သွားကြားအစာညပ်တဲ့အခါ သွားကြားထိုးတံ အသုံးမပြုဘဲ ၊ သွားကြားအတွင်းသန့်ရှင်းပေးတဲ့ကြိုး (Dental floss)တွေကိုသုံးပေးတာ စတဲ့နည်းတွေနဲ့ ခံတွင်းသန့်ရှင်းရေးကို ဂရုပြုသင့်ပါတယ် ။ ကွမ်းစားခြင်းနဲ့ ဆေးလိပ်ဆေးရွက်ကြီးသောက်သုံးခြင်းတွေကို လည်း သွားကျန်းမာရေးအတွက် ရှောင်ကြဉ်သင့်ပါတယ်။ သွားနဲ့ခံတွင်း သန့်ရှင်းရေး အားနည်းတဲ့အခါ ၊ သွားပိုးစားတာတွေအပြင်၊ သွားအမြစ်တစ်ဝိုက်ရောင်ရမ်းတာ ၊ ရေစီးကမ်းပြိုဖြစ်တာ၊ သွားဖုံးနိမ့်ဆင်းတာတွေ ဖြစ်ပွားပြီး၊သွားအမြစ်ပိုးစားတာတွေပါ ဖြစ်စေနိုင်ပါတယ် ။

သွားပိုးပေါက်တွေကနေ ဘယ်လိုဆိုးကျိုးတွေ ရလာနိုင်မလဲ။

နေ့စဉ်စားထားတဲ့ အစားအစာတွေ အထူးသဖြင့်စေးကပ်တဲ့ အစားအစာတွေက သွားနဲ့ခံတွင်းသန့်ရှင်းရေး သေချာမလုပ်တဲ့အခါ၊ သွားမျက်နှာပြင်မှာ ကပ်နေတဲ့ အဲ့ဒီ အစားအစာတွေကနေတစ်ဆင့် ခန္ဓာကိုယ်မှာရှိတဲ့ ဘက်တီးရီးယား ပိုးမွှားတွေနဲ့ ပေါင်းစပ်ပြီး အက်စစ်တစ်မျိုး (Lactic Acid ) ကို ထုတ်လုပ်လိုက်ပါတယ်။     အဲ့ဒီ အက်စစ်က အချိန်ကြာလာတာနဲ့အမျှ သွားပိုးစားခြင်း ၊သွားဆွေးမြေ့ခြင်းတွေကို ဖြစ်ပေါ်လာစေပါတယ်။ သွားပိုးပေါက်တွေက သွားရဲ့ ရှေ့ဘက်မျက်နှာပြင် (pit and fissure carirs) ဒါမှ မဟုတ် သွားတစ်​​ချောင်းနဲ့ တစ်​​ချောင်းကြား(proximal caries)​တွေမှာ ဖြစ်တတ်ပါတယ်။ သွားပိုးကြောင့် အခေါင်းပေါက်တွေ ကို ဖြစ်စေပြီး အဲ့သည့်အခေါင်းပေါက်တွေက အဝါရောင်၊ အမဲရောင် စသဖြင့်အမျိုးမျိုးရှိပါတယ် ။ ဆိုးကျိုးတွေအနေနဲ့ နာကျင်ကိုက်ခဲတာ ၊ အစားအစားရခက်ခဲတာ ၊ သွားဘေးပတ်ပတ်လည်ရောင်တာ၊ သွား နဲ့တာ တွေ၊ နောက်ပြီး အချိန်မီ မကုသဖြစ်တာတွေကြောင့် သွား ဆုံးရှုံးရတာတွေ ဖြစ်စေနိုင်ပါတယ်။ ကာကွယ်ကုသမှုတွေ မပြုလုပ်မိဘဲ ပိုဆိုးလာတဲ့အခါ သွားရဲ့ အမြစ်ထိပ်ကို ကျော်လွန်သွားပြီး သွားဘေးပတ်လည်မှာရှိတဲ့ တစ်ရှူးတွေ ရောင်ရမ်းခြင်းနဲ့၊ အဲ့ဒီကနေတစ်ဆင့် ရောဂါပိုးတွေက ပျံ့နှံ့ပြီးမေးရိုးအတွင်း ခြင်ဆီရောင်ခြင်း ၊ ခံတွင်းနဲ့ မျက်နှာတစ်ဝိုက်တစ်ရှူးတွေရောင်ရမ်းခြင်း (facial cellulitis)ကို ဖြစ်စေနိုင်ပါတယ် ။ အဲ့သည့် ကနေတစ်ဆင့် ပိုမိုဆိုးရွားလာပါက ဘက်တီးရီးယားပိုးတွေနဲ့ အဲ့သည့်ပိုးတွေမှာ ပါတဲ့သွေးခဲတွေက ဦးနှောက်ထဲမှာရှိတဲ့ သွေးကြော (cavernous sinus thrombosis)​တွေကို ပိတ်ဆို့စေတာ၊ Ludwin’s angina ခေါ် မျက်နှာနဲ့ လည်ပင်းတစ်ဝိုက်ရောင်ရမ်းတာ၊ အဲ့ဒီ ရောင်ရမ်းခြင်းတွေကနေ ဖြစ်လာတဲ့ ဘက်​တီးရီးယားပိုးမွှား​တွေက ထုတ်​လွှတ်​လိုက်​တဲ့ (toxins) အဆိပ်​ ကြောင့် အသက်အန္တရာယ်ကိုပါ ထိခိုက်စေနိုင်ပါတယ်။

