နေတိုးစစ်အသုံးစရိတ် နှစ်ဆတိုး ထည့်ဝင်ရေး ထရမ့်တောင်းဆိုချက်ကို အဖွဲ့ဝင်များ ခုခံပြောဆို

နေတိုးစစ်အသုံးစရိတ် နှစ်ဆတိုး ထည့်ဝင်ရေး ထရမ့်တောင်းဆိုချက်ကို အဖွဲ့ဝင်များ ခုခံပြောဆို

ဘရပ်ဆဲလ်၊ ဇူလိုင် ၁၂ ။           ။ ထိပ်သီးအစည်းအဝေးတွင် နေတိုးစစ်အသုံးစရိတ်ကို နှစ်တိုး ထည့်ဝင်ရန် အမေရိကန်သမ္မတ ဒေါ်နယ်ထရမ့်၏ တောင်းဆိုချက်က မဟာမိတ်နိုင်ငံများကြား အဓိက ဆွေးနွေးငြင်းခုံစရာ ဖြစ်နေသည်။

မြောက်အတ္တလန္တိတ်စာချုပ်အဖွဲ့အနေဖြင့် ၎င်း၏ ကာကွယ်ရေးအသုံးစရိတ်ကို အဖွဲ့ဝင်နိုင်ငံများ လက်ရှိ လက်ခံထားသည့် နိုင်ငံ ဂျီဒီပီ၏ နှစ်ရာခိုင်နှုန်း နှုန်းထားမှ လေးရာခိုင်နှုန်း နှုန်းထားသို့ တိုးမြှင့်ထည့်ဝင်ရန် နှစ်ရက်တာ နေတိုးခေါင်းဆောင်များ ထိပ်သီးအစည်းအဝေး အဖွင့်ရက်မှာပင် သမ္မတ ထရမ့်က ပြောလိုက်ခြင်း ဖြစ်သည်။

အမေရိကန်သာလျှင် သုံးရာခိုင်နှုန်းကျော် ထည့်ဝင်နေပြီး အခြားသော ခုနစ်နိုင်ငံမှာ နှစ်ရာခိုင်နှုန်း နီးပါးနှင့် ယင်းအထက် ထည့်ဝင်နေကာ ကျန်နိုင်ငံများက ပြည့်မှီအောင်ပင် ထည့်ဝင်ကြခြင်း မရှိပေ။

ဇူလိုင် ၁၂ ရက် မနက်ပိုင်းတွင် ထရမ့်က ၎င်း၏ ရည်မှန်းနှုန်းထားကို ထပ်မံ၍ တွစ်တာတွင် ရေးသား ပြောဆိုလာခဲ့ခြင်း ဖြစ်သည်။

နိုင်ငံ ဂျီဒီပီ၏ ၁ ဒဿမ ၂၄ ရာခိုင်နှုန်းသာ ထည့်ဝင်ပြီး ထရမ့်အတွက် ပြောစရာ ပစ်မှတ်ကဲ့သို့ ဖြစ်နေသော ဂျာမနီနိုင်ငံ ဝန်ကြီးချုပ် အိန်ဂျလာမာကဲလ်က ထိပ်သီးအစည်းအဝေးတွင် စစ်အသုံးစရိတ်ကို လုံးလုံးအာရုံစိုက်နေခြင်းက လွဲမှားနေပြီဟု ပြောလိုက်သည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly