ကန်ထရိုက်ဖြင့် ဆောက်သည့် စာသင်ကျောင်းများ စံချိန်မမီမှုအပေါ် ထိရောက်စွာ အရေးယူရန် အစီရင်ခံ

.

ပြည်သူ့ငွေစာရင်းပူးပေါင်းကော်မတီ ဒုဥက္ကဋ္ဌ(၁) ဦးအောင်မင်း (ဓာတ်ပုံ- ပြည်ထောင်စုလွှတ်တော်)

နေပြည်တော်(ဩဂုတ် ၉ရက်၊ ၂၀၁၈ခုနှစ်)။ ။ ပြီးခဲ့သည့် ၂၀၁၇-၁၈ ဘဏ္ဍာနှစ်တွင် တင်ဒါစနစ်ဖြင့် တည်ဆောက်သည့် စာသင်ကျောင်းများအနက် ၇၅ရာခိုင်နှုန်းမှာ အချိန်မီပြီးစီးမှု မရှိသလို အရည်အသွေး၊ စံချိန်စံညွှန်း ပြည့်မီခြင်း မရှိကြောင်းလည်း စစ်ဆေးတွေ့ရှိရသည်ဟု ပြည်ထောင်စုလွှတ်တော်၏ ပြည်သူ့ငွေစာရင်း ပူးပေါင်းကော်မတီက အစီရင်ခံလိုက်သည်။

ပြီးခဲ့သည့် ဘဏ္ဍာနှစ်တွင် အခြေခံပညာဦးစီးဌာန၏ တည်ဆောက်ရေးလုပ်ငန်း ၂၅၂၄ခုကို ဆောက်လုပ်ရေးဝန်ကြီးဌာနအောက်ရှိ အဆောက်အဦဦးစီးဌာန၏ ကြီးကြပ်မှုဖြင့် တင်ဒါခေါ်ယူပြီး အကောင်အထည်ဖော်ခဲ့ရာ လုပ်ငန်းများ အပြီးသတ်ရမည့် ဘဏ္ဍာနှစ်ကုန်အထိ လုပ်ငန်းပေါင်း ၆၂၂ခုသာ ပြီးစီးခဲ့သည်ဟု ပြည်သူ့ငွေစာရင်းပူးပေါင်းကော်မတီ၏ အစီရင်ခံစာတွင် ဖော်ပြထားသည်။

“အချိန်မီ မပြီးသလို တစ်ဖက်က စံချိန်စံညွှန်း ပြည့်မီသလားဆိုတော့လည်း မပြည့်မီဘူး” ဟု ကော်မတီဒုဥက္ကဋ္ဌ(၁)ဖြစ်သူ ဇလွန်မြို့နယ်၊ ပြည်သူ့လွှတ်တော်အမတ် ဦးအောင်မင်းက ပြောသည်။

ပညာရေးဝန်ကြီးဌာန၊ အခြေခံပညာဦးစီးဌာန၏ ၂၀၁၇-၂၀၁၈ ခု၊ ဘဏ္ဍာရေးနှစ် တည်ဆောက်ရေးလုပ်ငန်းများ အကောင်အထည်ဖော် ဆောင်ရွက်နိုင်မှု အခြေအနေ နှင့်စပ်လျဉ်း၍ ပြည်သူ့ငွေစာရင်းပူးပေါင်းကော်မတီ၏ လေ့လာတွေ့ရှိချက်နှင့် သဘောထား မှတ်ချက်အစီရင်ခံစာအမှတ်စဉ်(၆/၂၀၁၈)ကို ပြည်သူ့ငွေစာရင်းပူးပေါင်းကော်မတီကိုယ်စား ဦးအောင်မင်းက ဩဂုတ်လ ၉ရက်တွင် ပြည်ထောင်စုလွှတ်တော် အစည်းအဝေးသို့ အစီရင်ခံ တင်ပြခဲ့ခြင်း ဖြစ်သည်။

“ဒီလို အရည်အသွေး စံချိန်၊ စံညွှန်းမမီတာတွေဟာ မတော်တဆ မှားယွင်းမှုတွေ မဟုတ်ပါဘူး။ ကန်ထရိုက်တာတွေရဲ့ မတရား အကျိုးအမြတ်ရရှိအောင် တမင် ရည်ရွယ်ချက်ရှိရှိ လုပ်ဆောင်ခြင်း ဖြစ်တယ်လို့ ကျနော်တို့ သုံးသပ်ပါတယ်” ဟု ဦးအောင်မင်းက လွှတ်တော်သို့ တင်ပြသည်။

