ရေးသားသူ Dr.Thant Zin
ဆေးပညာပိုင်းဆိုင်ရာတည်းဖြတ်သူ hellosayarwon.
လုပ်ငန်းခွင်ဟာ တခါတရံမှာ ကျန်းမာရေးကို ထိခိုက်စေနိုင်ပါတယ်။ ဥပမာ ကွန်ပျူတာရှေ့မှာ နာရီများစွာ အနားမယူဘဲ လုပ်နေရခြင်းပေါ့။ သင်ဟာ ကာယလေ့ကျင့်ခန်းပြုလုပ်ဖို့ အသင်းဝင်ကောင်းဝင် ထားပါလိမ့်မယ်။ ဒါပေမယ့် ခုံကနေ ခွာမရဖြစ်နေရင် အချည်းအနှီးပါပဲ။ သုတေသနတွေအရ နာရီဝက်ခန့်လေ့ကျင့်ခန်းကို တပတ်မှာ ၅ကြိမ်လောက် လုပ်ပေးရင် ကျန်းမာရေးကို အထောက်အကူပြုတယ်လို့ သိရပါတယ်။ ကျန်းမာရေးကို ဒုက္ခပေးတဲ့ ပြသနာတွေကို ဘယ်လိုရှောင်ရှးနိုင်လဲ၊ လုပ်ငန်းခွင်မှာ ဘယ်လိုလေ့ကျင့်ခန်းတွေ လုပ်နိုင်လဲဆိုတာ သိရှိခြင်းအားဖြင့် ပိုပြီးကျန်းမာရေးကောင်းမွန်တဲ့ လူနေမှုပုံစံကို ဖန်တီးနိုင်ပါတယ်။
ရုံးအလုပ်သမားများအတွက် အဖြစ်များသော ကျန်းမာရေးပြသနာများ
ရုံးလုပ်ငန်းသဘာဝအရ ၀န်ထမ်းများဟာ အချိန်ကြာမြင့်စွာ ထိုင်ပြီးလုပ်ကိုင်ရတာကြောင့် အားကစားရုံများ သွားရောက်လေ့ကျင့်ရုံနဲ့ မဖြေရှင်းနိုင်တဲ့ ပြသနာတွေ ဖြစ်နိုင်ပါတယ်။ တနေရာတည်းမှာ အချိန်အကြာကြီး ထိုင်နေရရင် ကိုယ်တွင်း ဇီဝဖြစ်ပျက်မှုတွေဟာ နှေးကွေးသွားပါတယ်။ ကိုယ်တွင်း သကြားဓာတ်ကို ထိန်းချုပ်မှု၊ သွေးပေါင်ချိန်နဲ့ အဆီဓာတ်ချေဖျက်မှု စတာတွေဟာ ပြောင်းလဲသွားနိုင်ပါတယ်။
ရုံးမှာ လှုပ်ရှားမှုနည်းပါးခြင်းဟာ ကျန်းမာရေးအတွက် အဓိကစိန်ခေါ်မှုကြီးပဲ ဖြစ်ပါတယ်။ နှလုံးရောဂါ၊ အမျိုးအစား (၂) ဆီးချို၊ ကင်ဆာ၊ စိတ်ကျန်းမာရေး အားနည်းခြင်း စတာတွေဟာ ရုံးမှာလှုပ်ရှားမှု နည်းခြင်းကြောင့် ကျန်းမာရေးကို ထိခိုက်တဲ့ ပြသနာတွေပဲ ဖြစ်ပါတယ်။
သင်ပြုလုပ်နိုင်သော လေ့ကျင့်ခန်းများ
အောက်ပါလေ့ကျင့်ခန်း ၅ခုဟာ သင့်ရုံးစားပွဲမှာတင် ပြုလုပ်နိုင်ပါတယ်။ သင့်ကို သန်မာစေပြီး အဆီပိုတွေကို လောင်ကျွမ်းစေပြီး ပိုပြီး ကျန်းမာပျော်ရွှင်စေပါတယ်။
Wall (Street) Sit
