ရခိုင်ဝန်ကြီးတစ်ဦးကို ဖြုတ်ချရေးကိစ္စ မအောင်မြင်

ရခိုင်ဝန်ကြီးတစ်ဦးကို ဖြုတ်ချရေးကိစ္စ မအောင်မြင်
 ဇွန်လ ၂၉ ရက်နေ့ ပြည်နယ်လွှတ်တော် အစည်းဝေးတွင် တွေ့ရသည့် ဝန်ကြီး ဦးကျော်အေးသိန်း(ဓာတ်ပုံ - RiA)

စစ်တွေ၊ ဇွန်လ ၂၉ ရက်။          ။ ရခိုင်ပြည်နယ်အစိုးရအဖွဲ့ ဘဏ္ဍာရေး၊ အခွန်၊ စီးပွားရေးဝန်ကြီး ဦးကျော်အေးသိန်းကို ဖြုတ်ချနိုင်ရေး စွပ်စွဲပြစ်တင်မှုများအား ပြည်နယ်လွှတ်တော်မှ မဲခွဲဆုံးဖြတ်ရာတွင် အောင်မြင်မှု မရရှိဘဲ ပြစ်တင်ခံရမှုများသည် မမှန်ကန်ဟု ဆုံးဖြတ်ခဲ့သည်။

ဇွန်လ ၂၉ ရက်နေ့တွင် ပြုလုပ်သည့် ရခိုင်ပြည်နယ်လွှတ်တော် အစည်းအဝေးတွင် အဆိုပါကိစ္စအား မဲခွဲဆုံးဖြတ်ရာတွင် မဲပေးပိုင်ခွင့်ရှိသူ ၄၆ ဦးတွင် တက်ရောက်သူ ၄၄ ဦးက မဲပေးခဲ့ခြင်းဖြစ်ပြီး ဝန်ကြီးအား စွပ်စွဲမှုမှာ မှန်ကန်သည်ဟု ထောက်ခံမဲ ၂၅ မဲ၊ ကန့်ကွက်မဲ ၉ မဲ နှင့် ပယ်မဲ ၁၀ အသီးသီး ရရှိခဲ့ကြသည်။

စွပ်စွဲပြစ်တင်မှုအဆို အောင်မြင်ရန် သုံးပုံတစ်ပုံထောက်ခံမဲကို မရရှိခဲ့သောကြောင့် ပြည်နယ်လွှတ်တော်မှ ယခုလို ဆုံးဖြတ််ခဲ့ခြင်းလည်း ဖြစ်သည်။

ဝန်ကြီး ဦးကျော်အေးသိန်းသည် ဘဏ္ဍာရေးနှစ်အလိုက် ပြည်နယ်၏ ခွင့်ပြုရန်ပုံငွေများကို ဘဏ္ဍာရေး စည်းမျဉ်း၊ စည်းကမ်းနဲ့ အညီ ဆောင်ရွက်နိုင်ခြင်းမရှိဟုဆိုကာ ပြည်နယ်လွှတ်တော် ကိုယ်စားလှယ် ၁၂ ဦးက လက်မှတ်ရေးထိုး တိုင်ကြားချက်ဖြင့် ပြည်နယ်လွှတ်တော်တွင် စွပ်စွဲပြစ်တင်ခံခဲ့ရခြင်းလည်း ဖြစ်သည်။

ယခု ဝန်ကြီးမတိုင်မီ ပြည်နယ်စည်ပင်သာယာရေးဝန်ကြီးဟောင်း ဦးမင်းအောင်ကိုလည်း နိုင်ငံတာဝန် ကျေပွန်စွာ ထမ်းဆောင်နိုင်ခဲ့ခြင်း မရှိဟု ဆိုကာ ပြည်နယ်လွှတ်တော်က အဆိုပြု မဲခွဲဆုံးဖြတ်ပြီး နိုင်ငံတော်သမ္မ၏ အတည်ပြုချက်ဖြင့် ဝန်ကြီးရာထူးအား ဖြုတ်ချခဲ့ကြသေးသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly