မင်္ဂလာဆောင်ကောလဟာလများကို ဂေါင်ယူးနှင့် ဂျန်ယူးမီတို့ ငြင်းဆန်ပယ်ချ

မင်္ဂလာဆောင်ကောလဟာလများကို ဂေါင်ယူးနှင့် ဂျန်ယူးမီတို့ ငြင်းဆန်ပယ်ချ

တောင်ကိုရီးယားမှ နာမည်ကျော်မင်းသားဂေါင်ယူးနှင့် မင်းသမီး ဂျန်ယူးမီတို့သည် မကြာသေးခင်က ထွက်ပေါ် လာသည့် မင်္ဂလာဆောင်ကြတော့မည်ဆိုသော ကောလဟာလများကို ငြင်းဆန်ခဲ့ကြသည်။

ဇန်နဝါရီလ ၉ ရက်နေ့တွင် အွန်လိုင်းအသုံးပြုသူတစ်ဦးက “ ဂေါင်ယူးဟာ မင်္ဂလာဆောင်တော့မှာဖြစ်ပါတယ်။ မနေ့တုန်းက သူဟာ ရှီလာဟော်တယ်မှာ ကြိုတင်စာရင်းသွင်းခဲ့ပါတယ်။ အဲဒီ့မှာ အလုပ်လုပ်တဲ့ တစ်ယောက်က ဒီသတင်းကိုပေးတာပါ။ မင်းသမီး ဂျန်ယူးမီနှင့်အတူ မင်္ဂလာဆောင်တော့မှာဖြစ်ပါတယ်” ဟု ပြောဆိုခဲ့သည်။

ထိုသတင်းနှင့်ပက်သက်၍ ဂေါင်ယူးနှင့် ဂျန်ယူးမီတို့၏ အေဂျင်စီဖြစ်သော Soop Entertainment က “ကျနော် တို့ဟာ လူမှုမီဒီယာပေါ်မှာ အခုပြန့်နှံ့နေတဲ့ ကောလဟာလတွေနဲ့ ပတ်သက်လို့   ကြေညာချက် ထုတ်ပြန်ချင်ပါ တယ်။ ဂေါင်ယူးနဲ့ ဂျန်ယူးမီတို့ရဲ့ သတင်းတွေဟာ တကယ့်ကို မှားယွင်းနေပါတယ်။ ဒါကြောင့် အဲဒီမမှန်သတင်း တွေ ထုတ်ပြန်မှုနဲ့ ဆိုးရွားတဲ့မှတ်ချက်တွေအတွက် ကျနော်တို့ဘက်ကနေ တရားဥပဒေအရ ရင်ဆိုင်ဖြေရှင်း သွားမှာဖြစ်ပါတယ်” ဟု ကြေညာချက်ထုတ်ပြန်ခဲ့သည်။

ဆက်လက်ပြီး အေဂျင်စီက “ဂေါင်ယူးနဲ့ ဂျန်ယူးမီတို့ မင်္ဂလာဆောင်တော့မယ်ဆိုတဲ့ သတင်းတွေဟာ မှားယွင်း နေပါတယ်။ သူတို့နှစ်ဦးဟာ တကယ့်မောင်နှမတွေလို နေထိုင်ကြတာပါ။ ဂေါင်ယူးဟာ ဂျန်ယူးမီကို သူ့ရဲ့ သွေးရင်းတစ်ယောက်လို သဘောထားပြီး ဆက်ဆံတာဖြစ်ပါတယ်” ဟု ပြောကြားခဲ့သည်။

ဂေါင်ယူးနှင့် ဂျန်ယူးမီတို့သည် Silenced နှင့် Train to Busan တို့ကဲ့သို့သော နာမည်ကျော်ရုပ်ရှင်များထဲ၌ အတူတူပါ၀င်သရုပ်ဆောင်ခဲ့ကြသည်။

Ref: Soompi

Mizzima Weekly