ဇွန် ၂၀ ။                 ။ ထိုင်းနိုင်ငံ၊အယုဒ္ဓိယခရိုင်ထဲမှာ ရှိတဲ့ ရေညှိမုန့်စက်ရုံမှာ အလုပ်လုပ်နေကြတဲ့ မြန်မာအလုပ်သမား၂၀၀ကျော်ဟာ  လုပ်ခလစာအပြည့်အဝမရရှိတာကြောင့် ဇူလိုင်လ၁၉ ရက်နေ့ နေ့လည်က လုပ်ငန်းခွင်ထဲကနေ ပြန်လာကြတယ်လို့ သိရပါတယ်။

ဇွန်လ ၁၉ ရက် ညနေပိုင်းမှာတော့ အလုပ်ရုံဘက်မှ အလုပ်သမား၂၀၀ကျော်ထဲကနေ အလုပ်သမား၁၆ယောက်ကို အလုပ်ကနေ ထုတ်ပစ်လိုက်ပါတယ်

အလုပ်ထုတ်ခံလိုက်ရတဲ့ ကိုရဲစိုးအောင်က “ ကျွန်တော်တို့ကို ခေါင်းဆောင်တယ်ဆိုပြီး ထုတ်ပစ်တာပဲ၊ဆွေးနွေးလို့တောင် မရခဲ့ပါဘူး”ဟု ပြောပါတယ်။

လက်ရှိ အလုပ်ထုတ်ခံရတဲ့ အလုပ်သမားတွေက မြန်မာအလုပ်သမားအရေးဆောင်ရွက်ပေးနေတဲ့AAC(အလုပ်သမားကူညီစောင့်ရှောက်ရေးအဖွဲ့)(ယာယီဖျက်သိမ်း)ကို အကူအညီတောင်းထားကြတယ်လို့သိရပါတယ်။

AAC(အလုပ်သမားကူညီစောင့်ရှောက်ရေးအဖွဲ့)(ယာယီဖျက်သိမ်း) ရဲ့အဖွဲ့ဝင် ကိုရဲမင်းက “MOUစနစ်က ကုမ္မဏီတွေနဲ့ သဘောတူစာချုပ် ချုပ်ပြီး တက်လာကြပေမယ့် တကယ်အောက်ခြေမှာက အဆင်မပြေမှုတွေများနေတယ်”ဟု ပြောပါတယ်။

အလုပ်ထုတ်ခံလိုက်ရတဲ့ အလုပ်သမားတွေထဲမှာ မြန်မာနိုင်ငံကနေ MOU စနစ် ဖြင့် စက်ရုံနဲ့တိုက်ရိုက်စာချုပ် ချုပ်ဆိုပြီး တက်လာတဲ့သူတွေလည်း ပါ၀င်ပါတယ်။မြန်မာနိုင်ငံ မြဝတီနယ်စပ်ကနေ ထိုင်းနိုင်ငံကို MOU စနစ်နဲ့တက်လာတဲ့သူတွေဟာ တစ်လကို ၁သောင်းကျော်ရှိနေတယ်လို့ အလုပ်သမားအရေးဆောင်ရွက်ပေးနေတဲ့ အဖွဲ့အစည်းအချို့က ပြောပါတယ်။