နံရံမှာမှီပြီးရပါ။ ဒူးကွေးပြီး ကျောကိုနံရံမှလျှောချပါ။ ပေါင်များကို ကြမ်းပြင်နဲ့အပြိုင်ထားပါ။ စက္ကန့်၃၀မှ ၆၀ထိ ထိုင်ချထားပါ။ အဲဒီအချိန်မှာ စာတခုခုကို ဖတ်နေနိုင်ပါတယ်။ အဆီတွေပိုပြီး လောင်ကျွမ်းအောင် ညာဘက်ခြေကျင်းဝတ်ကို ဘယ်ဒူးပေါ်တင်ပြီး ၁၅စက္ကန့်ခန့်ထားပါ။ ပြီးရင် ဘယ်ညာပြောင်းထိုင်ပါ။
The Office Genie
ဒီလေ့ကျင့်ခန်းဟာ သင့်ကို အကြောပြေလျော့ စေပါတယ်။ ခြေထောက်၂ချောင်းကို ကန့်လန့်ဖြတ် ချိတ်ထားပြီး ထိုင်လျက်နဲ့ မပြီး ဆန့်တန်းပါ။ လက်တန်းနှစ်ခုပေါ် လက်များ တင်ထားပြီး ကိုယ်ကို ခုံကနေ မ ယူပါ။ စက္ကန့် ၁၀-၂၀ခန့် ထိန်းထားပါ။ ပြီးရင် ခုံပေါ်ကို ပြန်ထိုင်ချပြီး တမိနစ်ခန့်နားပါ။ ပြီးရင် ထပ်လုပ်ပါ။
The Shoulder Shrug
ဒီလေ့ကျင့်ခန်းဟာ ရိုးရှင်းပါတယ်။ ပခုံး၂ဖက်စလုံးကို နားဆီကို မြှင့်တင်ပြီး ၅စက္ကန့်လောက် ထိန်းထားရုံပါပဲ။ ပြီးရင် ဖြေလျှော့လိုက်ပါ။ ဒီလိုမျိုး ၁၅ခါလောက်လုပ်ပါ။ ပိုပြီး အားထည့်ချင်ရင် ထပြီးလေ့ကျင့်ပြီး လက်ထဲမှာလည်း စက္ကူထုပ်ကို ကိုင်ထားပါ။
The Lunch Break Hammy
ဒီလေ့ကျင့်ခန်းဟာ ဒူးကောက်ကြောများကို သန်မာစေပါတယ်။ ခုံနောက်မှာ ရပ်နေပြီး ထိန်းကိုင်ထားပါ။ ခြေဖဝါးတဖက်ကို တင်ပါးထိ ရောက်အောင် မြှောက်ကန်ပါ။ ပြီးရင် ဘယ်ညာခြေထောက် ပြောင်းလုပ်ပါ။ ၁၀ခါလောက် ထပ်တလဲလဲလုပ်ပါ။ ထမင်းစားပြီးချိန်ဆိုရင် ၁၀ခါ ပိုလုပ်ပါ။
The Desk Squat
ခြေထောက်နှစ်ခု ပူးလျက်ရပ်နေပါ။ ထိုင်ခုံကို ဖယ်ထားပါ။ ပေါင်များဟာ ကြမ်းပြင်နဲ့ တပြေးထဲဖြစ်တဲ့အထိ ဒူးများကို ညင်သာစွာ ကွေးထိုင်လိုက်ပါ။ ကွေးထိုင်ထားတဲ့အချိန်မှာ လက်များကို ကွန်ပျူတာဘက် ဆန့်တန်းပြီး မထားပါ။ ၁၅စက္ကန့်လောက်ထိန်းထားပြီး ဖြေလျှော့လိုက်ပါ။ ၄-၆ခါလောက် ထပ်လုပ်ပါ။
ဒီလေ့ကျင့်ခန်း ၅ခုဟာ ရုံးဝန်ထမ်းတွေအတွက် ကိုယ့်အလုပ်စားပွဲမှာတင် လွယ်ကူသက်သာစွာ လုပ်ဆောင်နိုင်ပါတယ်။ အလုပ်များနေတဲ့ အချိန်မှာတောင် လုပ်နိုင်ပါတယ်။ ဒီလိုမျိုး အားစိုက်ပြီး ပိုကျန်းမာတဲ့ နေထိုင်မှုပုံစံကို လေ့ကျင့်နိုင်ပါတယ်။ လှုပ်ရှားမှုတွေ ဖြစ်စေပြီး ကိုယ်ခန္ဓာကို သန်စွမ်းစေပါတယ်။ လုပ်ငန်းခွင်မှာရော သင့်ဘဝမှာပါ လုပ်ဆောင်နိုင်စွမ်း မြင့်မားစေပါတယ်။
