Mizzima Media Co.,Ltd ၏ အခမဲ့ရုပ် သံလိုင် း တစ်လိုင် းဖြစ် သည့် Mizzima TV ကို စတင်စမ်းသပ် ထုတ်လွှင့်မည့် မိတ်ဆက်အခမ်းအနားကို ဇန်နဝါရီ ၂၆ ရက်က နိုဗိုတယ်ဟိုတယ်တွင် ကြော်ငြာ အေဂျင်စီများနှင့် စတင် မိတ်ဆက်ပေးခဲ့သည်။
Mizzima TVကို ဖေဖေါ်ဝါရီ ၁၈ ရက်တွင် စတင်စမ်းသပ် ထုတ်လွှင့်မည်ဖြစ်ကာ အစီအစဉ်များတွင် ကလေးငယ်လေးများ လွန်စွာကြိုက်နှစ်သက်စေမည့် ကာတွန်းအစီစဉ်နှင့် မြန်မာပရိတ်သတ်များ ကြိုက်နှစ်သက်စေမည့် မြန်မာရုပ်ရှင်ကားများ ထင်ရှားသည့် ရုပ်ရှင်ထုတ်လုပ်ရေး ကုမ္ပဏီ တစ်ခုဖြစ်သော Fox ထံမှ Exclusive ဒရာမာရုပ်သံစီးရီးနှင့် ထိတ်လန့်သည်းဖို ရုပ်သံစီးရီး၊ လူငယ်နဲ့ ကလေးအသားပေး အစီအစဉ်တွေ၊ ဖျော်ဖြေရေး နှင့် တွဲဖက်လျက် ထူးဆန်းအံ့ဖွယ်ရုပ်ရှင်ကားများနှင့် အချစ်ရသများကို ပေးစွမ်းနိုင်မည့် ရုပ်ရှင် ဇာတ်ကားကောင်းများလည်း ပါဝင်ပြသမည်ဖြစ်သည်။
နိုင်ငံတကာဇာတ်လမ်းတွဲများမှာ Mizzima TVအတွက် Exclusive (သီးသန့်) ပြသခွင့်ပေးထားသော Drama, Thriller, Horror အစရှိသည့် အမျိုးအစားများပါဝင်သည်။
မြန်မာအမျိုးသမီးများ၏ ဘဝကို ထင်ဟပ်စေမည့် သုတနှင့်ရသပေးစွမ်းနိုင်မည့် အစီအစဉ်၊ မြန်ပြည်တလွှား ထူးခြားနေရာများနှင့် အပန်းဖြေနိုင်စေမည့် နေရာများကို တင်ဆက်ပေးနေသည့် ခရီးသွား အစီအစဉ်များအပြင် လူငယ်များအတွက် ရည်ရွယ်သော YOPE အစီအစဉ်လည်း ပါဝင်မည်ဖြစ်သည်။
လူငယ်နှင့် ကလေးများအတွက် အစီအစဉ်များ ရည်ရွယ်သည့် Mizzima TV သည် တမူထူးခြားသည့် အစီအစဉ်ကောင်းများဖြင့် စတင်ပြသတော့မည်ဖြစ်ပြီး နံနက် ၆ နာရီမှ ည ၁၁ နာရီထိ ပြသထုတ်လွှင့်သွားမည်ဟု Mizzima Media Co.,Ltd ၏ Sales & Marketing ဒါရိုက်တာ ဦးပြည့်စုံလင်းက ပြောသည်။
