မလေးရှား ၀န်ကြီးချုပ်အား နှုတ်ထွက်ရေးတောင်းဆို ဆန္ဒပြပွဲစီစဉ် သူများအား ရဲ သမ္မန်ဆင့်ခေါ်

မလေးရှား ၀န်ကြီးချုပ်အား နှုတ်ထွက်ရေးတောင်းဆို ဆန္ဒပြပွဲစီစဉ် သူများအား ရဲ သမ္မန်ဆင့်ခေါ်

မလေးရှားနိုင်ငံတွင် ဝန်ကြီးချုပ်အား အကျင့်ပျက်ခြစားမှုစွပ်စွဲချက်များဖြင့် နှုတ်ထွက်ရေးတောင်းဆိုဆန္ဒပြမှုများကို စီစဉ်ကြသူများအား ရဲက သမ္မန်ဆင့်ခေါ်ခဲ့သည်။

ဆန္ဒပြပွဲခေါင်းဆောင်တစ်ချို့ကို ရဲစခန်းသို့လာရောက်အစီရင်ခံရန် ညွန်ကြားထားကြောင်း ယခုဆန္ဒပြပွဲအား ဦးစီးဦးဆောင်စီစဉ်ခဲ့သည့် မလေးရှားအင်န်ဂျီအိုနှင့် တက်ကြွလှုပ်ရှားသူများအဖွဲ့နှင့် ညွန့်ပေါင်း အဖွဲ့ဖြစ်သည့် Bersih ၏ ဥက္ကဌဖြစ်သူ မာရီယာချင်းအဗ္ဗဒူလက်ရှ်က ပြောသည်။

"ဒါက သက်သက်အချိန်ဖြုန်းနေတာပဲ။ သူတို့က ကျွန်မတို့ကို ခြိမ်းခြောက်လိုတာ။ ဒါပေမယ့် ကျွန်မတို့ ကြောက်လန့်နေမှာမဟုတ်ဘူး။"ဟု မာရီယာကပြောခဲ့သည်။

ဝန်ကြီးချုပ် နာဂျစ်ရာဇက်အား ဘဏ်အကောင့်တွင် ဒေါ်လာ သန်း ၇၀၀ နီးပါးရှိထားသည်ဟု ဝေါစထရိတ်ဂျာနယ်က သတင်းဖော်ပြခဲ့ပြီးနောက်တွင် ယခုကဲ့သို့ ရာထူးမှ နှုတ်ထွက်ပေးရေး တောင်းဆိုဆန္ဒပြမှုများဖြစ်ပွားခဲ့ခြင်းဖြစ်သည်။

Ref: Bangkok Post

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly