ဒီဇင်ဘာ ၂၉၊ စပိန်
FIFA The Best ဆု၊ Ballon d’Or ဆု၊ Globe Soccer Awards ဆုတွေကို ရရှိခဲ့တဲ့ ရီးယဲလ်ကြယ်ပွင့်စီရော်နယ်ဒိုဟာ Best European Sportsperson of 2017 ဆုကိုလည်း ထပ်မံ ရရှိခဲ့ပြန်ပါတယ်။
၂၀၁၇ ခုနှစ်မှာ ရီးယဲလ်အသင်းနဲ့အတူ ချန်ပီယံဆုဖလား ၅ ခုအထိရယူနိုင်ခဲ့တာကြောင့် စီရော်နယ်ဒိုကို နိုင်ငံတကာသတင်းအေဂျင်စီ ၂၆ ဆုက ဒီဆုအတွက် ရွေးချယ်ခဲ့ကြတာ ဖြစ်ပါတယ်။
စီရော်နယ်ဒိုဟာ ဗြိတိန်ဖော်မြူလာဝမ်းကားမောင်းသမား ဟာမီလ်တန်၊ တင်းနစ်အကျော်အမော်များဖြစ်တဲ့ ရော်ဂျာဖက်ဒါးရားနဲ့ ရာဖေးလ်နာဒဲလ်တို့ကို ကျော်ဖြတ်ပြီး ဒီဆုကို ၂ နှစ်ဆက်တိုက် ရရှိခဲ့တာ ဖြစ်ပါတယ်။
စီရော်နယ်ဒိုဟာ ပြီးခဲ့တဲ့ ဗုဒ္ဓဟူးနေ့ကမှ CR7 Gala ဆိုပြီး ၂၀၁၇ အောင်မြင်မှုအတွက် မိသားစုဝင်တွေ၊ သူငယ်ချင်းတွေနဲ့ ကိုယ်ပိုင်အခမ်းအနားတစ်ခု ကျင်းပခဲ့ပါသေးတယ်။
၂၀၁၇ ဥရောပအကောင်းဆုံးအားကစားသမားဆုအတွက် ထိပ်တန်း ၁၀ ဦးစာရင်းမှာ ဘောလုံးသမားအဖြစ် စီရော်နယ်ဒိုတစ်ဦးသာ ပါ၀င်ခဲ့တာလည်း ဖြစ်ပါတယ်။
ရည်ညွှန်း ဒေးလီးမေးလ်
