မန္တလေး၊ဖေဖော်ဝါရီ ၂၁ ။ ။ သက်ငယ်မုဒိမ်း ကျူးလွန်သူများကို ဒေသဏ်အပြစ်ပေးနိုင်ရေးနှင့်ဥပဒေပြဋ္ဌန်းနိုင်ရေးအတွက် လူထု ထောက်ခံလက်မှတ် ကောက်ခံခြင်းကို မန္တလေးတိုင်းဒေသကြီး၊ မတ္တရာမြို့နယ်တွင် ဒေသခံအချို့နှင့် အရပ်ဘက်လူမှုအဖွဲ့အစည်းများက ဦးဆောင်၍ ကောက်ခံလျှက်ရှိကြောင်းသိရသည်။
ဖေဖော်ဝါရီလ ၁၉ရက်က စတင်ကောက်ခံခဲ့ခြင်းဖြစ်ပြီး မန္တလေးမြို့နှင့်ပြင်ဦးလွင်မြို့တို့တွင်လည်း ထပ်မံ၍ ထောက်ခံလက်မှတ်များရယူသွားမည်ဟု ဦးဆောင်သူများအနက်မှ တစ်ဦးဖြစ်သူ ဦးသန်းလွင်က ဆိုသည်။
"ဒီ လက်မှတ်ထိုးတွေ ရသလောက်ယူနေတယ်။ ရပ်ကွက်တွေ၊ကျေးရွာတွေအလိုက်ကောက်နေတာဆိုတော့ အရေအတွက် က မသိရသေးဘူး။"ဟု ဦးသန်းလွင်က ပြောသည်။
ကောက်ခံရရှိသည့်လက်မှတ်ထိုးများကို အစိုးရအဖွဲ့နှင့်လွှတ်တော်အသီးသီးသို့တင်ပြသွားမည်ဟု ၎င်းက ဆိုသည်။
မတ္တရာမြို့နယ်၊ဥဒိန်ကျေ းရွာအုပ်စု၊မြွေကူးတို့ဆိပ်ရွာတွင် ဖေဖော်ဝါရီ ၁၃ ရက်ကအသက်၂နှစ်၊၅လ အရွယ် မိန်းကလေးငယ်တစ်ဦးကို အသက်၂၃ နှစ်အရွယ် ဖြိုးထက်အောင်ဆိုသူက အဓမ္မပြုကျင့်ပြီး သတ်ခဲ့ခြင်း ဖြစ်ခဲ့သည်။
ထိုသို့ဖြစ်ပေါ်ခဲ့ခြင်းကြောင့် သက်ငယ်မုဒိမ်းမှုကျူးလွန်သူအားသေဒဏ်ပေးနိုင်ရေးအတွက် ဖေဖော်ဝါရီလ ၁၈ ရက်ကလည်း မတ္တရာမြို့နယ်ဒေသခံ ထောင်ချီက ဆန္ဒပြ တောင်းဆိုထားသည်။
