များမကြာမီမှာ ထွက်ရှိတော့မယ့် Justin Timberlake ရဲ့ ပထမဆုံးစာအုပ် “Hindsight”

.

 

သြဂုတ် ၁၃ ။         ။ တေးရေး၊ တေးဆို၊ အကပညာရှင်၊ သရုပ်ဆောင်၊ ရုပ်ရှင်ထုတ်လုပ်သူဖြစ်တဲ့ Justin Timberlake ဟာ စာရေးဆရာတစ်ယောက် ဖြစ်လို့နေပါပြီ။

Justin Timberlake ဟာ နာမည်ကျော် စာရေးဆရာမ Sandra Bark နဲ့အတူ ရေးသားထားတဲ့ “Hindsight & All the Things I Can’t See In Front of Me” စာအုပ်အဖုံးကို ပြီးခဲ့တဲ့သောကြာနေ့မှာ စတင် မိတ်ဆက်ခဲ့တာဖြစ်ပါတယ်။

“ဒီစာအုပ်အတွက် ကျွန်တော်အချိန်ပေးပြီး ရေးခဲ့တာ၊ အခုတော့ ကျွန်တော့်ရဲ့ပထမဆုံးစာအုပ်ကို မိတ်ဆက်နိုင်ပြီ။ ခင်ဗျားတို့နဲ့အတူ ကျွန်တော့်ရဲ့ဘ၀အကြောင်းကို မျှဝေပေးချင်ပါတယ်။ ဒီစာအုပ်လေးက အောက်တိုဘာလ ၃၀ ရက်မှာ ထွက်ရှိမှာပါ။”လို့ Justin Timberlake က ၄င်းရဲ့ တွစ်တာစာမျက်နှာမှာ ရေးသားဖော်ပြခဲ့ပါတယ်။

“Hindsight စာအုပ်မှာ Justin Timberlake ဟာ သူ့ရဲ့အလုပ်နဲ့ ဘ၀အကြောင်းတွေ ရေးသားထားပြီး သူကြုံတွေ့ခဲ့တဲ့ အဖြစ်အပျက်၊ သူသွားခဲ့တဲ့နေရာ၊ သူကျော်ဖြတ်ခဲ့တဲ့ အခက်အခဲတွေ ပါဝင်ပါတယ်။”လို့ စာအုပ်ထုတ်ဝေသူ HarperCollins ကပြောပါတယ်။

“Justin ကသူ့ရဲ့ငယ်ဘ၀၊ သီချင်းကို မြတ်နိုးလာတဲ့အချိန်၊ သူ့သီချင်းတွေကို အောင်မြင်လာစေတဲ့ အဓိကတွန်းအား၊ သီချင်းရေးပုံရေးနည်းတွေကို ပြောပြထားတယ်။ တခြားအနုပညာရှင်၊ ဒါရိုက်တာတွေနဲ့ ဘယ်လိုပူးပေါင်းဆောင်ရွက်လဲ၊ သူ့ရဲ့ ရုပ်ရှင်၊ ဇာတ်လမ်းတွဲ၊ ရှိုးပွဲတွေကို အသေးစိတ်ပြောပြထားတယ်။ အဖေတစ်ယောက်အနေနဲ့ မိသားစုကို ဘယ်လိုအချိန်ပေးလဲ၊ မိတ်ဆွေတွေကို ဘယ်လိုဆက်ဆံလဲ၊ သူ့စိတ်ဓာတ် ခိုင်မာအောင်၊ အေးချမ်းအောင် ဘယ်လိုကျင့်ကြံနေထိုင်လဲ အစရှိတာတွေကို ရေးသားထားပါတယ်။”လို့ စာရေးဆရာမ Sandra Bark က ပြောပါတယ်။

Justin Timberlake ဟာ ပြီးခဲ့တဲ့ဇူလိုင်လကပဲ ၄င်းရဲ့ သီချင်းသစ် “SoulMate” ကို မိတ်ဆက်ခဲ့တာဖြစ်ပါတယ်။