ဘယ်ရောဂါ တွေကရော သွားပိုးစားခြင်း ရောဂါဖြစ်စေဖို့ ဆက်စပ်နေလဲ။

သွားပိုးစားရောဂါဖြစ်ဖို့ အလားအလာရှိနိုင်တဲ့ ရောဂါတွေက ဆီးချိုရောဂါ ၊ တံတွေးဂလင်းရောင်ရောဂါ၊ ဓာတ်ရောင်ခြည်ကုသမှု ခံယူထားသူတွေမှာ ဖြစ်နိုင်ပါတယ် ။ ဒီဝေဒနာရှင်တွေက တံတွေးအထွက်နည်းပြီး ၊ တံတွေးက ကြားခံအနေနဲ့ ကာကွယ်နိုင်စွမ်းတွေ ကျဆင်းနေတာကြောင့်ဖြစ်ပါတယ်။ သွားပိုးစားခြင်းက ကာကွယ်လို့ရော ကုသလို့ပါရပါတယ်။ ဒါပေမယ့်သွားပိုးစားတာပဲဖြစ်ဖြစ်၊ သွားနှင့်ခံတွင်းဆိုင်ရာရောဂါတွေပဲဖြစ်ဖြစ် ၊ခံတွင်းကင်ဆာပဲ ဖြစ်ဖြစ် ကုသတဲ့အခါ စောစီးစွာ သိရှိဖို့က အရေးကြီးပါတယ် ။ သွားပိုးစားပြီး သွားပေါက်မှာ ရှိနေတဲ့ ဆွေးမြေ့နေတဲ့ အရာတွေကို ဖယ်ရှာပြီး၊ အစားထိုးတဲ့ဆေးပစ္စည်းတွေနဲ့ ပြန်လည်ဖြည့်ပိတ်ပေးတာမျိုးတွေ ပြုလုပ်လို့ရပါတယ် ။ ဒါပေမယ့် သွားပိုးပေါက် အရမ်းကြီးလာရင်တော့ ပြန်ဖြည့်လို့မရဘဲ ၊ သွားတုစွပ်ပြီး အုပ်ပေးတာမျိုးနဲ့ ကုသပြုပြင်ပေးရတာတွေလည်း ရှိပါတယ် ။ ဒါကြောင့်သွားကျန်းမာရေးက ပေါ့ဆသင့်တဲ့ အရာမဟုတ်ဘဲ  နှစ်စဉ် တစ်နှစ် ၂ ကြိမ်ခန့် သွားနှင့်ခံတွင်း ဆရာဝန်တွေနဲ့ ပြသပြီး ကာကွယ်ကုသမှုတွေ စစ်ဆေးခံယူဖို့ အရေးကြီးပါတယ်။

ဤဆောင်းပါးကို Mizzima ၏ မိတ်ဘက် ကျန်းမာရေးနှင့် ဆေးပညာဝက်ဘ်ဆိုဒ် hellosayarwon.com မှ ကူးယူဖော်ပြပါသည်။