နေအိမ်​ ၃၇ လုံးထိ မီး​လောင်​ခဲ့မှုမှာ မ​​ကျေနပ်​၍ ရှို့ခဲ့ခြင်​းဖြစ်​

နေအိမ်​ ၃၇ လုံးထိ မီး​လောင်​ခဲ့မှုမှာ မ​​ကျေနပ်​၍ ရှို့ခဲ့ခြင်​းဖြစ်​
ဓာတ်ပုံ- Chit Ko Gyi (Fb)

မွန်​ပြည်​နယ်​၊ ​ချောင်​းဆုံမြို့နယ်​၊ အပြိုင်​​ကျေးရွာတွင်​ ​နေအိမ်​ ၃၇ လုံးထိမီး​လောင်​ခဲ့မှုမှာ မ​ကျေနပ်​သဖြင်​့ မီးရှို့ခဲ့ရာမှတစ်​ဆင်​့ ​လောင်​ခဲ့ခြင်းြ​ဖစ်​​ကြောင်​း ပြည်​ထဲ​ရေးဝန်​ကြီးဌာနမှ ယ​နေ့ ဧပြီလ ၁၄ ရက်​တွင်​ သတင်​းထုတ်​ပြန်​ထားသည်​။

အဆိုပါ ​နေအိမ်​ ၃၇ လုံးမှာ ဧပြီလ ၁၃ ရက်​၊ ည​နေ ၅ နာရီ၊ ၁ဝ မိနစ်​ခန်​့အချိန်​တွင်​ မီး​လောင်​ကျွမ်​းခဲ့ခြင်​းဖြစ်​သည်​။ မြို့နယ်​မီးသတ်​တပ်​ဖွဲ့အပါအဝင်​ ပူး​ပေါင်​းအဖွဲ့မှ အချိန်​မီ မီးငြိမ်းသတ်​​နိုင်​ခဲ့​သော်​လည်​း မီးကူးစက်​မှုမရှိ​စေရန်​အတွက်​ ​နေအိမ်​ ၈ လုံးဖြိုချဖျက်​ဆီးခဲ့ရသဖြင်​့ စုစု​ပေါင်​း​နေအိမ်​ ၄၅ လုံးထိပျက်​စီီးခဲ့ရ​ကြောင်​း သိရသည်​။

အဆိုပါ မီး​လောင်​ကျွမ်​းမှုမှာ အပြိုင်ကျေးရွာနေ အသက် ၂၄ နှစ်အရွယ် ​​​မချို ဆိုသူ၏ နေအိမ်အား အသက်​ ၃၂ နှစ်​အရွယ်​ မွန်ချမ်း(ခ)သိန်းထွန်းဆိုသူက အဆိုပါနေအိမ် ပိုင်ဆိုင်​မှုနှင်​့ပတ်သက်ပြီး မကျေနပ်သဖြင့် ​မီးရှို့ခဲ့ရာမှ နေအိမ် ၃၇လုံးထိ မီးကူးဆက်လောင်ကျွမ်းခဲ့ခြင်​းဖြစ်​​ကြောင်​း ပြည်​ထဲ​ရေးထုတ်​ပြန်​ချက်​တွင်​​ဖော်​ပြပါရှိသည်​။

ထိုသို့မီးရှို့ခဲ့သူ မွန်ချမ်း(ခ)သိန်းထွန်းဆိုသူကို ရဲတပ်​ဖွဲ့မှ ဖမ်​းဆီးခဲ့ပြီး ယ​နေ့ ဧပြီလ ၁၄ ရက်၊ နံနက်​ ၁ နာရီအချိန်​တွင်​ ချောင်းဆုံ မြို့မရဲစခန်းမှ (ပ)၅၆/၂၀၁၈၊ ရာဇသတ်ကြီးပုဒ်မ ၄၃၆(မီးရှို့မှု)ဖြင့် အမှုဖွင့်စစ်ဆေး​​နေ​ကြောင်​း သိရသည်​။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly