စစ်အတွင်း ကွဲကွာမိသားစုများ ပြန်လည်ပေါင်းစည်းရေး ကိုရီးယားနှစ်နိုင်ငံ ဆွေးနွေး

စစ်အတွင်း ကွဲကွာမိသားစုများ ပြန်လည်ပေါင်းစည်းရေး ကိုရီးယားနှစ်နိုင်ငံ ဆွေးနွေး

ဆိုးလ်၊ ဇွန် ၂၂ ။            ။ ကိုရီးယားကျွန်းဆွယ်တွင် သံတမန်ရေး ပြေလည်မှုတစ်ရပ်အဖြစ် ၁၉၅၀-၅၃ ကိုရီးယားစစ်ပွဲအတွင်း ကွဲကွာခဲ့ကြသော မိသားစုများ ပြန်လည်ပေါင်းစည်းရေးအတွက် ကြက်ခြေနီဆွေးနွေးပွဲများ ကျင်းပရန် ဇွန် ၂၂ ရက်တွင် မြောက်ကိုရီးယားနှင့် တောင်ကိုရီးယားတို့ ဆွေးနွေးပြောဆိုကြသည်။

အဆိုပါ စစ်ပွဲအတွင်း သန်းပေါင်းများစွာသော ပြည်သူများ မိသားစုနှင့် ကွဲကွာနေခဲ့ကြရသည်မှာ နှစ်ပေါင်း ရ၀ နီးပါးပင် ရှိနေပြီ ဖြစ်သည်။

နယ်စပ်ခြားကာ တစ်ဖက်စီမှာ နေထိုင်ကြရသည့် ကွဲကွာမိသားစုများသည် ဆက်သွယ်မှုအားလုံးကို ပိတ်ပင်ထားခြင်း ခံရခြင်းကြောင့် ဆွေမျိုးသားချင်းများကို မြင်တွေ့ကြားသိရခြင်း မရှိဘဲ ကွယ်လွန်ခဲ့ရသူများလည်း များစွာ ရှိနေသည်။

၂၀၁၅ ခုနှစ်အတွင်းက နောက်ဆုံးကျင်းပခဲ့သည့် မိသားစုများ ပေါင်းစည်းရေးနှင့် ပတ်သက်သည့် ယခု ဆွေးနွေးပွဲများ ပြန်စလာခြင်းသည် မြောက်ကိုရီးယားခေါင်းဆောင် ကင်ဂျုံးအွန်နှင့် တောင်ကိုရီးယားသမ္မတ မွန်ဂျေအင်းတို့ ဧပြီလအတွင်းက သမိုင်းတွင် ထိပ်သီးအစည်းအဝေးအတွင်း ရရှိခဲ့သည့် သဘောတူညီမှုများအနက် တစ်ရပ်ပဲ ဖြစ်သည်။

အသက်ရှင်ဆဲ ကွဲကွာဆွေမျိုးများနှင့် တွေ့ဆုံရန် တောင်ကိုရီးယား ကြက်ခြေနီတွင် မှတ်ပုံတင်ထားသူပေါင်း ၅၇၀၀၀ နီးပါးသာ ရှိနေတော့ပြီး အများစုမှာ အသက် ရ၀ ကျော်များ ဖြစ်ကြသည်။

ထိုသို့ ပြန်လည်ဆုံဆည်းရေးကို စီစဉ်ပေးဖြစ်လျှင်လည်း နှစ်ဖက်မှ ဆွေမျိုးများနှင့် တွေ့ဆုံရန် ရွေးချယ်ခံရမည်မှာ ဦးရေ ၁၀၀ မျှသာ ရှိမှာ ဖြစ်သည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly