ဖေဖော်ဝါရီ ၁၀ ။ ။ နိုင်ငံတော်အဆင့် တိုင်းရင်းသား စွန့်ဦးတီထွင်လုပ်ငန်းရှင်များအသင်းအား ဖွဲ့စည်းတည်ထောင်ရန် ယမန်နေ့ ဖေဖော်ဝါရီလ ၉ ရက်က ကုန်သည်စက်မှုအသင်းချုပ် (UMFCCI) နှင့် တိုင်းရင်းသားလုပ်ငန်းရှင်များက သဘောတူ ဆုံးဖြတ်ခဲ့ကြသည်။
ဖေဖော်ဝါရီလ ၉ ရက် ညနေပိုင်းက တိုင်းရင်းသားရေးရာဝန်ကြီးဌာနမှ ကျင်းပသည့် Sustainable Development Forum ပြီးဆုံးခြင်း ဂုဏ်ပြုလွှာပေးပွဲတွင် ယင်သို့ သဘောတူညီခဲ့ကြခြင်း ဖြစ်သည်။
“ တိုင်းရင်းသားတွေ အများစုနေထိုင်တဲ့ဒေသတွေမှာ ပတ်ဝန်းကျင်ကို ထိန်းသိမ်းတတ်တဲ့၊ လူ့အခွင့်အရေးကို ကာကွယ်စောင့်ရှောက်တဲ့ ၊ အဂတိလိုက်စားမှုကို အားမပေးတဲ့ စီးပွားရေးပုံစံ တည်ဆောက်နိုင်ဖို့ အရေးကြီးတယ်” ဟု UMFCCI ၏ အကြံပေးပုဂ္ဂိုလ် ဒေါက်တာအောင်ထွန်းသက်က ယင်းပွဲတွင် ပြောသည်။
အဆိုပါ တိုင်းရင်းသား စွန့်ဦးတီထွင်လုပ်ငန်းရှင်များအသင်းအား လာမည့် တစ်လအတွင်း ဖွဲ့စည်းသွားမည်ဟု သိရပြီး ပထမအဆင့်အနေဖြင့် နိုင်ငံတော်အဆင့်အသင်းအဖြစ် ဖွဲ့စည်းသွားမည် ဖြစ်ကာ မည်သည့် လုပ်ငန်းရှင် မဆို ပူးပေါင်းပါဝင်နိုင်ကြောင်း သိရသည်။
လက်ရှိတွင် ကနဦးအဆင့်အနေဖြင့် ဖွဲ့စည်းရန် သဘောတူညီခဲ့ကြခြင်းဖြစ်ပြီး အသေးစိတ်ကိုတော့ ထပ်မံမသိရသေးပေ။
