ရွေးကောက်ပွဲ ၀င်မည့် အမျိုးသမီး ကိုယ်စားလှယ်လောင်းများ

ရွေးကောက်ပွဲ ၀င်မည့် အမျိုးသမီး ကိုယ်စားလှယ်လောင်းများ

နိုဝင်ဘာလ ၈ ရက်တွင်  ၂၀၁၅ ခုနှစ် အထွေထွေ ရွေးကောက်ပွဲကို ကျင်းပတော့မည် ဖြစ်ရာ မဇ္ဈိမက ရွေးကောက်ပွဲ ဝင်ရောက် ယှဉ်ပြိုင်မည့် အမျိုးသမီး လွှွတ်တော် ကိုယ်စားလှယ်လောင်း များနှင့်တွေ့ဆုံ ပြီးရွေးကောက်ပွဲ ဝင်ရောက် ယှဉ်ပြိုင်ရသည့် ရည်ရွယ်ချက်၊ ရွေးကောက်ပွဲ အောင်မြင်ပြီး နောက် လွှတ်တော်တွင် လုပ်ဆောင်မည့် အချက်များကိုမေးမြန်းထား ကာကောက်နှုတ်ဖော်ပြပေးသွား မည်ဖြစ် သည်။  

နန်းမြဦး

ရှမ်းတိုင်းရင်းသားများ ဒီမိုကရေစီ အဖွဲ့ချုပ် (SNLD)

ဝင်ရောက်ရွေးချယ်ခံမည့် မဲဆန္ဒနယ် - တောင်ကြီးမြို့ မဲဆန္ဒနယ် အမှတ် (၁) ၊ ပြည်နယ်လွှွှတ်တော်
 ရည်ရွယ်ချက်

ဝင်ပြိုင်ရတဲ့ ရည်ရွယ်ချက်ကတော့ ဒီအလုပ်တစ်ခုကို လုပ်ပြီဟေ့ဆိုလို့ရှိရင်တော့ လွှတ်တော်ပြင်ပ ကနေပြီးတော့မှ အားကောင်းဖို့ဆိုတာက နည်းနည်းလေးခဲယဉ်းတယ်လို့ ကိုယ့်က မြင်တယ်လေ။ လွှတ်တော်အတွင်းကနေပြီးတော့မှ လုပ်မယ်ဆိုရင် ပိုပြီးအောင်မြင်နိုင်တဲ့အတွက် ကြောင့်မို့လို့ လွှတ်တော်ထဲဝင်ဖို့ ဝင်ပြိုင်ချင်တာပါ။

အနိုင်ရရင် လွှတ်တော်ထဲမှာ ဘာလုပ်မလဲ

အကယ်၍ ရွေးကောက်ပွဲ နိုင်ခဲ့မယ်ဆိုလို့ရှိရင်တော့ လွှတ်တော်ထဲမှာ ပထမဆုံးလုပ်ရမှာကတော့ ကိုယ့်ရဲ့ တန်းတူညီမျှမှု ရှိရေးအတွက်ပေါ့နော် ဒီဖွဲ့စည်းပုံအခြေခံဥပဒေပြင်ဆင်ရေးကို ဦးတည်ပြီး တော့ လွှတ်တော်ထဲမှာ ဆွေးနွေးမှာဖြစ်ပါတယ်။

နန့်သန်းမြင့်ကြီး

တောင်သူလယ်သမားများ ပြည်သူ့ပါတီ

ဝင်ရောက်ရွေးချယ်ခံမည့် မဲဆန္ဒနယ် - ဧရာဝတီတိုင်း ဒေသကြီး မဲဆန္ဒနယ် အမှတ်(၃) ကျုံပျော်နှင့်ရေကြည်
 ရည်ရွယ်ချက်

ရည်ရွယ်ချက်ကတော့ တိုင်းပြည်မှာ ရှိတဲ့ တောင်သူ လယ်သမား ၊ အလုပ်သမားပြည်သူတို့ရဲ့ နစ်နာမှု တွေကို ကာကွယ်ဖို့ နောက်ဖြစ်လာမဲ့ ဒုက္ခတွေကို ဖျက်စီးပေးဖို့ အဲ့ဒီရည်ရွယ်ချက်နဲ့ ဝင်ပြိုင် မှာဖြစ်ပါ တယ်။

အနိုင်ရရင် လွှတ်တော်ထဲမှာ ဘာလုပ်မလဲ

နယ်မှာရှိတဲ့ တောင်သူလယ်သမား အလုပ်သမားပြည်သူတစ်ရပ်လုံးရဲ့  စားဝတ်နေရေးမြှင့်တင်ရေးကို ဆောင်ရွက်မယ်။ စားဝတ်နေရေး မြှင့်တင်မှာ သူတို့ရဲ့ စီးပွားရေး မြှင့်တင်မှ သူတို့ရဲ့ ပညာရေး၊ ကျန်းမာရေး မြှင့်တင် မှာ ဖြစ်တယ်။ ဒီလိုမျိုးအခြေခံဖြစ်တဲ့ စီးပွားရေးကို ကာကွယ်ပြီးတော့ အကောင်အထည်ဖော်ပေးမှာ ဖြစ်ပါတယ်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly