NEWS FLASH:  မင်းဘူးမြို့အနီး တပ်မတော်တိုက်လေယာဉ် ပျက်ကျ

YOPE ရုပ်/သံ Mizzima English

ARSA ပြန်လည်တိုက်ခိုက်မည်ဟု သတင်းရ၍ ရခိုင်မှာ လုံခြုံရေးတိုးမြှင့်ထားဟုဆို

.

မောင်တော၊ သြဂုတ်လ ၁၀ ရက်။ ARSA အကြမ်းဖက်သမားများ တကျော့ပြန် ဝင်ရောက်တိုက်ခိုက်လာနိုင်သည်ဆိုသော မြေပြင် သတင်းများအရ သြဂုတ်လနှင့် စက်တင်ဘာနှစ်လအတွင်းရခိုင်ပြည်နယ် မြောက်ပိုင်းဒေသအပါအဝင် မြို့ကြီးများတွင် လုံခြုံရေးကို တိုးမြှင့်ဆောင်ရွက်ထားကြောင်း ရခိုင်ပြည်နယ် ရဲတပ်ဖွဲ့မှ သိရသည်။

“နယ်စပ်ဒေသမှာ ဖြစ်နေတဲ့ သတင်းတွေ၊ အင်တာနက်ပေါ်မှာလည်း တွေ့နေမှာပါ။ ပြန်လည်တိုက်ခိုက်မယ်တို့။ နယ်စပ်ခြံစည်းရိုး ဘာဖြစ်တယ်။ ဘာလုပ်မယ်။ ဆိုပြီးတော့ တွေ့နေကြမှာပေါ့။ အဲဒါတွေမှာ လုံခြုံရေး စိုးရိမ်ရတာရှိတယ်ပေါ့။ အဲဒီအတွက်ကြောင့် အကြမ်းဖက်သောင်းကျန်းသူတွေ မိုင်းခွဲတိုက်ခိုက်တာတို့။ ဆူပူအကြမ်းဖက်တာတို့ ဖြစ်လာလို့ရှိရင် ကာကွယ်နိုင်အောင်လို့ပါ့။”  ဟု ရခိုင်ပြည်နယ်ရဲတပ်ဖွဲ့၊ ပြည်နယ် ရဲမှူးကြီး အောင်မြတ်မိုးက ပြောသည်။

လက်ရှိမြေပြင် အနေအထားတွင် လုံခြုံရေးစခန်းများမှာ လုံခြုံရေး အသင့်ထားရှိခြင်း ၊ စောင့်ကြည့်ကင်းများ ချခြင်းနှင့် မြို့နယ်အလိုက် လှည့်ကင်းများ ဆောင်ရွက်ထားကြောင်း ဆိုသည်။

အကြမ်းဖက်တိုက်ခိုက်မှုများမှာ ပြီးခဲ့သည့် ၂၀၁၆ နှင့် ၂၀၁၇ ခုနှစ်များက ယခုရာသီအချိန်အခါတွင် ဖြစ်ပွားခဲ့သည့်အတွက် ယခုနှစ်တွင်လည်း ထိုအချိန်ရောက်လျှင် တကျော့ပြန် တိုက်ခိုက်လာနိုင်ကြောင်း သတင်းများမှာ ဖေ့ဘုတ်လူမှုကွန်ရက်များတွင်သာမက လက်ရှိမြေပြင်အနေထားမှာပါ ထွက်ပေါ်နေသဖြင့်လည်း ပြည်သူလူထုအကြား စိုးရိမ်မှုများ မြင့်တက်နေခြင်းဖြစ်သည်။

ထိုသို့ သတင်းများထွက်ပေါ်နေသည့် အတွက်လည်း ရခိုင်မြောက်ပိုင်းဒေသရှိ မောင်တောအပါအဝင် ဘူးသီးတောင်နှင့် ရသေ့တောင် မြို့များတွင် ညမထွက်ရအမိန့်များ ဆက်လက် ထုတ်ပြန်ထားကြောင်း မောင်တောခရိုင်အထွေထွေအုပ်ချုပ်ရေးဦးစီးဌာနမှ သိရသည်။

ရခိုင်ပြည်နယ်မြောက်ပိုင်း မောင်တောဒေသမှာ ၂၀၁၆ ခုနှစ် နိုဝင်ဘာလက တစ်ကြိမ်နှင့် ၂၀၁၇ ခုနှစ် သြဂုတ်လက တစ်ကြိမ် ARSA ၏ အကြမ်းဖက် တိုက်ခိုက်မှုများခံခဲ့ရသည့်အတွက် လက်ရှိအချိန်ထိ နယ်မြေတည်ငြိမ်မှုမရှိသေးဘဲ နှစ်ဖက် အသိုင်းအဝိုင်းများအား ပြန်လည်နေရာချထားရေး၊ ဖွံ့ဖြိုးတိုတက်ရေး လုပ်ငန်းစဉ်များကို ဆောင်ရွက်လျှက်ရှိနေဆဲဖြစ်သည်။