ပြည်သူ့ငွေစာရင်းပူးပေါင်းကော်မတီ၏ တင်ပြချက်အရ အရည်အသွေး၊ စံချိန်၊ စံညွှန်း မပြည့်မီသည့် တည်ဆောက်မှုလုပ်ငန်းများမှာ အခြားတိုင်းနှင့်ပြည်နယ်များတွင်သာမက သမ္မတ တိုက်ရိုက်အုပ်ချုပ်သည့် ပြည်ထောင်စုနယ်မြေ၊ နေပြည်တော်မှာပင် ဖြစ်ပေါ်လျက် ရှိနေသည်ကို တွေ့ရသည်။

ဥပမာအားဖြင့် ဇေယျာသီရိမြို့နယ်ရှိ အ.ထ.က(ရေဆင်း)ကျောင်းတွင် အရည်အသွေး မပြည့်မီသည့် သစ်များကို အသုံးပြုထားခြင်း၊ ဒက္ခိဏသီရိမြို့နယ်၊ မူလွန်(ဆည်စု)ကျောင်းတွင် ထုတ်တန်းကို နံရံအထိရောက်အောင် သွယ်တန်းထားခြင်း မရှိဘဲ မြှားတန်းမှ ချိတ်ဆွဲထားခြင်းနှင့် ဥတ္တရသီရိမြို့နယ်၊ အ.ထ.က(ငန်းစပ်)တွင် ယက်မအား အုတ်နံရံပေါ်တွင် တင်၍ တည်ဆောက်ထားခြင်းတို့ကို စစ်ဆေးတွေ့ရှိရသည်ဟု ကော်မတီက အစီရင်ခံထားသည်။

အဆိုပါ စံချိန်၊ စံညွှန်း မမီ တည်ဆောက်မှုများနှင့်ပတ်သက်ပြီး သဘောတူစာချုပ်တွင် ‘လုပ်ငန်းအပ်နှံသူ ကျေနပ်သည်အထိ ပြန်လည်ပြင်ဆင်ပေးရမည်’ ဟု ဖော်ပြထားသော်လည်း လက်တွေ့တွင် လိုက်နာမှု အင်မတန် အားနည်းနေသည်ဟုလည်း ကော်မတီ၏ အစီရင်ခံစာတွင် ပါရှိသည်။

“ဒီလို အရေးယူမှုလောက်နဲ့တော့ စံချိန်၊ စံညွှန်း မပြည့်မီမှုတွေကို ကာကွယ်တားဆီးနိုင်မှာ မဟုတ်ပါဘူး။ ဒီ့ထက် ပြင်းထန်ထိရောက်တဲ့ နည်းလမ်းတွေ စည်းကမ်းချက်တွေ ပြဌာန်းပြီးတော့ ထိထိရောက်ရောက် အရေးယူဆောင်ရွက်နိုင်ဖို့ လိုအပ်တယ်” ဟု ဦးအောင်မင်းက ပြောသည်။

အစီရင်ခံစာတွင် ပညာရေးဝန်ကြီးဌာန၏ လုပ်ငန်းများကို နမူနာ တင်ပြထားခြင်း ဖြစ်သော်လည်း ဝန်ကြီးဌာနအားလုံး၏ တည်ဆောက်ရေးလုပ်ငန်းများတွင် အနည်းအများအလိုက် ထိုသို့ စံချိန်စံညွှန်း မပြည့်မီမှုများ ဖြစ်ပေါ်နေသည်ဟုလည်း ကော်မတီက ဆိုသည်။

မွန်ပြည်နယ်၊ သံဖြူဇရပ်မြို့နယ်၊ ပြည်သူ့လွှတ်တော်အမတ် ဦးဥာဏ်ဟိန်းက “စာချုပ်တွေက အားနည်းပြီး ထိရောက်တဲ့ အရေးယူမှုတွေ မရှိလို့ ဒါတွေ ဖြစ်တာ။ စစ်ဆေးတာတွေလည်း ထိထိရောက်ရောက် စစ်ဆေးမှ ရမှာ” ဟု အရေးယူမှုအားနည်းကြောင်း မှတ်ချက်ပြုသည်။

အဆိုပါအစီရင်ခံစာနှင့်စပ်လျဉ်း၍ ဆွေးနွေးလိုသည့် လွှတ်တော်ကိုယ်စားလှယ်များ ရှိပါက ဩဂုတ်လ ၁၃ရက်တွင် နောက်ဆုံးထား၍ အမည်စာရင်း တင်သွင်းနိုင်ကြောင်း ပြည်ထောင်စုလွှတ်တော်နာယက ဦးတီခွန်မြတ်က ကြေငြာထားသည်။