တရုတ်အရှုံး ကစျေးကွက်ကို ကိုင်လှုပ်သောကြောင့် ကမ္ဘာနှင့်အဝန်း ရှယ်ယာစျေးများ ထိုးကျ

တရုတ်အရှုံး ကစျေးကွက်ကို ကိုင်လှုပ်သောကြောင့် ကမ္ဘာနှင့်အဝန်း ရှယ်ယာစျေးများ ထိုးကျ

လန်ဒန်၊ သြဂုတ် - ၂၄ ။          ။ တရုတ်စီးပွားရေး နှေးကွေးကျဆင်းမှုက ရင်းနှီးမြှုပ်နှံသူများကို ဆက်လက်ခြောက်လှန့်နေမည့် စိုးရိမ်မှုများကြောင့် လန်ဒန်၊ ပါရီနှင့် ဖရင့်ဖာ့တို့မှ ရှယ်ယာဈေးကွက်များ သိသိသာသာ ကျဆင်းသွားခဲ့သည်။

လန်ဒန်စတော့ဈေးကွက် နံနက်ခင်းအရောင်းအဝယ်တွင် ၂.၆ရာခိုင်နှုန်း ကျဆင်းသွားသကဲ့သို့၊ ပြင်သစ်နှင့် ဂျာမနီ စတော့ဈေးကွက်များတွင်လည်း ၃ရာခိုင်နှုန်းနီးပါး ကျဆင်းသွားခဲ့သည်။

၂၀၀၇ခုနှစ်နောက်ပိုင်း အဆိုးရွားဆုံးကျဆင်းမှုအဖြစ် ရှန်ဟိုင်းရှယ်ယာဈေးကွက် ၈.၅ရာခိုင်နှုန်း အနှုတ်ပြ၍ ပိတ်သိမ်းမှုနှင့်အတူ အာရှရှယ်ယာများလည်း ညတွင်းချင်းပင် အထိနာခဲ့ကြသည်။ တရုတ် အာဏာပိုင်များကမူ ရင်းနှီးမြှုပ်နှံသူများကို အာမခံရန် အချည်းနှီးကြိုးစားနေကြသည်။

ကုန်သည်များမှာ ကမ္ဘာ့ဒုတိယအကြီးမားဆုံး စီးပွားရေးနိုင်ငံကြီးတွင်ဖွံ့ဖြိုးမှုနှေးကွေးသွားခြင်းနှင့်ပတ်သက်၍ ကုန်သည်များက စိုးရိမ်ကြောင့်ကြနေ ကြသောကြောင့်ရေနံဈေးနှုန်း မှာလည်း ၆နှစ်တာအတွင်း အနိမ့်ဆုံးသို့ ထိုးဆင်းသွားခဲ့သည်။

‘ကျွန်တော်တို့ဟာ အကျဘက်ကို မြန်မြန်ကြီး ရွေ့ရှားနေတဲ့ပုံပေါ်နေပါတယ်’’ဟု IGမှ ဈေးကွက်ကျွမ်းကျင်သူ ဒေးဗစ် မက်ဒင်းက ပြောကြားခဲ့သည်။ ရင်းနှီးမြှုပ်နှံသူများ အားလပ်ရက် အဝေးရောက်နေချိန် တွင်ဥရောပတွင် ကုန်သွယ်ရေးပါးလျားသွားမှုက ရင်းနှီးမြှုပ်နှံသူများကြား အာရှရှယ်ယာဈေးကျဆင်းမှုအပေါ် စိုးရိမ်မှုများကို ပိုမို ကြီးထွားဆိုးရွားသွားစေခဲ့သည်။ ‘ဒီကစပြီး ရှေ့အဖို့ မသေချာမရေရာ မှုတွေကို ပိုပြီး ရင်ဆိုင်ဦးမယ်လို့ ထင်ပါတယ်’’ဟု မက်ဒင်းက ပြောကြားခဲ့သည်။

ရင်းနှီးမြှုပ်နှံသူများကမူ စတော့များကို မြှင့်တင်ရန်အတွက် ပေါချောင်ကောင်းရှာဖွေသူများ ဈေးကွက်ထဲဝင်လာဖို့ ရက်သတ္တပတ်ပေါင်းများစွာကြာအောင် စောင့်မျှော်နေခဲ့ကြသည်ဟု ဆိုသည်။

Mizzima Weekly