နှစ်ပေါင်း ခြောက်ဆယ်ကျော်အတွင်း ကျူးဘားသို့ ပထမဆုံးအဖြစ် အိန္ဒိယ သမ္မတ လာရောက်လည်ပတ်

နှစ်ပေါင်း ခြောက်ဆယ်ကျော်အတွင်း ကျူးဘားသို့ ပထမဆုံးအဖြစ် အိန္ဒိယ သမ္မတ လာရောက်လည်ပတ်

နှစ်ပေါင်း ခြောက်ဆယ်ကျော် ကာလအတွင်း အိန္ဒိယခေါင်းဆောင်တစ်ဦး ကျူးဘားနိုင်ငံသို့ ပထမဆုံး လာရောက်လည်ပတ်ခြင်းအဖြစ် ရောက်ရှိနေသော အိန္ဒိယ သမ္မတ ရမ်နက်ရှ်ကိုဗင်သည် ဖွံ့ဖြိုးဆဲနိုင်ငံများ လုပ်ပိုင်ခွင့်အာဏာ ဖြစ်တည်ရေးနှင့် ပတ်သက်ပြီး အိန္ဒိယနှင့် ကျူးဘားနိုင်ငံသို့ ဦးဆောင်ကြရန် ဇွန် ၂၂ ရက်က တိုက်တွန်း ပြောလိုက်သည်။

ဟာဗားနားရှိ တက္ကသိုလ်တွင် ကျောင်းသားကျောင်းသူများ၊ နို်င်ငံရေးသမားများနှင့် သံတမန်များအား ခရီးစဉ်နောက်ဆုံးအဖြစ် မိန့်ခွန်းပြောရာ သမ္မတ ရမ်နက်ရှ်က တောင်ပို်င်းဒေသနှစ်ရပ် ပူးပေါင်းမှု မြှင့်တင်ရေးကို ကျူးဘားနှင့် အိန္ဒိယတို့က အဓိကဦးဆောင်ကာ ဖွံ့ဖြိုးဆဲနိုင်ငံများ၏ အသံကို ပိုမိုအလေးထားလာအောင် လုပ်ဆောင်သွားရန် ဆန္ဒရှိကြောင်း ပြောခဲ့သည်။

အိန္ဒိယနှင့် ကမ္ဘာ့တောင်ပိုင်းဟု ခေါင်းစဉ်ပေးထားသည့် ၎င်း၏ မိန့်ခွန်းတွင် ဖွံ့ဖြိုးမှုအတွက် မိတ်ဖက်ပြုခြင်းသည် နှစ်နိုင်ငံကြား နိုင်ငံတကာဆက်ဆံမှု၏ အခရာပဲ ဖြစ်ကြောင်း အလေးအနက် ပြောသည်။

ထိုပြင် ကျူးဘားနှင့် အိန္ဒိယ ဆက်ဆံရေးသည် ဆွေးနွေးသော မိတ်ဖက်များ ဖြစ်ကြောင်း ထောက်ပြပြောဆိုလျက် ဖွံ့ဖြိုးဆဲနိုင်ငံများအနေဖြင့် အပြန်အလှန်လေးစားမှုနှင့် ခိုင်မြဲမှုတို့ ဖော်ဆောင်ရန် လိုအပ်ကာ ကမ္ဘာ့အရေးအရာတွင် ပိုမိုအရာဝင်ရေးကို လုပ်ဆောင်သွားကြရမည်ဖြစ်ကြောင်းလည်း ၎င်းက ပြောခဲ့သည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly