မန္တလေးတွင် ရထားတွဲလေးစီး မီးလောင်

မန္တလေးတွင် ရထားတွဲလေးစီး မီးလောင်
ဓာတ်ပုံ လင်းခိုင်(မန္တလာမြေ)

မန္တလေးမြို့၊ ချမ်းမြသာစည်မြို့နယ်၊ ချမ်းမြသာစည်တောင်ရပ်ကွက်၊ အကွက်(၈၈၃) မြို့ဟောင်းရပ်ဝန်းအတွင်းတွင်၊ နိုဝင်ဘာလ(၁၆)ရက် နံနက် ၁၂ နာရီခွဲ အချိန်က ရပ်နားထားသည့် BNUEZ(12671) အိပ်စင်ရထားတွဲမှ စတင်၍မီးလောင်မူဖြစ်ပွားခဲ့ရာ မီးရထားတွဲ (၄)စီး မီးလောင်ကျွမ်းမူဖြစ်ပွားခဲ့ပါသည်။

အဆိုပါ မီးလောင်ကျွမ်းမူအား မီးလောင်မူအဆင့် Level 2 သတ်မှတ်ကာ မီးငြိမ်းသတ်ယာဉ်(၂၀)စီး၊ ရေသယ်ယာဉ်(၁၀)စီး၊ အုပ်ချုပ်မူယာဉ်(၂)စီး၊ သန္ဓေမီးသတ်တပ်ဖွဲ့ဝင်(၇၀)ဦး၊ အရန်မီးသတ်တပ်ဖွဲ့ဝင်(၁၀၀)တို့ဖြင့် မီးငြိမ်းသတ်ခဲ့ကြပြီး နေ့လည် ၁၂နာရီခွဲခန့်တွင် မီးလောင်မူအား အပြီးငြိမ်းသတ်နိုင်ခဲ့ကြောင်း မန္တလေးမီးသတ်ဦးစီးဌာနက သတင်းထုတ်ပြန်ထားသည်။

မီးလောင်မူကြောင့် မီးရထားတွဲ(၄)စီး မီးလောင်ပျက်စီးခဲ့ပြီး ငွေကျပ်၂၃၀၀၀၀၀ ခန့် မီးလောင်ဆုံးရှုံးခဲ့သည်။ မီးလောင်ရသည့် အကြောင်းအရင်းကို မသိရသေးပေ။

မီးစတင်လောင်ကျွမ်းမူအား ချမ်းမြသာစည်မြို့နယ်၊ အမှတ်(၁၁)ရဲစခန်းတွင် အမူဖွင့်အရေးယူရေး ဆက်လက်ဆောင်ရွက်လျက်ရှိကြောင််း မန္တလေးတိုင်းဒေသကြီး မီးသတ်ဦးစီးဌာနမှ သိရသည်။

Mizzima Weekly