NEWS FLASH:  ဒေါက်တာညိုညိုသင်း၏ တိုင်ကြားစာအပေါ် အရေးယူရန်မရှိဟု အဂတိကော်မရှင် ဆုံးဖြတ်

YOPE ရုပ်/သံ Mizzima English

လှည်းတန်းခုံးတံတားနားရှိ အခြေအနေမဲ့ လုပ်ကိုင်စားသောက်နေသူများအား ထိန်းသိမ်း

.

ဓာတ်ပုံ-  ဦးလင်းနိုင်မြင့်

ရန်ကုန်၊ သြဂုတ်လ ၁၁ ။         ။ ရန်ကုန်၊ ကမာရွတ်မြို့နယ်၊ ပြည်လမ်း၊ လှည်းတန်းခုံးကျော်တံတားပတ်ဝန်းကျင်ရှိ အခြေအနေမဲ့လုပ်ကိုင် စားသောက်နေသူများအား  လူ့အဖွဲ့အစည်းအတွက် မသင့်တော်၍ ထိန်းသိမ်းလိုက်ကြောင်း ရန်ကုန်တိုင်းဒေသကြီးလွှတ်တော် ဒုတိယဥက္ကဋ္ဌ ဦးလင်းနိုင်မြင့်က ပြောသည်။

ယနေ့သြဂုတ်လ ၁၁ ရက်၊ နံနက် ၁ဝ နာရီအချိန်တွင် အဆိုပါ အခြေအနေမဲ့ လုပ်ကိုင်စားသောက်နေသူများကို ထိန်းသိမ်းလိုက်ခြင်းဖြစ်ပြီး ရဲတပ်ဖွဲ့၊ မြို့နယ်စည်ပင်၊ လူမှုရေးအသင်းအဖွဲ့များ ပူးပေါင်းဆောင်ရွက်ခဲ့ခြင်းဖြစ်သည်။

“အခြေအနေက တောင်းနေတာက ကျွန်တော်တို့လူ့အဖွဲ့အစည်းအတွက်လည်း မသင့်တော်ဘူးလေ။ ပြီးတဲ့အခါ ကျတော့ တောင်းတဲ့သူတွေမှာလည်း စီးပွားဖြစ်သဘောမျိုးတွေပါနေတယ်။ ပထမတော့ အခြေအနေမဲ့ပေါ့။ အခြေအနေမဲ့ကမှ နောက်ပိုင်းကျတော့ ဒီလမ်းကိုလျှောက်နေတဲ့အခါကျတော့ အလုပ်တစ်ခုလိုဖြစ်လာတယ်။ ဒါက ကျွန်တော်တို့ရဲ့လူ့အဖွဲ့အစည်းမှာလည်း ထိခိုက်လာနိုင်တယ်။ ထိခိုက်လာနိုင်တဲ့အတွက်လည်း မြို့နယ် တွေမှာရှိတဲ့ သက်ဆိုင်ရာအဖွဲ့အစည်းကနေပြီးတော့ စနစ်တကျနဲ့ ဖယ်ရှားဆောင်ရွက်ခြင်းဖြစ်တယ်”ဟု အခြေအနေမဲ့လုပ်ကိုင်စားသောက်နေသူများအား  ထိန်းသိမ်းရာတွင် ကိုယ်တိုင်ပါဝင်ခဲ့သူ ကမာရွတ်မြို့နယ်၊တိုင်းဒေသကြီးလွှတ်တော် ကိုယ်စားလှယ်လည်း ဖြစ်၊ရန်ကုန်တိုင်းဒေသကြီး လွှတ်တော်ဒုဥက္ကဋ္ဌ ဦးလင်းနိုင်မြင့်က မဇ္ဈိမသို့ ပြောသည်။

ထို့သို့  လှည်းတန်းခုံးကျော်တံတားပတ်ဝန်းကျင်ရှိ အခြေအနေမဲ့လုပ်ကိုင် စားသောက်နေသူများအား ထိန်းသိမ်း ခဲ့ရာတွင် အမျိုးသား ၅ ဦး၊ အမျိုးသမီး ၇ ဦး၊ ကလေးငယ် (ကျား) ၁၆ ဦး၊ ကလေးငယ်(မ) ၁၄ ဦး စုစုပေါင်း ၄၂ ဦးတို့အား ထိန်းသိမ်းနိုင်ခဲ့ပြီး လက်ရှိတွင် စည်ပင်သာယာရဲတပ်ဖွဲ့သို့ လွှဲပြောင်းလိုက်ပြီ ဖြစ်ကြောင်း သိရသည်။

“ အရွယ်မရောက်တဲ့ ကလေးတွေနဲ့ လူကြီးတွေကိုတော့ သက်ဆိုင်ရာတွေက စိစစ်ဆောင်ရွက်ပြီး သူတို့ရဲ့ အနာဂတ်ရှေ့ရေးအတွက်လည်း စဉ်းစားပေးဖို့လိုတာပေါ့။ ဘာဖြစ်လို့လဲဆိုတော့ ဒီတောင်းတဲ့ ဥစ္စာက ကျွန် တော်တို့ လူ့အဖွဲ့အစည်းကို ထိခိုက်နိုင်ပေမယ့် တစ်ဖက်ကကြည့်လည်း ခိုးဆိုးလုနှိုက် လိမ်လည်တဲ့ကိစ္စလည်း မဟုတ်ပြန်ဘူးဖြစ်နေတယ်။ ဘာဖြစ်လို့လဲဆိုတော့ အခြေအနေမဲ့တွေကတောင်းတာရှိသလို တစ်ခြားသော နေရာတွေမှာလည်း တခြားသောသူတွေက ကိစ္စတစ်ခုအတွက် တောင်းနေကြတာရှိတယ်။ အဲ့ဒီလို ခွက်တွေ၊ ဘာတွေ၊ ညာတွေနဲ့”ဟု ဦးလင်းနိုင်မြင့်က ဆက်ပြီးပြောသည်။

အဆိုပါ ထိန်းသိမ်းခဲ့သည့် အခြေအနေမဲ့လုပ်ကိုင် စားသောက်နေသူများအား စည်ပင်သာယာရဲတပ်ဖွဲ့မှတဆင့် လူမှုဝန်ထမ်းဦးစီးဌာနသို့ ဥပဒေနှင့်အညီ ဆက်လက်လွှဲပြောင်းပေးသွားမည်ဖြစ်ကြောင်းသိရသည်။