တိုရွန်တို၊ ဧပြီ ၂၃ ။ ။ ဂျီ ရ စက်မှုနိုင်ငံများအုပ်စုမှ နိုင်ငံခြားရေးဝန်ကြီးများသည် ဧပြီ ၂၂ ရက်က ကနေဒါနိုင်ငံ တိုရွန်တိုမြို့တွင် တွေ့ဆုံစည်းဝေးကြသည်။
အစည်းအဝေးတွင် ရုရှ၏ ရန်စကျူးများနှင့် ပတ်သက်ပြီး အဓိကထားကာ အမေရိကန်သမ္မတ ဒေါ်နယ်ထရမ့်၏ အီရန်နျူကလီးယားသဘောတူညီမှုမှ နုတ်ထွက်သွားနိုင်မှု အခြေအနေနှင့် မြောက်ကိုရီးယားခေါင်းဆောင် ကင်ဂျုံးအွန်နှင့် စီစဉ်ထားသော ထိပ်သီးတွေ့ဆုံမှုတို့အပေါ်လည်း ဆွေးနွေးကြသည်။
ကမ္ဘာ့ချမ်းသာသော နို်င်ငံခေါင်းဆောင်များ၏ ဂျီ ရ ထိပ်သီးအစည်းအဝေးကို ကွီးဘတ်တွင် ဇွန်လအတွင်း ကျင်းပနိုင်ရေးကိုလည်း ယခုနိုင်ငံခြားရေးဝန်ကြီးများက ဆွေးနွေးသည်။
ကနေဒါနိုင်ငံခြားရေးဝန်ကြီး ချာရိုင်းစတီးယားဖရီးလန်းက ယခုအစည်းအဝေးကို ဖွင့်လှစ်ပြီး တက်ရောက်လာသူများမှ အမျိုးသမီးနိုင်ငံခြားရေးဝန်ကြီးများကို ဂုဏ်ပြုစကားဆိုသည်။
အစည်းအဝေးတွင် ဥရောပသမဂ္ဂမှ ကိုယ်စားလှယ်များပါ တက်ရောက်ခြင်း ဖြစ်သည်။ ယာယီအမေရိကန်နို်င်ငံခြားရေးဝန်ကြီး ဂျွန်ဆူလီဗန်က ယူကရိန်းနိုင်ငံခြားရေးဝန်ကြီး ပါဗလိုနှင့် ပထမဆုံး တွေ့ဆုံခဲ့ပြီး ရုရှ၏ ကျူးကျော်မှုနှင့် ရင်ဆိုင်နေရသော ယူကရိန်းအတွက် ထောက်ပံ့ပေးမည်ဖြစ်ကြောင်းကို ကတိကဝတ်ပြုခဲ့သည်။